1 Juan 2:3 - Nuevo Testamento Uwotjüja

³ Chutä weinü̧ ukuotü jȩpü̧ tü̧ja̧kua̧'a̧ttü̧, Jua̧u̧ru̧ wo̧juä̧tü̧jä̧.

TÄ̧DO Ä̧CUÄ̧ I̧HUȨNȨ

³ Dios hueinö ta'anö jȩtö̧ttö̧mä̧, ujutu huo̧juä̧tö̧jä̧ Diosrö huo̧juä̧tö̧jä̧ pä'ömä.

1 Juan 2:3 Iomraidhean Croise

San Lucas 6:46

¿Tta̧'a̧nü̧ pä'ü: Chu̧ru̧wa̧, Chu̧ru̧wa̧, pä'ü wo'kuätukuäkusä̧ttü̧, Ttü pädümä̧ jȩ'kuä̧tu̧kuo̧ka̧'a̧nä̧?

San Juan 14:15

Isopäi'ünä̧ ttürü eseu repekuätukuttümä̧, wedümä̧ kukuotäkuotüjä̧.

San Juan 15:10

Ttü wedü wȩnȩ kukuotätukuttümä̧, ttü eseu repedünä̧ kka̧kuä̧tü̧jä̧, ttü'i̧nä̧ chä'o weü wȩnȩ ukuotü chü̧jo̧mȩnä̧, Chä'o eseu repeünä̧ chü̧jü̧ta̧'a̧nü̧.

San Juan 15:14

Ukutumä̧ ttü chawaruwä kuäkuotüjä̧, ttü wedü wȩnȩ jȩ'kuä̧tu̧ku̧ttü̧tä̧.

San Juan 17:3

Ja̧'wa̧ta̧nü̧ pi̧yȩ ja̧'a̧ kkä̧kuä̧wä̧ i'komä̧: Isopäi'ünä̧tä̧ wa̧, uku ya̧tȩtä̧ Dio-rü ttu̧wo̧jui̧po̧mȩnä̧ ja̧'wa̧ta̧nü̧ Jesucrito-rü wekuinä̧ku̧ru̧'i̧nä̧ ttu̧wo̧jui̧po̧mȩnä̧.

2 Corintios 4:6

Isopäi'ünä̧ Chutä Dio-tä, yo̧mȩttü̧ tȩya̧u̧ kkä̧dȩpa̧ pä'ü jȩpi̧nü̧tä̧ ja̧'a̧, tta̧mi̧'iso'kinä̧ tȩya̧u̧ kkä̧dȩpa̧ pä'ü'i̧nä̧ jȩpi̧nü̧mä̧, jua'amä̧ Jesucrito-nä̧tä̧, Chutä Dio ü̧rü̧ä̧ tu̧wo̧jui̧ya̧rü̧ pä'ü.

Hebreos 5:9

ja̧'wa̧nü̧ adiunä̧ jue'ekuächü, ra̧wä̧pi̧jü̧ttü̧ kki̧'ä̧kuä̧wä̧ ba'epü kku̧ni̧nü̧, o'katoi'ünä̧ jua̧u̧ru̧ esetü ukuotätürümä̧.

1 Juan 2:13

Ukutu ttä̧'o̧tü̧rü̧ wȩyu̧tu̧ we'üsä, ukutumä̧ ä̧kuo̧mȩnä̧tä̧ päi'ünä̧ kki̧nü̧rü̧ ku̧wo̧juä̧tu̧kua̧'a̧ttü̧. Ja̧'wa̧ta̧nü̧ ukutu mü̧ä̧yotürü wȩyu̧tu̧ we'üsä, suronä̧ jȩpü̧ äwettärü kkȩdü̧ kuikuiniyä̧tu̧kuä̧ku̧ cha'attü. Ja̧'wa̧ta̧nü̧ ukutu chi̧tti̧mü̧ wotürü wȩyu̧tu̧ we'üsä, jua'amä̧ Tä'o Dio-rü ku̧wo̧juä̧chi̧ni̧yä̧tu̧kuä̧ku̧ cha'attü.

1 Juan 3:14

Ujutumä̧ wo̧juä̧tü̧jä̧, wa'arettümä̧ a̧'kua̧rä̧kuä̧wä̧ra̧'a̧ku̧ 'kuä'o'inä̧tü̧jä̧ pä'ümä̧; tawaruwä tü̧jä̧wa̧tü̧rü̧ eseu repeta'attü̧. A̧wa̧ru̧wa̧ ü̧jä̧wa̧rü̧ repe'okümä̧ ji̧nä̧ wa'arenä̧tä̧ kkü̧ ja̧'a̧.

1 Juan 3:19

Pi̧yȩttü̧ topü wo̧juä̧wä̧tü̧jä̧, jueü wȩnȩ isotüjä̧ pä'ümä̧. Jua̧u̧ Dio ä'kattü ta̧mi̧ iso'ki totäkuäwomȩnä̧ adiu tü̧jü̧nä̧ jä̧u̧;

1 Juan 3:6

O'katoi'ünä̧ Jua̧u̧nä̧ kka̧kuä̧tü̧mä̧, surojümä̧ jȩpo̧ko̧tü̧; ja̧'wa̧nü̧ ja̧'a̧nä̧ o'katoi'ünä̧ surojü jȩpä̧tü̧mä̧, Chutä Jesú-ru topokotü wotü ja̧'wa̧ta̧nü̧ Jesú-ru jerupätü wotü.

1 Juan 4:13

Pi̧yȩttü̧ topü wo̧juä̧tü̧jä̧, Chutä Dio-ku kkä̧tü̧jä̧ pä'ümä̧; ja̧'wa̧ta̧nü̧ Chutä Dio'i̧nä̧ ujutuku kkü̧ pä'ümä̧: Dio-ttü ichinü̧ Epíritu-ru ujuturu iyinomȩttü̧.

1 Juan 4:7

Chawaruwä chü̧jä̧wa̧tü̧, eseu repeäkuäwämä̧ Dio-ttü ichü ja̧'a̧ttü̧, yotükupünä̧ eseu repetäkuäu'anü̧ ja̧'a̧. Isopäi'ünä̧ eseu repeäkuäwä kku̧nä̧rä̧tü̧mä̧ o'katoi'ünä̧ Dio i̧tti̧mü̧ ja̧'a̧ ja̧'wa̧ta̧nü̧ juätümä̧ Dio-rü wo̧juä̧tü̧ ja̧'a̧.

1 Juan 5:19

Ujutumä̧ Dio-ku ji̧nä̧ ji̧yȩtȩ wotüjä̧ ja̧'wa̧ta̧nü̧ pi̧jä̧ ttü̧ja̧mä̧ o'katoi'ünä̧ äwettä weünä̧tä̧ kka̧kuä̧tü̧.

1 Juan 5:2

Ja̧'wa̧nü̧ ja̧'a̧ttü̧ Dio-rü eseu repe'ü kkä̧nü̧ Chutä weinü̧ tukuotomȩnä̧mä̧, Dio i̧tti̧mü̧rü̧ eseu repe'ätüjä̧ pä'ü wo̧juä̧tü̧jä̧.

1 Juan 5:3

Ujutu Dio-rü eseu repetümä̧ i̧jȩkuä̧cha̧'a̧, Chutä weinü̧ wȩnȩ tukuotomȩnä̧. Jua̧u̧ ukuotäkuäwämä̧ juiyomä̧ jeruwokü ja̧'a̧.

Apocalipsis 12:17

Ja̧'wa̧nü̧ weyeku, jua̧u̧ dragó̧ pättäkumä̧, juäjuru a̧mi̧ surächi'äku; rowäu 'chi̧nü̧ kkorotü juäju kki̧tti̧mü̧rü̧, Dio i̧wȩnȩ esetü ukuotätürü ja̧'wa̧ta̧nü̧ Jesú jiäwinü̧nä̧ esetü 'chä̧tü̧rü̧.

Apocalipsis 14:12

¡Pȩnȩ́ jä̧kua̧'a̧ surojüttü 'kȩ'ȩpü̧ ikuinä̧u̧, Dio-rü ukuotätü ja̧'wa̧ta̧nü̧ Jesú-ru tta̧'kua̧ wȩnä̧rä̧tü̧ tta̧mi̧ 'kittächi'a'a i̧jȩkuä̧chä̧kuo̧mȩmä̧!

Apocalipsis 22:14

Eseäkuäwä kka̧'a̧ kkä̧kuä̧wä̧ dauttü ttukua pä'ü ja̧'wa̧ta̧nü̧ ütawiyä äpatenä̧ dodetta pä'ü ttü̧'ka̧tä̧wä̧ti̧yu̧ tükätürümä̧.