1 Juan 4:7 - Nuevo Testamento Uwotjüja

⁷ Chawaruwä chü̧jä̧wa̧tü̧, eseu repeäkuäwämä̧ Dio-ttü ichü ja̧'a̧ttü̧, yotükupünä̧ eseu repetäkuäu'anü̧ ja̧'a̧. Isopäi'ünä̧ eseu repeäkuäwä kku̧nä̧rä̧tü̧mä̧ o'katoi'ünä̧ Dio i̧tti̧mü̧ ja̧'a̧ ja̧'wa̧ta̧nü̧ juätümä̧ Dio-rü wo̧juä̧tü̧ ja̧'a̧.

TÄ̧DO Ä̧CUÄ̧ I̧HUȨNȨ

⁷ Chö̧jä̧hua̧tö̧, repeähuä Diosttö icha'attö, repetö'a̧nö̧ ja̧'a̧ tö̧jä̧hua̧tö̧ o'ca toi'önärö. Repe'ätömä Dios i̧tti̧mö̧. Diosrö huo̧juä̧tö̧.

1 Juan 4:7 Iomraidhean Croise

San Juan 13:34

Ji̧yȩtȩ jareünä̧ weäwä wȩnȩ we'üsä, ukuturu: Yotukunä̧ eseu repe'äkuäwätukui; ttü ukuturu eseu repedä'ijüta̧'a̧nü̧ ja̧'wa̧ta̧nü̧ ukutu'i̧nä̧ eseu repe'äkuäwätukui.

San Juan 17:3

Ja̧'wa̧ta̧nü̧ pi̧yȩ ja̧'a̧ kkä̧kuä̧wä̧ i'komä̧: Isopäi'ünä̧tä̧ wa̧, uku ya̧tȩtä̧ Dio-rü ttu̧wo̧jui̧po̧mȩnä̧ ja̧'wa̧ta̧nü̧ Jesucrito-rü wekuinä̧ku̧ru̧'i̧nä̧ ttu̧wo̧jui̧po̧mȩnä̧.

1 Corintios 8:3

Ja̧'wa̧nü̧ ja̧'a̧nä̧, ya̧tȩ Dio-rü eseu repe'ümä̧, Dio-tä u̧wo̧juä̧ku̧.

2 Corintios 4:6

Isopäi'ünä̧ Chutä Dio-tä, yo̧mȩttü̧ tȩya̧u̧ kkä̧dȩpa̧ pä'ü jȩpi̧nü̧tä̧ ja̧'a̧, tta̧mi̧'iso'kinä̧ tȩya̧u̧ kkä̧dȩpa̧ pä'ü'i̧nä̧ jȩpi̧nü̧mä̧, jua'amä̧ Jesucrito-nä̧tä̧, Chutä Dio ü̧rü̧ä̧ tu̧wo̧jui̧ya̧rü̧ pä'ü.

Gálatas 4:9

Ja̧'wa̧nü̧ ja̧'a̧nä̧ jitä Dio-rü ku̧wo̧juä̧chi̧nä̧tu̧kua̧'a̧mä̧, ja̧'wa̧nü̧ pä'ü jui'ü'i̧nä̧ Dio u̧wo̧juä̧u̧ kuätukua'amä̧ ¿tta̧'a̧nü̧ pä'ü ppa̧kuä̧chä̧tu̧kua̧'a̧jä̧ttü̧ ttü̧ä̧nä̧wo̧tü̧ juiyupätürü, mikuäwokotürü, kukuotätukua pä'ümä̧?

Gálatas 5:22

Ja̧'wa̧nü̧ ja̧'a̧nä̧ Epíritumä̧ iyü, eseu repeäkuäwä, eseäkuäwä, wȩnȩ juiyü kkä̧kuä̧wä̧, jurunä̧ woäkuäwokü, adiwä i̧sa̧, ppädäkuäwä i̧sa̧, jueünä̧tä̧ ukuoku,

2 Timoteo 1:7

Ja̧'wa̧ta̧nü̧ Dio-mä̧ epíritu yȩ'ȩkua̧rü̧mä̧ i̧yo̧ko̧u̧ pinä̧tü̧jä̧, ja̧'wa̧nü̧ ja̧jü̧ jueimä̧ ju̧ru̧wa̧rü̧tä̧, eseäkuäwä kku̧nä̧rü̧rü̧tä̧ ja̧'wa̧ta̧nü̧ a̧mü̧nä̧ pa̧ja̧tü̧ we'äurutä iyinä̧u̧jä̧.

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

1 Juan 2:10

A̧wa̧ru̧wa̧ ü̧jä̧wa̧rü̧ eseu repeüttümä̧, tȩya̧u̧nä̧ kkü̧; ja̧'wa̧nü̧ kkü̧mä̧ kka̧ra̧rü̧mä̧ ma̧ä̧chü̧nä̧mä̧ jȩpo̧kü̧.

1 Juan 2:29

Täkü ukutumä̧, wo̧juä̧tü̧jä̧ Jesucrito-mä̧ Jä'o Dio-rü pä̧wä̧rü̧jü̧tä̧ jȩä̧kuä̧wä̧ i̧sa̧ pä'ü. Ja̧'wa̧ta̧nü̧ o'katoi'ünä̧ Ttä'o Dio-rü pä̧wä̧rü̧jü̧ jȩpä̧tü̧mä̧, Dio i̧tti̧mü̧ ja̧'a̧ pä'ü.

1 Juan 2:3

Chutä weinü̧ ukuotü jȩpü̧ tü̧ja̧kua̧'a̧ttü̧, Jua̧u̧ru̧ wo̧juä̧tü̧jä̧.

1 Juan 2:4

Ttümä̧, «Jua̧u̧ru̧ wo̧jua̧sä̧» pä'anä̧, weinü̧ ukuotokomȩnä̧mä̧, ja̧'wa̧nü̧ pä'ümä̧ ya̧pa̧rȩwa̧, jueü wȩnȩmä̧ kko̧ka̧'a̧ jua̧u̧nä̧mä̧.

1 Juan 2:7

Chawaruwä chi̧jä̧wa̧tü̧, ukuturu wȩyu̧tu̧ wedümä̧ jareünä̧ weäwä wȩnȩmä̧kü̧ ja̧'a̧; mo̧ täbokü, ä̧kuo̧mȩnä̧ttü̧tä̧ päi'ünä̧ ku̧ju̧nä̧ri̧nä̧tu̧ku̧ wȩnȩ ja̧'a̧. Pi̧yȩmä̧ täbokütä päi'ünä̧ Weäwä wȩnȩ ji̧na̧'a̧, jitä ja̧'a̧ku̧ kuä̧ju̧kui̧nä̧tu̧ku̧mä̧.

1 Juan 3:9

O'katoi'ünä̧ Dio-ttü uwäpächinä̧tü̧mä̧ surojümä̧ jȩpü̧ kko̧ko̧tü̧, Dio i̧tti̧mä̧ juätünä̧ ü̧ja̧'a̧ttü̧. Surojümä̧ jȩpü̧ ttü̧jü̧ juiyünä̧ jä̧u̧, Dio-ttü ttuwäpächina̧'a̧ttü̧.

1 Juan 4:11

Chawaruwä chi̧jä̧wa̧tü̧, isopäi'ünä̧ Dio ja̧'wa̧nü̧ ujuturu eseu repeinüttü̧mä̧, ja̧'wa̧ta̧nü̧ ujutu'i̧nä̧ yotukunä̧ eseu repetäkuäwa pä'ü ja̧'a̧.

1 Juan 4:12

Dio-mä̧ ya̧tȩ'i̧nä̧, yorisotä tookoku ja̧'a̧nä̧; ujutu yotükupünä̧ eseu repetäkuäuttümä̧, Dio-mä̧ ujutunä̧ kkü̧ ja̧'wa̧ta̧nü̧ Jua̧u̧ eseu repeü'i̧nä̧ ujutunä̧ kkä̧kua̧'a̧.

1 Juan 4:16

Ja̧'wa̧nü̧ Dio ujuturu eseu repeü wo̧jui̧'i̧nü̧'kotümä̧, Jua̧u̧ru̧tä̧ esetinä̧tü̧jä̧. Dio-mä̧ eseu repeäkuäwätä wa̧ pä'ü. Ja̧'wa̧nü̧ ja̧'a̧ttü̧ eseu repeäkuäwänä̧ kkü̧mä̧ Dio-ku kkü̧ ja̧'wa̧ta̧nü̧ Dio'i̧nä̧ jua̧u̧nä̧tä̧ kkü̧.

1 Juan 4:20

Ja̧'wa̧nü̧ ja̧'a̧ttü̧, ya̧tȩ «Dio-rü eseu repe'üsä» pä'ükkä̧nü̧, a̧wa̧ru̧wa̧ i̧jä̧wa̧rü̧ eseu repeü juiyüttümä̧, yapareäkuäwä i̧sa̧ ja̧'a̧. Isopäi'ünä̧ tawaruwä ti̧jä̧wa̧ totäkuru'i̧nä̧ eseu repetoka'amä̧ ¿toku eseu repetäkua'ajä̧ttü̧, Dio-rümä̧, totokokurumä̧?

1 Juan 4:8

Ya̧tȩ, eseu repe'okümä̧ Dio i̧tti̧ wokü, isopäi'ünä̧ Dio-mä̧ eseu repeäkuäwä i̧sa̧ ja̧'a̧ttü̧.

1 Juan 5:1

O'katoi'ünä̧ Jesú-ru, Crito ja̧'a̧ pä'ü esetätümä̧, Dio-ttü uwäpächinä̧tü̧ ja̧'a̧; ja̧'wa̧ta̧nü̧ o'katoi'ünä̧ Jä'orü eseu repe'ätümä̧, i̧tti̧rü̧'i̧nä̧ eseu repe'ätü.

2 Juan 1:5

Ja̧'wa̧ta̧nü̧ jitämä̧, chawaruwä chü̧jä̧wa̧tü̧, kkorotüku repe'äkuäu kka̧kuä̧tu̧kui̧ pä'ü ajuäwäkuäunü̧ jädepä̧u̧jä̧. Pi̧yȩ chi̧wȩyu̧tu̧mä̧ jareü wȩnȩmä̧kü̧ ja̧u̧ ja̧jü̧jueimä̧ ä̧kuo̧mȩnä̧tä̧ päi'ünä̧ tȩmi̧nü̧ ja̧'a̧.