1 Juan 4:1 - Nuevo Testamento Uwotjüja

¹ Chawaruwä chi̧jä̧wa̧tü̧, Dio iyinä̧ku̧ Epíritu-ru kku̧nä̧rä̧tü̧jä̧ pä'ätürümä̧ o'katoi'ünä̧rü̧mä̧, kuesetätukuä, kka̧kuä̧mü̧ topätukui, isopäi'ünä̧ Dio iyinä̧ku̧ Epíritu-ru ttu̧ju̧nä̧ra̧ja̧ pä'ü. Isopäi'ünä̧ pi̧jä̧nä̧, rekuätü Dio i̧wȩnȩ ji'äwätü profetas 'kua̧rü̧nä̧ rä'ekuätü.

TÄ̧DO Ä̧CUÄ̧ I̧HUȨNȨ

¹ Chö̧jä̧hua̧tö̧, cuesetätucuä' o'ca toi'önä “Espíritu Santo ttöcu kö̧” pä'ätörö. Jahuätörö ka̧cuä̧mö̧ topätucui, Espíritu Santo jahuätöcu ö̧ja̧ pä'ö. Jitä recuätö yapareu ucuocu “Dios i̧huȩnȩ ji'ähuätöjä” pä'ätömä pi̧jä̧ o'ca juiyönä cue'ächätö.

1 Juan 4:1 Iomraidhean Croise

San Marcos 13:21

Ja̧'wa̧nü̧ ja̧'a̧ttü̧ ukuturu: Topätukui Crito-mä̧ yȩna̧ja̧ kkü̧, yȩnȩ ichi'äji pättüttümä̧ kuesetätukuätü.

San Lucas 12:57

¿Tta̧'a̧nü̧ pä'ü, adiwomȩnä̧ jü̧mä̧ kua̧mü̧nä̧ pa̧ja̧tü̧ amükuädäkuäu to'kuäkuäwätukuoka'a jä̧u̧ jä̧ttü̧?

San Lucas 21:8

Ädätinä̧u̧: Yapareu jittäu kuesetätukuoka'a ttu̧'ȩpä̧rü̧nü̧ kka̧kuä̧tu̧kui̧. Isopäi'ünä̧ rekuätü ttü chi̧mi̧nä̧ ttichäkuotü. Pa̧'a̧nü̧ pä'ätü: «Ttütäsä Crito-mä̧, täkü jitä mo̧ro̧ pätekuächa'a» pätta'anä̧ kuesetätukuä.

Hechos 17:11

Juätü judío-mä̧ Tesalónica-nä̧ kka̧kuä̧tü̧ttü̧'i̧nä̧ abonä̧nü̧ adiu eseäkuäwinä̧tü̧, Dio i̧wȩnȩmä̧ eseunu̧ ä̧ju̧kui̧nä̧tü̧, mo̧ro̧ ji̧nü̧'a̧kuä̧ wȩyu̧kuä̧ wȩnȩ topü wo̧jui̧pi̧nä̧tü̧, jittäumä̧ isopäi'ünä̧ ja̧ pä'ü.

Hechos 20:29

Ja̧'wa̧nü̧ ja̧'a̧ttü̧ wo̧jua̧sä̧, ttü cho'komȩ päi'omȩnä̧, ku̧'kä̧tȩtu̧ku̧nä̧ dodettäkuotü Rowo isotü pä̧i̧kuä̧tü̧ igresia ttü̧ja̧rü̧ be'epäjipü ttikua pä'ü.

1 Corintios 12:10

Kkorotürümä̧ iyü ttujuru'i̧nä̧, jȩtto̧kü̧ juei jȩtta̧ pä'ü'i̧nä̧; kkorotürütä iyü Dio i̧mi̧nä̧ jittäwa pä'ü'i̧nä̧. Yotüterümä̧ iyü epíritu-tu̧ yaparewätürü'i̧nä̧, isopäi'ünä̧ isotürü'i̧nä̧ ttu̧wo̧jua̧ pä'ü ja̧'wa̧ta̧nü̧ kkorotürümä̧ iyü kkorotü tti̧wȩnȩ wo̧juȩku̧nä̧ ttukuokua pä'ü'i̧nä̧; ja̧'wa̧ta̧nü̧ kkorotürümä̧ iyü, kkorotü tti̧wȩnȩnä̧ ttukuokuomȩnä̧ rä'epü iku jittäwa pä'ü'i̧nä̧.

1 Corintios 14:29

Ja̧'wa̧ta̧nü̧, profetas wotü'i̧nä̧ ta̧ju̧tä̧tä̧, wä̧mȩtukuätätä ukuokuätukui, kkorotü adiwomȩnä̧ pätta'anä̧.

1 Tesalonicenses 5:20

Dio i̧wȩnȩ (jä̧kuȩ wȩnȩ) jittäwomȩnä̧ esetätukui.

1 Tesalonicenses 5:21

Kka̧kuä̧mü̧ topü adiwä jueitä jȩpä̧tu̧kui̧.

2 Tesalonicenses 2:2

kuamükuädätukumä̧ 'kuäunä̧tä̧mä̧ ku'ärowächätukuä, ya̧tȩ yapare jiäwa'anä̧mä̧ ja̧'a̧tä̧mä̧ to'kuäkuäwätukuä, epíritu jiäwäjäkusä, ja̧'wa̧ta̧nü̧ juätümä̧ pa̧'a̧nü̧ jittäwäjäkusä päüttü'i̧nä̧ ja̧'wa̧ta̧nü̧ pauru wȩyu̧tu̧ we'äji pättüttü'i̧nä̧.

1 Timoteo 4:1

Ja̧'wa̧nü̧ ja̧'a̧nä̧ Epíritumä̧ jueünä̧tä̧ pä'ü rüjí mo̧ro̧ päi'omȩnä̧ yotukunä̧mä̧ tta̧'kua̧ ttu̧wȩnä̧rü̧ kättädi'äkuȩmä̧, epíritu-tu̧ suropätü isopäi'ünä̧ jo̧kü̧ jittäu ä̧ju̧ku̧, ja̧'wa̧ta̧nü̧ epíritu-tu̧ suropätü ttu̧wo̧juȩtü̧ ttesetäkuȩmä̧.

2 Timoteo 3:13

Ja̧'wa̧nü̧ ja̧'a̧nä̧ suronä̧ jȩpä̧tü̧mä̧ ja̧'wa̧ta̧nü̧ yaparewätümä̧ yabokutä surojuottächäkuotü, ja̧'wa̧ta̧nü̧ yotüterü yaparewätürümä̧ kkorotü ttüyaparewäkuotü.

2 Pedro 2:1

Ja̧'wa̧ta̧nü̧ Irae ttü̧ja̧ ttü̧'kä̧tȩnä̧mä̧ isopäi'ünä̧ jä̧'i̧nü̧'a̧nü̧ wotü profeta-tü̧ kka̧kui̧nä̧tü̧; ja̧'wa̧nü̧ ji̧nü̧ta'anü̧ ukutu ku̧'kȩtȩtu̧ku̧nä̧mä̧ isopäi'ünä̧ jä̧'i̧nü̧'a̧nü̧ wo̧juȩkuä̧ isotümä̧ ttü̧ja̧kuä̧kuo̧tü̧. Juätümä̧ suronä̧ tta̧mü̧kuädümä̧ dajiku ttu̧wo̧juȩtä̧kuo̧tü̧, chutä tu̧ru̧wa̧ surojüttü rä'epü ikuinü̧rü̧'i̧nä̧ tä̧ppü̧tä̧rä̧kuo̧tü̧; ja̧'wa̧nü̧ ja̧'a̧ttü̧ juätümä̧ tta̧ttä̧ro̧kü̧ jä̧ji̧ ro̧ȩkuä̧ra̧'a̧ ȩpä̧kuo̧tü̧.

1 Juan 2:18

Chi̧tti̧mü̧ wotü täkü rüjí mo̧ro̧ ja̧'a̧. Ukutumä̧ ä̧ju̧kui̧nä̧tü̧jä̧, Crito-rü to'ija̧'a̧ku̧ wa̧mä̧ täkü i̧chä̧kua̧, pätta'a; ja̧'wa̧nü̧ ja̧'a̧ttü̧ täkü rekuätü, Crito-rü to'ija̧'a̧ku̧ ukuokuätü rä'ätü; ja̧'wa̧nü̧ jo̧mȩttü̧ täkü rüjí mo̧ro̧ ja̧'a̧ pä'ü wo̧juä̧tü̧jä̧.

1 Juan 2:7

Chawaruwä chi̧jä̧wa̧tü̧, ukuturu wȩyu̧tu̧ wedümä̧ jareünä̧ weäwä wȩnȩmä̧kü̧ ja̧'a̧; mo̧ täbokü, ä̧kuo̧mȩnä̧ttü̧tä̧ päi'ünä̧ ku̧ju̧nä̧ri̧nä̧tu̧ku̧ wȩnȩ ja̧'a̧. Pi̧yȩmä̧ täbokütä päi'ünä̧ Weäwä wȩnȩ ji̧na̧'a̧, jitä ja̧'a̧ku̧ kuä̧ju̧kui̧nä̧tu̧ku̧mä̧.

2 Juan 1:7

Ja̧'wa̧ta̧nü̧ pi̧jä̧nä̧mä̧ rekuätü ttü̧ja̧rü̧ yaparetü Jesucrito-mä̧ isopäi'ünä̧ Ubo jü̧nä̧mä̧ ichokü pinü̧ pä'ü kue'ächü ji'äwätü. Ja̧'wa̧nü̧ wa̧mä̧ jerutu ikuäwä i̧sa̧tä̧ ja̧'a̧ ja̧'wa̧ta̧nü̧ Crito aboi̧ya̧tä̧ wa̧.

3 Juan 1:11

Cha̧wa̧ru̧wa̧ chi̧jä̧wa̧, surojü jȩttü̧ ji̧yȩta̧'a̧kuä̧mä̧ jȩ'kuä̧. Adiwä juei jȩpü̧mä̧ Dio-rü wo̧jua̧ ja̧'a̧ ja̧'wa̧nü̧ ja̧'a̧nä̧ surojü jȩpü̧mä̧ Dio-rü jȩru̧pa̧ ja̧'a̧.

Apocalipsis 2:2

Ttümä̧ ukú kuaditäwämä̧ o'kajuiyünä̧ wo̧jua̧sä̧, usurä kuȩmä̧u̧'i̧nä̧, kua̧mi̧ 'ki'ächi'ü kui̧'chü̧'i̧nä̧, jü̧nä̧; ja̧'wa̧ta̧nü̧ surojünä̧ jȩpä̧tü̧rü̧ kuju'kokü'i̧nä̧ wo̧jua̧sä̧. Ja̧'wa̧ta̧nü̧ Apótore-jä̧ pä'ü yaparewätürü, kka̧kuä̧mü̧ topü ku̧wo̧juö̧'i̧nä̧ wo̧jua̧sä̧.