1 Juan 5:1 - Nuevo Testamento Uwotjüja

¹ O'katoi'ünä̧ Jesú-ru, Crito ja̧'a̧ pä'ü esetätümä̧, Dio-ttü uwäpächinä̧tü̧ ja̧'a̧; ja̧'wa̧ta̧nü̧ o'katoi'ünä̧ Jä'orü eseu repe'ätümä̧, i̧tti̧rü̧'i̧nä̧ eseu repe'ätü.

TÄ̧DO Ä̧CUÄ̧ I̧HUȨNȨ

¹ O'ca toi'önä Jesúsmä Cristo ja̧'a̧ pä'ö esetätömä, Dios i̧tti̧mö̧. Ya̧tȩ ta̧hua̧ru̧hua̧ i̧tti̧mö̧ ku̧nä̧rö̧rö̧ repetöttömä, ja̧u̧tä̧ i̧tti̧mö̧rö̧'i̧nä̧ repe'ätöjä.

1 Juan 5:1 Iomraidhean Croise

San Mateo 16:16

Päomȩnä̧, Simón Peduru-mä̧ päinä̧ku̧: —Ukumä̧, Crito-jä̧, a̧'kua̧rü̧ kkä̧ku̧ Dio weinä̧ku̧.

San Lucas 7:5

Ja̧u̧mä̧ ti̧rȩjä̧'i̧nä̧ repe'ü, ja̧'wa̧ta̧nü̧ sinagogas isode'i̧nä̧ aditü iyinä̧u̧jä̧.

San Juan 1:3

Jua̧u̧nä̧tä̧tä̧, kka̧ku̧mä̧ o'kajuiyünä̧ aditinü̧, Jua̧u̧ toünä̧mä̧ aditokü ji̧nü̧.

San Juan 15:23

Ttürü kkü'kokümä̧, Chä'orü'i̧nä̧ kkü'kokü.

San Juan 3:3

Jesú-mä̧ jua̧u̧ru̧ pä'inü̧: —Isopäi'ünä̧tä̧ pädäkujä̧, jareünä̧ uwäpächokümä̧, Ru̧wa̧ Dio weomȩmä̧ topokü jä̧kua̧.

San Juan 6:69

Ja̧'wa̧nü̧ ja̧'a̧ttü̧, ujutumä̧ täkü esetinä̧tü̧jä̧, ukumä̧ Dio kkü̧ i̧tti̧jä̧ pä'ü.

San Juan 8:42

Pättiyäku Jesú-mä̧ ädätinä̧u̧: —Isopäi'ünä̧ Dio kuä'otuku jü̧ttü̧mä̧, ttürü eseu repe'atüjä̧; ttümä̧ jua̧u̧ttü̧ rä'opü chichina̧'a̧ttü̧. Ttümä̧, cha̧mü̧nä̧ amükuädümä̧ ichokü pinü̧sä̧, pärokua'aku Dio-tä ja̧'a̧ ttürü we'inü̧mä̧.

Hechos 8:36

Jua̧u̧nü̧ o'ka'a, aje kko̧mȩ 'kuäto'omȩnä̧, Etiopía i̧sa̧mä̧ pä'inü̧; —Pȩnȩtä̧ akua'a ajiyamä̧; ¿däjetä tto̧ȩpä̧ra̧'a̧jä̧ttü̧, bautizo jȩchä̧kuä̧wa̧ pä'ümä̧? [

Hechos 8:37

Felipe-mä̧ ädätinä̧ku̧: —Jesucrito-rü adiu kuesetüttümä̧, bautizo jȩchä̧ku̧jä̧. Etiopía i̧sa̧mä̧ pä'inü̧: —Jesucrito-mä̧ isopäi'ünä̧ Dio I̧tti̧ ja̧'a̧ pä'ü esetüsä.]

Santiago 1:18

Chutämä̧, ja̧'wa̧nü̧tä̧ pä̧wä̧rü̧ji̧nä̧ku̧, isopäi'ünä̧ wȩnȩnä̧tä̧ kkä̧kuä̧wä̧ i'komä̧ iyinä̧u̧jä̧, uwäbe'inä̧u̧ttü̧ ä̧kuo̧mȩnä̧ u̧wä̧ju̧ wotüta pä'ümä̧.

1 Pedro 1:3

Tu̧ru̧wa̧ Jesucrito jä'o Dio-rü tesewätukua, rü̧ä̧nä̧ rȩrü̧jü̧ toa'a'ttü̧ Jesucrito ttoächinünä̧ jareünä̧ tuwäpächünä̧ jȩi̧nä̧u̧jä̧, pi̧yȩ ja̧'a̧ tta̧wa̧rä̧kuä̧wä̧ iyümä̧,

1 Juan 2:10

A̧wa̧ru̧wa̧ ü̧jä̧wa̧rü̧ eseu repeüttümä̧, tȩya̧u̧nä̧ kkü̧; ja̧'wa̧nü̧ kkü̧mä̧ kka̧ra̧rü̧mä̧ ma̧ä̧chü̧nä̧mä̧ jȩpo̧kü̧.

1 Juan 2:29

Täkü ukutumä̧, wo̧juä̧tü̧jä̧ Jesucrito-mä̧ Jä'o Dio-rü pä̧wä̧rü̧jü̧tä̧ jȩä̧kuä̧wä̧ i̧sa̧ pä'ü. Ja̧'wa̧ta̧nü̧ o'katoi'ünä̧ Ttä'o Dio-rü pä̧wä̧rü̧jü̧ jȩpä̧tü̧mä̧, Dio i̧tti̧mü̧ ja̧'a̧ pä'ü.

1 Juan 3:14

Ujutumä̧ wo̧juä̧tü̧jä̧, wa'arettümä̧ a̧'kua̧rä̧kuä̧wä̧ra̧'a̧ku̧ 'kuä'o'inä̧tü̧jä̧ pä'ümä̧; tawaruwä tü̧jä̧wa̧tü̧rü̧ eseu repeta'attü̧. A̧wa̧ru̧wa̧ ü̧jä̧wa̧rü̧ repe'okümä̧ ji̧nä̧ wa'arenä̧tä̧ kkü̧ ja̧'a̧.

1 Juan 3:17

Isopäi'ünä̧, yotüte ttiäre pärätä kku̧nä̧rä̧tü̧, tta̧wa̧ru̧wa̧ tti̧jä̧wa̧rü̧ rekuä rü̧ja̧'a̧ totta'anä̧; jua̧u̧ru̧ re ttü̧jü̧ juiyüttümä̧, ¿Toku kkä̧kua̧'a̧jä̧ttü̧, tta̧mi̧so'kinä̧mä̧, Dio eseu repeü jäwämä̧?

1 Juan 3:9

O'katoi'ünä̧ Dio-ttü uwäpächinä̧tü̧mä̧ surojümä̧ jȩpü̧ kko̧ko̧tü̧, Dio i̧tti̧mä̧ juätünä̧ ü̧ja̧'a̧ttü̧. Surojümä̧ jȩpü̧ ttü̧jü̧ juiyünä̧ jä̧u̧, Dio-ttü ttuwäpächina̧'a̧ttü̧.

1 Juan 4:2

Pi̧yȩttü̧ kka̧kuä̧mü̧ topü wo̧juä̧wa̧'a̧, isopäi'ünä̧ Dio i̧yä̧wa̧ Epíritu-ru kku̧nä̧rä̧tü̧jä̧ pä'ümä̧: «Jesucrito-mä̧ isopäi'ünä̧ ttü̧ja̧sa̧ jü̧nä̧ ichinü̧ pi̧jä̧ra̧'a̧mä̧,» pätta'attü̧ topü wo̧juä̧tü̧jä̧.

1 Juan 4:20

Ja̧'wa̧nü̧ ja̧'a̧ttü̧, ya̧tȩ «Dio-rü eseu repe'üsä» pä'ükkä̧nü̧, a̧wa̧ru̧wa̧ i̧jä̧wa̧rü̧ eseu repeü juiyüttümä̧, yapareäkuäwä i̧sa̧ ja̧'a̧. Isopäi'ünä̧ tawaruwä ti̧jä̧wa̧ totäkuru'i̧nä̧ eseu repetoka'amä̧ ¿toku eseu repetäkua'ajä̧ttü̧, Dio-rümä̧, totokokurumä̧?

1 Juan 4:7

Chawaruwä chü̧jä̧wa̧tü̧, eseu repeäkuäwämä̧ Dio-ttü ichü ja̧'a̧ttü̧, yotükupünä̧ eseu repetäkuäu'anü̧ ja̧'a̧. Isopäi'ünä̧ eseu repeäkuäwä kku̧nä̧rä̧tü̧mä̧ o'katoi'ünä̧ Dio i̧tti̧mü̧ ja̧'a̧ ja̧'wa̧ta̧nü̧ juätümä̧ Dio-rü wo̧juä̧tü̧ ja̧'a̧.

1 Juan 5:18

O'katoi'ünä̧ Dio-ttü uwäpächinä̧tü̧mä̧ surojümä̧ jȩpȩ'ü̧ kko̧ko̧tü̧. Jua'amä̧ Dio I̧tti̧tä̧ tta̧wä̧ra̧'a̧ttü̧, äwettä mȩü̧ juiyünä̧.

1 Juan 5:4

O'katoi'ünä̧ Dio-ttü uwäpächinä̧tü̧mä̧ pi̧jä̧ jäwä surojü kkȩdü̧ ikuätü. Ja̧'wa̧ta̧nü̧ o'katoi'ünä̧ Jesucrito-rü tta̧'kua̧ wȩnä̧rä̧tü̧mä̧ pi̧jä̧ jäwä surojü abo 'kuä'o'ätü.

1 Juan 5:5

Jesucrito-mä̧ Dio I̧tti̧ ja̧'a̧ pä'ü esetümä̧ pi̧jä̧ jäwä surojü kkȩdü̧ iku.