1 Juan 3:21 - Nuevo Testamento Uwotjüja

²¹ Ja̧'wa̧nü̧ ja̧'a̧nä̧, chawaruwä chü̧jä̧wa̧tü̧, ta̧mi̧ iso'ki, su̧ro̧pa̧jä̧ päü juiyüttümä̧, Dio ä'ka jo̧mȩttü̧ ta̧'kua̧ tu̧wȩnä̧rü̧nä̧ ja̧'a̧.

TÄ̧DO Ä̧CUÄ̧ I̧HUȨNȨ

²¹ Chö̧jä̧hua̧tö̧, ujututä suronä jȩpo̧co̧tö̧jä̧ pä'ö tamöcuädöttömä, Dios ä'ca jo̧mȩ tesehuäcuotöjä.

1 Juan 3:21 Iomraidhean Croise

Romanos 14:22

¿Kua̧'kua̧ wȩnä̧rü̧jä̧? ukutätä kua̧'kua̧ wȩnä̧ri̧ Dio ä'ka jo̧mȩttü̧. ¡Eseäkuäwä po̧kui̧pä̧tü̧ surojü juiyünä̧ jȩpä̧tü̧mä̧; jȩtto̧mȩnä̧mä̧ surojoko̧u̧!

1 Corintios 4:4

Jua'akumä̧, ttü suronä̧ jȩchi̧na̧'a̧mä̧, wäitä chieruwuönä̧ jä̧ku̧sä̧, adiu jȩpü̧ pä'ümä̧ pättoka'anä̧. Ja̧'wa̧nü̧ ja̧'a̧nä̧, ji̧nä̧so jȩchü̧ wȩnȩ pä'ümä̧ Dio-tä ja̧'a̧.

2 Corintios 1:12

Isopäi'ünä̧ ujutumä̧ ukuo te'äkuäu eseäkuäwätüjä̧, pi̧jä̧ ttü̧ja̧ ttä'ka jo̧mȩttü̧ amükuädü totomȩnä̧ wȩnȩ jui̧yä̧u̧ ja̧'wa̧ta̧nü̧ ukutu kuä'katukuttü'i̧nä̧ surojü juiyomȩnä̧, jueünä̧tä̧ Dio päü'a̧kuä̧ jȩti̧na̧'a̧ttü̧, pi̧jä̧ ttü̧ja̧ ttu̧wo̧juo̧mȩnä̧mä̧kü̧; ujututä tu̧wo̧juo̧ko̧mȩnä̧ Dio ppädomemȩnä̧tä̧ jȩti̧na̧'a̧ttü̧.

Efesios 3:12

Ja̧'wa̧ta̧nü̧ jua̧u̧nä̧tä̧ ta̧'kua̧ wȩnä̧rü̧ Dio-rümä̧ wäjuönä̧ dodetünä̧ ja̧'a̧.

1 Timoteo 2:8

Ja̧'wa̧nü̧ ja̧'a̧ttü̧, u̧mä̧tü̧mä̧ ttü̧ja̧kuo̧mȩ pünä̧ tta̧mi̧so'kinä̧ surojü juiyünä̧, ttü̧ra̧wä̧ro̧ka̧'a̧, pättä'chäkuäwoka'a, ttu̧mü̧ kä'epü Dio-rü ttukuokua pä̧wä̧rü̧jä̧ku̧sä̧.

Hebreos 10:22

Ja̧'wa̧nü̧ ji̧na̧'a̧ttü̧, tütü'küwächätukua Dio-rümä̧ tamiso'kinä̧ jueünä̧tä̧ amükuädü, jo̧mȩnü̧tä̧ tta̧'kua̧ wȩnä̧rü̧, surojü juiyünä̧ adiunä̧tä̧ amükuädünü̧ tamiso'kinä̧mä̧ ja̧'wa̧ta̧nü̧ jättäpäyotü ajiya päkuoyanä tükäu ikuipü.

Hebreos 4:16

Ja̧'wa̧nü̧ ja̧'a̧ttü̧, ta̧'kua̧ wȩnä̧rü̧ kkä̧nü̧, Dio rettü weomȩku̧ tütü'küwächa pä'ätukui. Rȩrü̧jü̧ toatü pä'ümä̧, ujuturu rekuä rü̧jü̧ mo̧ro̧ ja̧'a̧ttü̧.

1 Juan 2:28

Ja̧'wa̧nü̧ ja̧'a̧ttü̧, chi̧tti̧mü̧ wotü, Chutä Crito-nä̧ kka̧kuä̧tu̧kui̧. Jua̧u̧ ichü mo̧ro̧ päi'omȩnä̧ jo̧mȩnü̧ kua̧'kua̧ wȩnä̧rü̧ kui̧jȩkuä̧tu̧kuä̧kua̧'a̧nü̧, dä'ä ttukuätuku juiyäkua'anü̧.

1 Juan 2:7

Chawaruwä chi̧jä̧wa̧tü̧, ukuturu wȩyu̧tu̧ wedümä̧ jareünä̧ weäwä wȩnȩmä̧kü̧ ja̧'a̧; mo̧ täbokü, ä̧kuo̧mȩnä̧ttü̧tä̧ päi'ünä̧ ku̧ju̧nä̧ri̧nä̧tu̧ku̧ wȩnȩ ja̧'a̧. Pi̧yȩmä̧ täbokütä päi'ünä̧ Weäwä wȩnȩ ji̧na̧'a̧, jitä ja̧'a̧ku̧ kuä̧ju̧kui̧nä̧tu̧ku̧mä̧.

1 Juan 3:2

Chawaruwä chi̧jä̧wa̧tü̧, täkü jitämä̧ Dio i̧tti̧mü̧jä̧ ja̧'wa̧nü̧ ja̧'a̧nä̧, ji̧nä̧ yodoji tä̧kuȩmä̧ wokotüjä̧, Jesucrito ichomȩnä̧mä̧ chutä jü̧ta̧'a̧nü̧ täkuotüjä̧, jua'amä̧ churutä tota'attü̧.

1 Juan 3:20

Ja̧'wa̧nü̧ ja̧'a̧nä̧ tta̧mi̧ iso'ki, ukumä̧ su̧ro̧pa̧jä̧ päüttümä̧, Dio-mä̧ ta̧mi̧ iso'kittü'i̧nä̧ abonä̧nü̧ büó ja̧'a̧ttü̧, o'kajuiyünä̧tä̧ wo̧jua̧.

1 Juan 4:17

Isopäi'ünä̧ tawaruwä tü̧jä̧wa̧tü̧rü̧ eseu repe'ü tü̧ja̧ku̧ttü̧mä̧ ja̧'wa̧ta̧nü̧ Jesucrito pi̧jä̧ttü̧ ü̧ji̧nü̧ta'anü̧ tü̧ja̧ku̧ttü̧mä̧, Jesucrito pi̧jä̧ ttü̧ja̧ o'katoi'ünä̧rü̧ ü'ojo'ü mo̧ro̧ päi'omȩnä̧mä̧ ye'ekuokotü täkuotüjä̧.

1 Juan 5:14

Pa̧'a̧nü̧ jo̧mȩttü̧ Dio-rümä̧ ta̧'kua̧ wȩnä̧rä̧tü̧jä̧, Churutä pä̧wä̧rü̧jo̧mȩnä̧ jätepomenä̧mä̧, Jua̧u̧mä̧ ä̧ju̧kuä̧tü̧jä̧ pä'ü tu̧wo̧jua̧'a̧ttü̧.