1 Juan 5:7 - Nuevo Testamento Uwotjüja

⁷ [Mo̧ro̧jä̧nä̧ttü̧ ji'äwätümä, wä̧mȩtukuä ja̧'a̧: Jä'o Dio'i̧nä̧, I̧wȩnȩ'i̧nä̧, Epíritu Sa̧tu̧'i̧nä̧, jü̧nä̧.] Juätü wämetukuämä̧ ji̧nä̧ ya̧tȩ wotü ja̧'a̧.

TÄ̧DO Ä̧CUÄ̧ I̧HUȨNȨ

⁷ Mo̧ro̧jä̧nä̧ kä̧nö̧ ji'ähuätömä, huämetucuä ja̧'a̧. Tä'o Dios'inä, I̧huȩnȩ'i̧nä̧, Espíritu Santo'inä. Jahuätö huämetucuä ya̧tȩtä̧ ja̧'a̧.

1 Juan 5:7 Iomraidhean Croise

San Mateo 17:5

Peduru-mä̧ ji̧nä̧ ukuoku ü̧ja̧'a̧nä̧, ajiya isoppa kkȩdȩpoppa juätü ttu̧wä̧mȩ jo̧mȩ mȩyȩwi̧a̧'a̧ttü̧, juoppattü ya̧tȩ i̧wȩnȩ rȩmi̧pi̧na̧'a̧: «Pidemä̧ ttü chi̧tti̧ rü̧ȩnä̧ eseu repedäku: Jua̧u̧ru̧mä̧ ä̧ju̧kuä̧tu̧kui̧», jü̧nä̧.

San Mateo 18:16

Ja̧'wa̧nü̧ ja̧'a̧nä̧, esetü juiyüttümä̧, kka̧ra̧rü̧ o'ipächü, ta̧ju̧ru̧ jü̧ttü̧'i̧nä̧, wä̧mȩtukuä jü̧ttü̧'i̧nä̧ juätürü o'ipächü ukuokuirü, kukuokumä̧ juätü ttä̧ju̧kuä̧ra̧'a̧nä̧ jä̧kua̧'a̧nü̧.

San Mateo 28:19

Ja̧'wa̧nü̧ ja̧'a̧ttü̧ pi̧jä̧ o'kajuiyünä̧ 'chä̧nü̧ ttü̧ja̧rü̧ chu̧wo̧juȩtä̧u̧ jü̧nä̧; Jä'o i̧mi̧nä̧, i̧tti̧ i̧mi̧nä̧ ja̧'wa̧ta̧nü̧ Epíritu Sa̧tu̧ i̧mi̧nä̧ bautizo jȩpä̧tu̧kui̧,

San Juan 1:1

Ä̧kuo̧mȩnä̧tä̧ päi'ünä̧ kki̧na̧'a̧ i̧wȩnȩmä̧; ja̧'wa̧ta̧nü̧ i̧wȩnȩmä̧ Dio-kutä kki̧na̧'a̧ ja̧'wa̧ta̧nü̧ i̧wȩnȩmä̧ Dio ji̧na̧'a̧.

San Juan 10:30

Chä'oku, ttükumä̧ ji̧nä̧ ji̧yȩtȩ wotüjä̧.

San Juan 12:28

«Chä'o, kui̧mi̧ ukuo i̧jȩpi̧» Päomȩnä̧ mo̧ro̧jä̧ra̧'a̧ttü̧, rȩmi̧pi̧na̧'a̧: «Täkü chi̧mi̧ ukuomä̧ i̧jȩpä̧'i̧jü̧sä̧ ja̧'wa̧nü̧ ja̧'a̧nä̧ pä'äjita'anü̧ chukuomä̧ chi̧jȩpä̧kua̧sä̧.»

San Juan 14:17

isopäi'ünä̧ i̧sa̧ Epíritu-ru, Dio-rü esetokotümä̧ ttȩmü̧ juiyünä̧ wa̧rü̧. Topü'i̧nä̧ tottokoku, jerupü'i̧nä̧ ttieruwäku. Ja̧'wa̧nü̧ ja̧'a̧nä̧ ukutumä̧ ku̧wo̧juä̧tu̧kuä̧ku̧, ukututäku ü̧ja̧'a̧ttü̧.

San Juan 15:26

Ja̧'wa̧nü̧ ja̧'a̧nä̧, ppädäkuäwä i̧sa̧, Chä'ottü wedäku, isopäi'ünä̧ jueünä̧ i̧sa̧ Epíritu, Chä'ottü ichomȩnä̧tä̧, jä̧kua̧'a̧ ttü chütü'kü jiäwäkua'amä̧.

San Juan 5:26

Isopäi'ünä̧ Jä'o chutä a̧mü̧nä̧ pa̧ja̧tü̧ a̧'kua̧rü̧ u̧ju̧nä̧rü̧ta̧'a̧nü̧, I̧tti̧rü̧'i̧nä̧ iyinü̧ chutä a̧mü̧nä̧ pa̧ja̧tü̧ a̧'kua̧rü̧ u̧ju̧nä̧ra̧ pä'ü.

San Juan 8:18

Ja̧'wa̧nü̧ ja̧'a̧ttü̧, ttütä chütü'kü ji'äwätümä̧ ta̧ju̧nä̧ ja̧'a̧, ttütä'i̧nä̧, Chä'o ttürü we'inü̧'i̧nä̧, jü̧nä̧.

San Juan 8:54

Jesú ädätinä̧u̧: —Ttütä cha̧mü̧nä̧ churuwo chi̧jȩku̧ttü̧mä̧, ttü churuwomä̧ mikuäwokü ja̧'a̧; ja̧'wa̧nü̧ ja̧'a̧nä̧, ttürü churuwo jȩpü̧mä̧ Chä'o ja̧'a̧, jua̧u̧tä̧ ukutu chä'o Dio päkuätukuäku.

Hechos 2:33

Ja̧'wa̧nü̧ jȩpü̧, Dio-mä̧ mo̧ro̧jä̧ra̧'a̧ ȩpü̧, ujuru uruwo iyü u̧wo̧jua̧'a̧ku̧nä̧ ütinä̧ku̧; Epíritu Sa̧tu̧rü̧ ȩmi̧nü̧'ka̧ ujuturu'i̧nä̧ iyäjä̧u̧jä̧, jitä to'kuätukumä̧.

Hechos 5:32

Pi̧yȩ topinä̧tü̧mä̧ ujututäjä̧ ja̧'wa̧ta̧nü̧ Dio, churutä ukuotätürü iyinä̧ku̧ Epíritu Sa̧tu̧'i̧nä̧ wo̧jua̧.

2 Corintios 13:14

Tu̧ru̧wa̧ re ü̧ji̧nü̧mä̧, Dio eseu repeümä̧ ja̧'wa̧ta̧nü̧ Epíritu Sa̧tu̧mä̧ ukutunä̧ ü̧jü̧mä̧ o'katoi'ünä̧ kkä̧tu̧kua̧ku̧ pä'üsä.

1 Juan 1:1

Ä̧kuo̧mȩnä̧tä̧ päi'ünä̧ kki̧nü̧, jua̧u̧nu̧tä̧ päi'ünä̧ ä̧ju̧kui̧nä̧tü̧jä̧, ti'ärenä̧'i̧nä̧ topinä̧tü̧jä̧, tu̧mü̧nä̧'i̧nä̧ mȩ'i̧nä̧tü̧jä̧, jua̧u̧ kkä̧kuä̧wä̧ wȩnȩ jitäumä̧,

1 Juan 5:6

Pidetä, Jesucrito-tä ja̧'a̧ ajiyanä̧'i̧nä̧, ukuojanä̧'i̧nä̧ ichinümä̧, bautizo jȩtti̧nä̧ku̧ ajiyanä̧'i̧nä̧, 'korujuoächomȩnä̧ ukuoja werächinä̧ku̧. Dio-ttü ichü Epíritu-tä ja̧'a̧ pi̧yȩ toinü̧ ji'äumä̧, jua̧u̧ jiäumä̧ o'kajuiyünä̧ jueü wȩnȩtä̧ ja̧'a̧.

1 Juan 5:8

Epíritu Dio weinä̧ku̧'i̧nä̧, ajiya bautizo jȩä̧kuä̧wi̧nü̧'i̧nä̧ ja̧'wa̧ta̧nü̧ ukuoja, ü̧jo̧kä̧ jäittü werächinoya'i̧nä̧, jü̧nä̧. Ja̧'wa̧nü̧ ja̧'a̧ttü̧, pi̧yȩ [wäbodäkuänä̧ jo̧mȩnä̧ jü̧mä̧, ji̧nä̧ ji̧yȩtȩtä̧ jiäwa'a.]

Apocalipsis 19:13

Ü̧'ka̧tä̧wä̧ta̧mä̧ ttukuoja 'kukuȩkuä̧ta̧ 'ka̧tä̧wi̧nü̧ ja̧'wa̧ta̧nü̧ i̧mi̧mä̧: «Dio i̧wȩnȩ» pä'ü mikuinü̧.