1 Juan 2:18 - Nuevo Testamento Uwotjüja

¹⁸ Chi̧tti̧mü̧ wotü täkü rüjí mo̧ro̧ ja̧'a̧. Ukutumä̧ ä̧ju̧kui̧nä̧tü̧jä̧, Crito-rü to'ija̧'a̧ku̧ wa̧mä̧ täkü i̧chä̧kua̧, pätta'a; ja̧'wa̧nü̧ ja̧'a̧ttü̧ täkü rekuätü, Crito-rü to'ija̧'a̧ku̧ ukuokuätü rä'ätü; ja̧'wa̧nü̧ jo̧mȩttü̧ täkü rüjí mo̧ro̧ ja̧'a̧ pä'ü wo̧juä̧tü̧jä̧.

TÄ̧DO Ä̧CUÄ̧ I̧HUȨNȨ

¹⁸ Chi̧tti̧mö̧ huotö, mo̧ro̧ beipächäcuome tö'cöhuächa'a. Ucutu ä̧ju̧cui̧nä̧tö̧jä̧ Cristo a̧bo̧i̧ya̧ i̧chä̧cua̧ pä'ö. Jitä Cristo aboiyotö recuätö ka̧cuä̧tö̧. Jahuätö ttichina'attö, ujutu huo̧juä̧tö̧jä̧ mo̧ro̧ beipächäcuome tö'cöhuächa'a pä'ö.

1 Juan 2:18 Iomraidhean Croise

San Mateo 24:11

Ja̧'wa̧ta̧nü̧ profeta'i̧nä̧ yaparewätü ttichäkuotü, ja̧'wa̧nü̧ jȩpü̧ ttü̧ja̧ rekuätürü ttesetünä̧ ttüyaparewäkuotü.

San Mateo 24:24

Ja̧'wa̧ta̧nü̧ Crito i̧mi̧nä̧, profetas wotü tti̧mi̧nä̧ yaparewätü ttichäkuotü ja̧'wa̧nü̧ jȩpü̧ jȩtto̧kü̧ jä̧'i̧jü̧ jȩpä̧'chü̧, Dio ȩmi̧nä̧u̧ttü̧'i̧nä̧ ttesetünä̧ jȩttä̧kuo̧tü̧,

San Mateo 24:5

Isopäi'ünä̧ rekuätü, ttü chi̧mi̧nä̧ ttichäkuotü, «Ttütäsä Crito-mä̧ pä'ätü.» Ja̧'wa̧nü̧ jȩpü̧ rekuätürü ttesetünä̧ ttüyaparewäkuotü,

San Marcos 13:6

Isopäi'ünä̧, Ttü chi̧mi̧nä̧ wȩnȩkuä̧rü̧ rekuätü, Ttütäsä Crito-mä̧ pä'ätü ttichäkuotü; ja̧'wa̧nü̧ jȩpü̧ rekuätürü ttesetünä̧ ttüyapärewäkuotü.

San Juan 21:5

Ja̧'wa̧nü̧ ja̧'a̧ Jesú-mä̧ päinä̧u̧: —Chawaruwä, ¿Po̧i̧ kku̧nä̧rä̧tü̧jä̧? Ttädätinä̧ku̧: —¡Toa'a!

Romanos 13:11

Ja̧'wa̧nü̧ ja̧'a̧, jitä pi̧yȩ mo̧ro̧ totomȩnä̧, tü'orächa pä'ü rekuä rü̧ja̧'a̧. Mo̧ ji̧no̧mȩttü̧'i̧nä̧ abonä̧nü̧, täkü tü'kü ja̧'a̧ surojüttü ttü̧ji̧pä̧kuȩ mo̧ro̧mä̧, ji̧nä̧ku̧ pätina̧'a̧mä̧.

Romanos 13:12

Täkü yodomä̧ 'kuao'a'a, mo̧ro̧ juoa pä'ütä; ja̧'wa̧nü̧ ja̧'a̧ttü̧ täkü yo̧ü̧ jäwämä̧ kätädi'ätukua, tȩya̧u̧ jäwätä tü̧'ka̧tä̧wi̧'ä̧tu̧kua̧.

Hebreos 1:2

Jitä rüjí mo̧ro̧mä̧, Dio-mä̧ I̧tti̧nä̧tä̧ ukuokuinä̧u̧jä̧. Jua'amä̧ o'kajuiyünä̧tä̧ jua̧u̧ I̧tti̧nä̧tä̧ aditina̧'a̧ttü̧; o'kajuiyünä̧ u̧ru̧wa̧ päi'ünä̧ jȩpü̧ kku̧nu̧, Jua̧u̧ru̧mä̧.

1 Pedro 1:20

Crito-mä̧ pi̧jä̧ uwäbe'äkua'a ä'kanä̧ ja̧'wa̧nü̧tä̧ jȩa̧ päinä̧ku̧, ja̧'wa̧nü̧ ja̧'a̧nä̧ pi̧yȩ rüjí mo̧ro̧mä̧ ukuturu ppädünä̧tä̧ i̧jȩkuä̧cha̧'a̧.

1 Pedro 1:5

Ukutumä̧ Dio-rü kua̧'kua̧ ku̧wȩnä̧rä̧tu̧kuo̧mȩnä̧, ujurunä̧ tta̧wä̧rä̧u̧jä̧ ra̧wä̧pi̧jü̧ttü̧ kki̧'ä̧kuä̧wä̧ jo̧mȩnü̧ jȩpü̧ u̧ju̧ni̧nü̧ra̧'a̧ kui̧'chi̧'ä̧tu̧kua̧ pä'ü, ja̧u̧mä̧ rüjí mo̧ro̧ i̧jȩpä̧kuȩ.

1 Pedro 4:7

O'kajuiyünä̧ beipächäkua'amä̧ täkü tü'küwächa'a. Ja̧'wa̧nü̧ ja̧'a̧ttü̧, ukutumä̧ adiwomȩnä̧ amükuädätukui ja̧'wa̧ta̧nü̧ tta̧'a̧rä̧kuä̧ü̧nü̧ Dio-rü ukuokuätukui.

2 Pedro 2:1

Ja̧'wa̧ta̧nü̧ Irae ttü̧ja̧ ttü̧'kä̧tȩnä̧mä̧ isopäi'ünä̧ jä̧'i̧nü̧'a̧nü̧ wotü profeta-tü̧ kka̧kui̧nä̧tü̧; ja̧'wa̧nü̧ ji̧nü̧ta'anü̧ ukutu ku̧'kȩtȩtu̧ku̧nä̧mä̧ isopäi'ünä̧ jä̧'i̧nü̧'a̧nü̧ wo̧juȩkuä̧ isotümä̧ ttü̧ja̧kuä̧kuo̧tü̧. Juätümä̧ suronä̧ tta̧mü̧kuädümä̧ dajiku ttu̧wo̧juȩtä̧kuo̧tü̧, chutä tu̧ru̧wa̧ surojüttü rä'epü ikuinü̧rü̧'i̧nä̧ tä̧ppü̧tä̧rä̧kuo̧tü̧; ja̧'wa̧nü̧ ja̧'a̧ttü̧ juätümä̧ tta̧ttä̧ro̧kü̧ jä̧ji̧ ro̧ȩkuä̧ra̧'a̧ ȩpä̧kuo̧tü̧.

2 Pedro 3:3

Ä̧kuo̧mȩnä̧mä̧ pi̧yȩ wo̧juä̧tü̧kui̧: rüjí mo̧ro̧mä̧ tta̧mü̧nä̧ jäwä surojü kkü'kekunä̧ o̧ipä̧u̧ ttichäkuotü, ja̧'wa̧ta̧nü̧ juätümä̧ ya̧'a̧wä̧'chü̧

1 Juan 2:22

¿Díjä̧ttü̧ ya̧pa̧rȩwa̧mä̧?, jua̧u̧ ya̧pa̧rȩwa̧mä̧ Jesú-ru, Crito-mä̧kü̧ pä'ü ukuokutä ja̧'a̧. Jua̧u̧ ja̧'a̧ Crito-rü to'ija̧'a̧ku̧ wa̧mä̧. Jä'o Dio-rü'i̧nä̧, I̧tti̧ Jesucrito-rü'i̧nä̧ esetü jui'ü ya'okutä.

1 Juan 4:1

Chawaruwä chi̧jä̧wa̧tü̧, Dio iyinä̧ku̧ Epíritu-ru kku̧nä̧rä̧tü̧jä̧ pä'ätürümä̧ o'katoi'ünä̧rü̧mä̧, kuesetätukuä, kka̧kuä̧mü̧ topätukui, isopäi'ünä̧ Dio iyinä̧ku̧ Epíritu-ru ttu̧ju̧nä̧ra̧ja̧ pä'ü. Isopäi'ünä̧ pi̧jä̧nä̧, rekuätü Dio i̧wȩnȩ ji'äwätü profetas 'kua̧rü̧nä̧ rä'ekuätü.

1 Juan 4:3

Ja̧'wa̧nü̧ ja̧'a̧ttü̧, Dio iyinä̧ku̧ Epíritu-ru kku̧nä̧rä̧tü̧jä̧ pä'ü kkä̧nü̧, Jesú-mä̧ pi̧jä̧ra̧'a̧mä̧ ttü̧ja̧sa̧ jü̧nä̧mä̧ ichokü pinü̧ pättüttümä̧, o'katoi'ünä̧ Dio-mä̧ we'äwotü jo̧ka̧'a̧; ja̧'wa̧nü̧ wa̧mä̧ Dio a̧bo̧i̧ya̧ Epíritu-ru kku̧nä̧rü̧, mo̧tä̧ päi'ünä̧ i̧chä̧kua̧ pä'ü kuä̧ju̧kui̧nä̧tu̧kuä̧ku̧, jua̧u̧mä̧ täkü pi̧jä̧nä̧ kkü̧.

2 Juan 1:7

Ja̧'wa̧ta̧nü̧ pi̧jä̧nä̧mä̧ rekuätü ttü̧ja̧rü̧ yaparetü Jesucrito-mä̧ isopäi'ünä̧ Ubo jü̧nä̧mä̧ ichokü pinü̧ pä'ü kue'ächü ji'äwätü. Ja̧'wa̧nü̧ wa̧mä̧ jerutu ikuäwä i̧sa̧tä̧ ja̧'a̧ ja̧'wa̧ta̧nü̧ Crito aboi̧ya̧tä̧ wa̧.

Judas 1:18

juätümä̧ ji'äwinä̧tü̧: «Rüjí mo̧ro̧mä̧ jitürütä pä̧wä̧rü̧jo̧mȩnä̧ ya̧'a̧wä̧'chä̧tü̧'i̧nä̧, ttidepä wea'aku kka̧kuä̧tü̧'i̧nä̧ ttü̧ja̧kuä̧kuo̧tü̧,» jü̧nä̧.