1 Juan 3:10 - Nuevo Testamento Uwotjüja

¹⁰ Pa̧'a̧nü̧ jo̧mȩttü̧ Dio i̧tti̧mü̧rü̧'i̧nä̧, äwettä i̧tti̧mü̧rü̧'i̧nä̧ wo̧juä̧wa̧'a̧: o'katoi'ünä̧ adiwä juei Dio jäwä jȩpo̧ko̧tü̧mä̧, Dio i̧tti̧mü̧mä̧kü̧. Ja̧'wa̧ta̧nü̧ ttü̧jä̧wa̧tü̧rü̧ repe'okotü'i̧nä̧, Dio i̧tti̧mü̧mä̧kü̧.

TÄ̧DO Ä̧CUÄ̧ I̧HUȨNȨ

¹⁰ Ja̧'hua̧nö̧ ja̧'a̧ topö huo̧juä̧tö̧jä̧ Dios i̧tti̧mö̧rö̧'i̧nä̧, ähuettä i̧tti̧mö̧rö̧'i̧nä̧. Adiu jȩpo̧co̧tö̧mä̧, ttö̧jä̧hua̧tö̧rö̧ repe'ocotömä, Dios i̧tti̧mö̧cö̧.

1 Juan 3:10 Iomraidhean Croise

San Mateo 13:38

pätta jä̧ji̧mä̧ pi̧jä̧ rȩjȩ ja̧'a̧. Adiwäjuei u̧wä̧ju̧ trigo jä̧ji̧mä̧ ru̧wa̧ Dio weünä̧ kka̧kuä̧tü̧ ja̧'a̧ ja̧'wa̧ta̧nü̧ surojü adiyä jä̧ji̧mä̧ su̧ro̧pa̧ i̧tti̧mü̧ ja̧'a̧.

San Lucas 6:35

Ja̧'wa̧nü̧ ja̧'a̧ttü̧ kuaboiyotürümä̧ eseu, adiutä jȩpü̧ pärowätukui juätüttü mikuä tta̧kuä̧rä̧tu̧kuo̧ka̧'a̧; ja̧'wa̧nü̧ jȩ'kuä̧tu̧kuo̧mȩnä̧ mikuäwächünä̧mä̧ rü̧ȩnä̧ iyäwäkua'a. Ja̧'wa̧ta̧nü̧ Mo̧ro̧jä̧ Ru̧wa̧ i̧tti̧mü̧ kuäkuotüjä̧. Jua̧u̧mä̧ ppättäda'anä̧ esewokotüru'i̧nä̧, suronä̧ jȩpä̧tü̧rü̧'i̧nä̧ rȩrü̧jü̧ toäkuäwä i̧sa̧ ja̧'a̧ttü̧.

San Juan 1:12

Ja̧'wa̧nü̧ ja̧'a̧nä̧ o'katoi'ünä̧, jua̧u̧ru̧ yattokuoka'a do'ädinä̧tü̧rü̧mä̧; churutä esetätürümä̧, Dio i̧tti̧mü̧ päi'ünä̧tä̧ juo'epü ikuinä̧u̧.

San Juan 11:52

Suro juätü judío-rü ja̧'a̧tȩ'ü̧tä̧mä̧kü̧, kko̧ro̧jä̧nä̧ kka̧kuä̧tü̧ Dio i̧tti̧mü̧ judío-rümä̧ ü̧ka̧ka̧ta̧ pä'ü ja̧'a̧, pä'ü pä'inü̧.

San Juan 8:44

Ukutumä̧ kuä'otuku äwettä i̧tti̧mü̧jä̧; jua̧u̧ru̧ pä̧wä̧rü̧jü̧tä̧ jȩ'kuä̧tu̧kua̧'a̧ttü̧. Jua̧u̧mä̧ ä̧kuo̧mȩnä̧ttü̧tä̧ päi'ünä̧ kkä̧mä̧dü̧ ttü̧ja̧rü̧ kuäwä i̧sa̧ pinü̧. Jua̧u̧mä̧ isopäi'ünä̧ wȩnȩ jäwänä̧mä̧ kko̧kü̧ pinü̧, chunä̧tä̧ isopäi'ünä̧ wȩnȩ juiya'attü. Ja̧'wa̧nü̧ ja̧'a̧ttü̧ yapareu wȩnȩ ukuokuomȩnä̧mä̧, chuttutä rä'eku ukuoku; jua'amä̧ ya̧pa̧rȩwa̧ ja̧'a̧ttü̧ ja̧'wa̧ta̧nü̧ jua̧u̧mä̧ yapareäkuäwätä jä'o ja̧'a̧.

San Juan 8:47

Dio i̧tti̧mä̧, Dio i̧wȩnȩ ä̧ju̧ku̧; ja̧'wa̧nü̧ ja̧'a̧ttü̧, ukutumä̧ ä̧ju̧kuo̧ko̧tü̧jä̧, Dio i̧tti̧mü̧ kuätukuoka'attü̧.

Hechos 13:10

päinä̧ku̧: —¡Isoo, yapareäkuäwätä, surojütä jo̧mȩnü̧ wa̧jä̧, äwettätä i̧tti̧jä̧, adiwä wȩnȩ aboi̧ya̧tä̧ wa̧jä̧! ¿Tu̧ru̧wa̧ u̧mä̧nä̧ jueü mä̧nä̧, surojuokuepa'amä̧ ti̧yȩnü̧tä̧ käkuädäkua'ajä̧ttü̧?

Romanos 13:8

Ya̧tȩrü̧'i̧nä̧ kuimippotätukuoka'a, kkorotüku eseu repe'äkuäwätukui; isopäi'ünä̧ a̧wa̧ru̧wa̧ ü̧jä̧wa̧rü̧ eseu repe'ümä̧ o'kajuiyünä̧ weäwä wȩnȩ weümä̧ jȩpü̧.

Efesios 5:1

Dio i̧tti̧mü̧ kuätukua'attü, Dio jȩü̧mä̧ jȩpü̧ kka̧kuä̧tu̧kui̧.

Colosenses 3:14

Kkorottü'i̧nä̧ abonä̧nü̧ eseäkuäwätä kku̧nä̧rä̧tu̧kui̧, isopäi'ünä̧ jua̧u̧ eseäkuäwätä ja̧'a̧ jo̧mȩnü̧ 'chu̧ä̧rü̧mä̧.

1 Timoteo 1:5

Ja̧'wa̧ta̧nü̧ pi̧yȩ weäwä wȩnȩttü̧ i̧rȩbȩwa̧ päümä̧, tta̧mi̧so'ki surojü juiyo'kittü kkorotünü̧ku̧ eseäkuäwä'i̧nä̧, adiwomȩnä̧ amükuädäkuäwä'i̧nä̧, isopäi'ünä̧ tta̧'kua̧ wȩnä̧rä̧kuä̧wä̧'i̧nä̧ räopa pä'ü ja̧'a̧.

1 Juan 2:29

Täkü ukutumä̧, wo̧juä̧tü̧jä̧ Jesucrito-mä̧ Jä'o Dio-rü pä̧wä̧rü̧jü̧tä̧ jȩä̧kuä̧wä̧ i̧sa̧ pä'ü. Ja̧'wa̧ta̧nü̧ o'katoi'ünä̧ Ttä'o Dio-rü pä̧wä̧rü̧jü̧ jȩpä̧tü̧mä̧, Dio i̧tti̧mü̧ ja̧'a̧ pä'ü.

1 Juan 3:1

Topätukui, Tä'o Dio ujuturu rü̧ȩnä̧ repe'ü jȩi̧nü̧, Dio i̧tti̧mü̧ pä'ü ottatü pä'ü. Ja̧'wa̧nü̧ jo̧mȩttü̧ pi̧jä̧ ttü̧ja̧mä̧ ttu̧wo̧juo̧ko̧u̧jä̧, Churutä'i̧nä̧ ttu̧wo̧juo̧ka̧'a̧ ji̧na̧'a̧ttü̧.

1 Juan 3:2

Chawaruwä chi̧jä̧wa̧tü̧, täkü jitämä̧ Dio i̧tti̧mü̧jä̧ ja̧'wa̧nü̧ ja̧'a̧nä̧, ji̧nä̧ yodoji tä̧kuȩmä̧ wokotüjä̧, Jesucrito ichomȩnä̧mä̧ chutä jü̧ta̧'a̧nü̧ täkuotüjä̧, jua'amä̧ churutä tota'attü̧.

1 Juan 4:21

Ja̧'wa̧ta̧nü̧ Jua̧u̧mä̧ pi̧yȩ jȩpü̧ kkä̧kuä̧wä̧ weinä̧u̧jä̧: «Dio-rü eseu repe'ümä̧, a̧wa̧ru̧wa̧ i̧jä̧wa̧rü̧'i̧nä̧ eseu repe'i,» jü̧nä̧.

1 Juan 4:6

Ujutumä̧ Dio-ku kka̧kuä̧tü̧jä̧; ja̧'wa̧nü̧ ja̧'a̧ttü̧ Dio-rü wo̧jua̧mä̧, ujuturu ä̧ju̧ku̧. Ja̧'wa̧nü̧ ja̧'a̧nä̧, Dio-ku kko̧kü̧mä̧, ujuturu ä̧ju̧kuo̧kü̧. Ja̧'wa̧nü̧ jo̧mȩnä̧ wo̧juä̧tü̧jä̧ jueü wȩnȩ Epíritu-ru kku̧nä̧rü̧rü̧'i̧nä̧ ja̧'wa̧ta̧nü̧ yapare wȩnȩ Epíritu-ru kku̧nä̧rü̧rü̧'i̧nä̧, jü̧nä̧.

1 Juan 4:8

Ya̧tȩ, eseu repe'okümä̧ Dio i̧tti̧ wokü, isopäi'ünä̧ Dio-mä̧ eseu repeäkuäwä i̧sa̧ ja̧'a̧ttü̧.

1 Juan 5:19

Ujutumä̧ Dio-ku ji̧nä̧ ji̧yȩtȩ wotüjä̧ ja̧'wa̧ta̧nü̧ pi̧jä̧ ttü̧ja̧mä̧ o'katoi'ünä̧ äwettä weünä̧tä̧ kka̧kuä̧tü̧.

1 Juan 5:2

Ja̧'wa̧nü̧ ja̧'a̧ttü̧ Dio-rü eseu repe'ü kkä̧nü̧ Chutä weinü̧ tukuotomȩnä̧mä̧, Dio i̧tti̧mü̧rü̧ eseu repe'ätüjä̧ pä'ü wo̧juä̧tü̧jä̧.

3 Juan 1:11

Cha̧wa̧ru̧wa̧ chi̧jä̧wa̧, surojü jȩttü̧ ji̧yȩta̧'a̧kuä̧mä̧ jȩ'kuä̧. Adiwä juei jȩpü̧mä̧ Dio-rü wo̧jua̧ ja̧'a̧ ja̧'wa̧nü̧ ja̧'a̧nä̧ surojü jȩpü̧mä̧ Dio-rü jȩru̧pa̧ ja̧'a̧.