1 Juan 2:13 - Nuevo Testamento Uwotjüja

¹³ Ukutu ttä̧'o̧tü̧rü̧ wȩyu̧tu̧ we'üsä, ukutumä̧ ä̧kuo̧mȩnä̧tä̧ päi'ünä̧ kki̧nü̧rü̧ ku̧wo̧juä̧tu̧kua̧'a̧ttü̧. Ja̧'wa̧ta̧nü̧ ukutu mü̧ä̧yotürü wȩyu̧tu̧ we'üsä, suronä̧ jȩpü̧ äwettärü kkȩdü̧ kuikuiniyä̧tu̧kuä̧ku̧ cha'attü. Ja̧'wa̧ta̧nü̧ ukutu chi̧tti̧mü̧ wotürü wȩyu̧tu̧ we'üsä, jua'amä̧ Tä'o Dio-rü ku̧wo̧juä̧chi̧ni̧yä̧tu̧kuä̧ku̧ cha'attü.

TÄ̧DO Ä̧CUÄ̧ I̧HUȨNȨ

¹³ Ucuturu huȩyu̧tu̧sä̧ tä̧mö̧, pi̧jä̧ aditäcua'a ä'canä ki̧nö̧rö̧ cu̧huo̧juä̧tu̧cua̧'a̧ttö̧. Ucuturu huȩyu̧tu̧sä̧ möäyotö, ähuettä suronä jȩo̧mȩnä̧, cuami 'qui'ächi'ö cu̧ja̧cuä̧tu̧cua̧'a̧ttö̧. Ucuturu huȩyu̧tu̧sä̧ chi̧tti̧mö̧ huotö, Tä'o Diosrö cu̧huo̧juä̧tu̧cua̧'a̧ttö̧.

1 Juan 2:13 Iomraidhean Croise

San Mateo 11:27

Kka̧ku̧ o'kajuiyünä̧tä̧, Chä'ottümä̧ iyäwi'inä̧ku̧sä̧. Isopäi'ünä̧ i̧tti̧rü̧ wo̧jua̧mä̧ jä'otä ja̧'a̧, pärokua'aku jä'orü wo̧jua̧mä̧ I̧tti̧tä̧ ja̧'a̧ ja̧'wa̧ta̧nü̧ I̧tti̧ i̧jȩpä̧ku̧tä̧ ja̧'a̧ wo̧jui̧'ü̧mä̧.

San Mateo 13:19

Mä̧nä̧nä̧ ma̧ä̧chi̧nü̧ u̧wä̧ju̧ jä̧ji̧mä̧, ru̧wa̧ Dio i̧wȩnȩ ttä̧ju̧kua̧'a̧nä̧, ttu̧wo̧jui̧pü̧juiyünä̧ wotürü wȩnȩkuä̧cha̧'a̧; tta̧mi̧so'kinä̧ kku̧nä̧wi̧'ä̧ji̧mä̧ su̧ro̧pa̧ ichi'ü 'choipä̧u̧ru̧.

San Mateo 13:38

pätta jä̧ji̧mä̧ pi̧jä̧ rȩjȩ ja̧'a̧. Adiwäjuei u̧wä̧ju̧ trigo jä̧ji̧mä̧ ru̧wa̧ Dio weünä̧ kka̧kuä̧tü̧ ja̧'a̧ ja̧'wa̧ta̧nü̧ surojü adiyä jä̧ji̧mä̧ su̧ro̧pa̧ i̧tti̧mü̧ ja̧'a̧.

San Mateo 5:37

Ja̧'wa̧nü̧ ja̧'a̧ttü̧ jȩ'kuä̧tu̧ku̧'a̧nü̧ jü̧ttü̧mä̧ jueünä̧tä̧ «A̧» pä'ätukui ja̧'wa̧ta̧nü̧ jȩ'kuä̧tu̧ku̧juiyü'anü̧ jü̧ttü̧'i̧nä̧ «jȩpo̧ko̧tü̧jä̧» pä'ätukui ja̧'wa̧nü̧ ja̧'a̧ttü̧ pi̧yȩttü̧ yaboku jȩpü̧mä̧ surojünä̧tä̧ jȩpü̧.

San Lucas 10:22

Chä'omä̧ o'kajuiyünä̧tä̧ iyinä̧ku̧sä̧. Ya̧tȩ'i̧nä̧ Jua̧u̧ i̧tti̧rü̧mä̧ jerupätü, suro jä'otä ja̧'a̧ jua̧u̧ru̧ wo̧jua̧mä̧; ja̧'wa̧ta̧nü̧ ya̧tȩ'i̧nä̧ jä'orümä̧ jerupätü, suro jua̧u̧ I̧tti̧tä̧ ja̧'a̧ Jä'orü wo̧jua̧mä̧. Ja̧'wa̧ta̧nü̧ kkorotümä̧ I̧tti̧ i̧jȩpa̧ päomȩnä̧ i̧jȩpä̧u̧tä̧ ja̧'a̧ wo̧jui̧'ä̧tü̧mä̧.

San Juan 14:7

Ttürü ku̧wo̧juä̧tu̧kuo̧mȩnä̧mä̧, Chä'orü'i̧nä̧ wo̧juä̧tü̧jä̧; porü kkä̧mä̧dü̧, täkü jitämä̧ ku̧wo̧juä̧tu̧kuä̧ku̧ ja̧'wa̧ta̧nü̧ topü'i̧nä̧ to'kuätukuäku.

San Juan 14:9

Päku, Jesú-mä̧ ädätinä̧ku̧: —Felipe, ukutuku rekuo mo̧ro̧ chü̧jä̧'i̧ja̧'a̧nä̧ ¿Ji̧nä̧ kuieruwätukuäkusä? Ttürü topä'ijümä̧, Chä'orü'i̧nä̧ topä'ijü; ¿tta̧'a̧nü̧ pä'ü, Kuä'orü i̧jȩpi̧tü̧ päkuätukua'ajä̧ttü̧?

San Juan 16:3

Pi̧yȩmä̧ jȩttä̧kuo̧tü̧, Chä'orü'i̧nä̧, Ttürü'i̧nä̧ ttu̧wo̧jui̧po̧ka̧'a̧ttü̧.

San Juan 16:33

Pi̧yȩmä̧ ukuokusä, ttünä̧ wȩnȩ juiyünä̧ eseu ku̧jä̧tu̧kua̧ pä'ü. Pi̧jä̧ttü̧mä̧ usurä ȩmä̧u̧ 'kuäkuopäkuotüjä̧; ja̧'wa̧nü̧ ja̧'a̧nä̧ kua̧'kua̧ wȩnä̧rä̧tu̧kui̧, ttü ja̧'a̧ pi̧jä̧ jäwä abo 'kuä'o'inü̧mä̧.

San Juan 17:21

Jua'amä̧ o'katoi'ünä̧ ji̧nä̧ ya̧tȩ ttäkua'anü̧; Chä'o uku'i̧nä̧, ttünä̧ jä̧'i̧jü̧'ta̧'a̧nü̧; ja̧'wa̧ta̧nü̧ ttü'i̧nä̧, ukuku chä'ijüta'anü̧, juätü'i̧nä̧ ji̧nä̧ya̧tȩtä̧ ttünä̧, ujutunä̧; jua'amä̧ ttürü wekuina̧'a̧, pi̧jä̧ ttü̧ja̧ ttesetäkua'anü̧.

San Juan 17:3

Ja̧'wa̧ta̧nü̧ pi̧yȩ ja̧'a̧ kkä̧kuä̧wä̧ i'komä̧: Isopäi'ünä̧tä̧ wa̧, uku ya̧tȩtä̧ Dio-rü ttu̧wo̧jui̧po̧mȩnä̧ ja̧'wa̧ta̧nü̧ Jesucrito-rü wekuinä̧ku̧ru̧'i̧nä̧ ttu̧wo̧jui̧po̧mȩnä̧.

San Juan 8:19

Päomȩnä̧, jä'epü ttä̧ju̧kui̧nä̧ku̧: —¿Kuä'omä̧ too ü̧ja̧jä̧ttü̧? Jesú ädätinä̧u̧: —Ukutumä̧ ttürü'i̧nä̧ jerupätüjä̧ ja̧'wa̧nü̧ kuieruwätükua'amä̧, Chä'orü'i̧nä̧ jerupätüjä̧; ttürü ku̧wo̧juä̧tu̧ku̧ttu̧mä̧, chä'orü'i̧nä̧ wo̧jua̧ja̧tü̧jä̧.

2 Corintios 4:6

Isopäi'ünä̧ Chutä Dio-tä, yo̧mȩttü̧ tȩya̧u̧ kkä̧dȩpa̧ pä'ü jȩpi̧nü̧tä̧ ja̧'a̧, tta̧mi̧'iso'kinä̧ tȩya̧u̧ kkä̧dȩpa̧ pä'ü'i̧nä̧ jȩpi̧nü̧mä̧, jua'amä̧ Jesucrito-nä̧tä̧, Chutä Dio ü̧rü̧ä̧ tu̧wo̧jui̧ya̧rü̧ pä'ü.

1 Timoteo 5:1

Bü̧o̧sa̧rü̧mä̧ ra̧wä̧rü̧nä̧nü̧mä̧ kukuokuä; ja̧'wa̧nü̧ ja̧jü̧jueimä̧ kua̧mü̧nä̧ kuä'o 'kua̧rü̧nä̧ ttu̧ȩkuä̧nä̧ ro̧'ȩpi̧rü̧; ja̧'wa̧ta̧nü̧ u̧mä̧tü̧ müäyotürümä̧ ku̧bü̧o̧tü̧ 'kua̧rü̧nä̧ ukuokuitü.

Tito 2:6

Ja̧'wa̧ta̧nü̧ müäyotürü'i̧nä̧ wo̧juȩku̧nä̧ ttü̧ja̧kua̧ pä'ü ji'äwitü.

1 Juan 1:1

Ä̧kuo̧mȩnä̧tä̧ päi'ünä̧ kki̧nü̧, jua̧u̧nu̧tä̧ päi'ünä̧ ä̧ju̧kui̧nä̧tü̧jä̧, ti'ärenä̧'i̧nä̧ topinä̧tü̧jä̧, tu̧mü̧nä̧'i̧nä̧ mȩ'i̧nä̧tü̧jä̧, jua̧u̧ kkä̧kuä̧wä̧ wȩnȩ jitäumä̧,

1 Juan 2:1

Chi̧tti̧mü̧ wotü, pi̧yȩ wȩnȩ wȩyu̧tu̧ wȩdä̧u̧jä̧, surojü jȩ'kuä̧tu̧ku̧ juiya pä'ü. Ja̧'wa̧nü̧ ja̧'a̧nä̧, yotukunä̧ surojü jȩttü̧ttü̧mä̧, Jä'o Dio ä'ka jo̧mȩ, ya̧tȩ ujuturu ppädäkuäwä i̧sa̧, ppä̧'ä̧dä̧rü̧rü̧ kku̧nä̧rä̧tü̧jä̧: Jua̧u̧mä̧ Jesucrito ja̧'a̧, adiwomȩnä̧ jȩä̧kuä̧wä̧ i̧sa̧mä̧.

1 Juan 2:12

Ukutu chi̧tti̧mü̧ wotürü, wȩyu̧tu̧ we'üsä; ukutu suronä̧ jȩ'kuä̧'i̧jä̧tu̧ku̧mä̧, Jesucrito jȩi̧nü̧nä̧tä̧, Dio-mä̧ jȩpü̧ i̧kui̧nä̧u̧jä̧ pä'ü.

1 Juan 2:14

Ukuturu wȩyu̧ti̧nü̧sä̧ chi̧tti̧mü̧ wotürü, jua'amä̧ Jä'o Dio-rü ku̧wo̧jui̧yä̧tu̧kuä̧ku̧ cha'attü. Ja̧'wa̧ta̧nü̧ ukutu ttä̧'o̧tü̧rü̧ wȩyu̧ti̧nü̧sä̧ jua'amä̧ ä̧kuo̧mȩnä̧tä̧ päi'ünä̧ kki̧nü̧rü̧ ku̧wo̧jui̧yä̧tu̧kuä̧ku̧ cha'attü. Ja̧'wa̧ta̧nü̧ ukutu mü̧ä̧yotürü wȩyu̧ti̧nü̧sä̧, kujuru ku̧ju̧nä̧ri̧yä̧tu̧kuä̧ku̧ ja̧'wa̧ta̧nü̧ kua̧mi̧'iso'kitukunä̧ Dio i̧wȩnȩ ku̧ju̧nä̧ri̧yä̧tu̧kuä̧ku̧, ja̧'wa̧nü̧ jȩpü̧ äwettärü kkȩdü̧ kuikuiniyä̧tu̧kuä̧ku̧ cha'attü.

1 Juan 3:12

Caín, äwettä i̧tti̧ ja̧'a̧ ü̧jä̧wa̧rü̧ kuä'ü ikuinü̧'a̧nü̧mä̧kü̧. ¿Jua̧u̧mä̧ tta̧'a̧nü̧ pä'ü kuä'ü ikuina̧'a̧ jä̧ttü̧? Jua'amä̧ Chutä jȩü̧mä̧ surojü jä̧ku̧, i̧jä̧wa̧tä̧ jȩü̧tä̧ adiwä juei ji̧yä̧ku̧, kuä'ü ikuinü̧.

1 Juan 4:4

Chi̧tti̧mü̧ wotü, ukutumä̧ Dio-ku kka̧kuä̧tü̧jä̧ ja̧'wa̧nü̧ ja̧'a̧ttü̧, täkü juätü yaparewätürümä̧ kkȩdü̧ ikuinä̧tü̧jä̧. Isopäi'ünä̧ ukutuku kkü̧mä̧, pi̧jä̧nä̧ kkü̧ttü̧'i̧nä̧ abonä̧nü̧ ujuru kku̧nä̧rü̧.

1 Juan 5:18

O'katoi'ünä̧ Dio-ttü uwäpächinä̧tü̧mä̧ surojümä̧ jȩpȩ'ü̧ kko̧ko̧tü̧. Jua'amä̧ Dio I̧tti̧tä̧ tta̧wä̧ra̧'a̧ttü̧, äwettä mȩü̧ juiyünä̧.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.

Apocalipsis 12:11

Ja̧'wa̧ta̧nü̧ tawaruwä ti̧jä̧wa̧tü̧mä̧ abó 'kuätto'inä̧ku̧, oweja mü̧ä̧ya̧ jü̧nä̧ wa̧ ukuoja erinoyanä̧ ja̧'wa̧ta̧nü̧ jittäwinü̧ wȩnȩnä̧; wa'ü ttikua'anä̧'i̧nä̧, ye'ekuokotü pinä̧tü̧, jua'a yaboku, wä̧i̧nä̧ wa'ü ttikuatä pä'inä̧tü̧.

Apocalipsis 2:7

Ä̧ju̧kuä̧kuä̧wä̧ kku̧nä̧rü̧mä̧, Dio i̧sa̧ Epíritu igresia wotürü jiäu ä̧ju̧kui̧: Pi̧yȩ Isó juo'epürümä̧, kkä̧kuä̧wä̧ dauttü ukua pä'ü chi̧yä̧kua̧, Dio ü̧jo̧mȩ paraíso pättomȩ kkä'ko kkäittü.