1 Juan 2:2 - Nuevo Testamento Uwotjüja

² Jua̧u̧tä̧tä̧ ja̧'a̧, sacrificio pättünä̧ usurä ȩmä̧wi̧nü̧mä̧, suronä̧ jȩtä̧'i̧jü̧ mikuänä̧. Suro ujutu suronä̧ jȩtä̧'i̧jü̧ jäwänä̧tä̧mä̧kü̧, pi̧jä̧nä̧ kka̧kuä̧tü̧mä̧ o'katoi'ünä̧ suronä̧ jȩttä̧'i̧jü̧ jäwänä̧.

TÄ̧DO Ä̧CUÄ̧ I̧HUȨNȨ

² Jesucristomä suronä jȩtö̧ töcö icu. Ujututä suronä jȩtö̧tä̧mä̧cö̧, o'ca toi'önä suronä jȩttö̧ töcö icu.

1 Juan 2:2 Iomraidhean Croise

San Lucas 14:22

Ja̧'wa̧nü̧ jä̧ji̧ o'ka'a, ru̧wa̧ u̧mü̧wä̧ya̧mä̧ pä'inü̧: Chu̧ru̧wa̧ wekuäjimä̧ o'kajuiyünä̧ jȩchä̧ja̧'a̧nä̧, ji̧nä̧ pä̧kuä̧wä̧mä̧ kki̧'ä̧ja̧'a̧.

San Juan 1:29

Jua̧u̧ o'ka'a kkoro mo̧ro̧, Ju̧a̧-mä̧ chutä ü̧ja̧'a̧ku̧ Jesú icha'a topü pä'inü̧: Täkü ichü Dio äji mü̧ä̧ya̧ oweja, pi̧jä̧ ttü̧ja̧ suronä̧ jȩttü̧ si'epü ikumä̧.

San Juan 12:32

Ja̧'wa̧nü̧ ja̧'a̧nä̧, pi̧jä̧ rȩjȩttü̧ ttodächi'omȩnä̧, o'katoi'ünä̧rü̧ ttüku ttichünä̧ jȩchä̧kua̧sä̧.

San Juan 4:42

Ja̧'wa̧nü̧ esetü juäjuru pä'inä̧tü̧: —Jitämä̧, suro ukú jikuäwäja'atämä̧ esetokotüjä̧, jua'a yabo ujututä ta̧mü̧nä̧ ä̧ju̧kuä̧jä̧'kotü esetätüjä̧, isopäi'ünä̧ Jua̧u̧tä̧ ja̧'a̧ pi̧jä̧ ttü̧ja̧rü̧ ra̧wä̧pi̧jü̧ttü̧ ttü̧ji̧pü̧nä̧ ppä̧dä̧kua̧mä̧ pä'ü.

Hebreos 2:17

Ja̧'wa̧nü̧ jȩa̧ pä'ümä̧ o'kajuiyünä̧tä̧ ü̧jä̧wa̧tü̧ ttomȩbü wa̧ pä'i'inü̧, Dio-ttü sacerdote-tü̧ ttu̧ru̧wa̧ päi'a pä'ü'i̧nä̧, re kkä̧kuä̧wä̧ i̧sa̧ päi'a pä'ü'i̧nä̧, jü̧nä̧; ja̧'wa̧ta̧nü̧ ttü̧ja̧ suronä̧ jȩttä̧'i̧jü̧ usurä ȩmä̧u̧ mitäu iku iso juo'epinü̧.

1 Pedro 2:24

Crito-mä̧ chutätä surojü jȩtä̧'i̧jü̧mä̧ ja̧ttä̧pä̧ya̧ ü̧jo̧kä̧ jäinä̧ ȩpi̧nü̧, ujutu surojünä̧ 'korujuo'ächi'ü'kotü a̧'kua̧rä̧kuä̧wä̧ra̧'a̧ ttü̧ja̧kua̧ pä'ümä̧. Crito-mä̧ ta'ü ttikuinä̧ku̧ ukutu ku̧'ȩji̧'ä̧tu̧kua̧ pä'ümä̧.

1 Pedro 3:18

Isopäi'ünä̧ Crito-mä̧ chutä a̧mü̧nä̧ pa̧ja̧tü̧ ujutu suronä̧ jȩtä̧'i̧jü̧nä̧, ya'utenä̧tä̧ 'korujuo'ächü usurä ȩmä̧wi̧nü̧, Jua̧u̧mä̧ surojümä̧ jȩpo̧kü̧ja̧'a̧nä̧ surojü jȩpä̧tü̧nä̧ usurä ȩmä̧wi̧nü̧, ukuturu Dio ü̧ja̧'a̧ku̧ ȩpa̧ pä'ü. Idepänämä̧ 'korujuoächina̧'a̧nä̧ Epíritu jäwä a̧'kua̧rä̧kuä̧wä̧mä̧ tto'ächinü̧.

1 Juan 1:7

Ja̧'wa̧nü̧ ja̧'a̧nä̧, Dio tȩya̧u̧nä̧ ü̧jü̧ta̧'a̧nü̧, ujutu'i̧nä̧ tȩya̧u̧nä̧ kue'ächü, kkorotüku ji̧nä̧ ji̧yȩtȩnä̧ tü̧ja̧ku̧ttü̧mä̧, Tu̧ru̧wa̧ Jesucrito, Dio i̧tti̧ ukuojamä̧ tükü i̧kuä̧u̧jä̧.

1 Juan 3:5

Ja̧'wa̧ta̧nü̧ wo̧juä̧tü̧jä̧, Jesucrito-mä̧ ttü̧ja̧ suronä̧ jȩttü̧ si'epü ikua pä'ü ichinü̧, pä'ü. Jua'amä̧ Chutä'i̧nä̧ surojü jui̧'a̧ ja̧'a̧ttü̧.

1 Juan 4:10

Pi̧yȩ ja̧'a̧, eseu repe'ü jȩi̧nü̧mä̧: Ji̧nä̧somä̧, ä̧kuo̧mȩnä̧mä̧ ujutumä̧, Dio-rü eseu repe'okotü pinä̧tü̧jä̧; pärokua'aku chutätä ujuturu eseu repe'ü, I̧tti̧rü̧ we'inü̧, jua̧u̧ usurä ȩmä̧u̧ ji̧yȩnä̧tä̧ ujutu suronä̧ jȩtü̧ mikuäwächa pä'ü.

1 Juan 4:14

Ja̧'wa̧ta̧nü̧ ujutujä̧ topinä̧tü̧ ta'attü̧, Jä'o Dio-mä̧, I̧tti̧rü̧ pi̧jä̧ra̧'a̧, surojüttü rä'epü ikua pä'ü we'inü̧, pä'ü ji'äwätümä̧.

1 Juan 5:19

Ujutumä̧ Dio-ku ji̧nä̧ ji̧yȩtȩ wotüjä̧ ja̧'wa̧ta̧nü̧ pi̧jä̧ ttü̧ja̧mä̧ o'katoi'ünä̧ äwettä weünä̧tä̧ kka̧kuä̧tü̧.

Apocalipsis 12:9

Ja̧'wa̧nü̧ ja̧'a̧ttü̧, jua̧u̧ dragó̧ pä'ü mi̧kua̧, mo̧ täbokü ä̧ka̧ pinü̧, äwettä, satanás, pättäku pi̧jä̧ o'kajuiyünä̧ yapareumä̧, umüwäyotü á̧gȩrȩ-ku̧ pi̧jä̧ rȩjȩra̧'a̧ kki'opü ikuinä̧u̧.