1 Juan 1:2 - Nuevo Testamento Uwotjüja

² Jua̧u̧ kkä̧kuä̧wä̧ ji̧na̧'a̧ ujuturu i̧jȩkui̧nü̧mä̧. Jua̧u̧ topinü̧'kotü, ukuturu ji'äwätüjä̧, Jua̧u̧ kkä̧kuä̧wä̧ i'komä̧ Jä'oku kki̧na̧'a̧, ujuturu i̧jȩkuä̧chä̧kuȩmä̧ pä'ü.

TÄ̧DO Ä̧CUÄ̧ I̧HUȨNȨ

² Ja̧u̧ kä̧cuä̧huä̧ i'co ji̧nö̧ ujuturu i̧jȩcua̧'a̧ topinätöjä. Jitämä ucuturu'inä ji'ähuätöjä ja̧u̧ kä̧cuä̧huä̧ i'co ji̧nö̧mä̧, Tä'o Dios ö̧jo̧mȩ ka̧cui̧nö̧ ujuturu i̧jȩcui̧nö̧mä̧.

1 Juan 1:2 Iomraidhean Croise

San Juan 1:18

Ya̧tȩ'i̧nä̧ Dio-rü topinü̧mä̧ toa'a; ja̧'wa̧nü̧ ja̧'a̧nä̧ Dio I̧tti̧ chu̧'ä̧kua̧, chutäku todeunä̧ kkü̧tä̧ ja̧'a̧, jua̧u̧ru̧ tu̧wo̧juö̧nä̧ i̧jȩpü̧mä̧.

San Juan 1:4

Jua̧u̧nä̧tä̧ kki̧na̧'a̧ a̧'kua̧rä̧kuä̧wä̧mä̧ ja̧'wa̧ta̧nü̧, jua̧u̧ a̧'kua̧rä̧kuä̧wä̧mä̧, ttü̧ja̧ tti̧tȩya̧u̧ ji̧na̧'a̧.

San Juan 10:28

Juätürümä̧ kkä̧kuä̧wä̧ i'ko iyüsä; ja̧'wa̧nü̧ ja̧'a̧ttü̧ yorisotä to'e'ächokotü ttäkuotü ja̧'wa̧ta̧nü̧ juätürümä̧ ya̧tȩ'i̧nä̧, ttü chu̧mü̧ttü̧ 'cho'ipokotü ttäkuotü.

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

San Juan 15:27

Ja̧'wa̧ta̧nü̧ ukutu'i̧nä̧ ttü chütü'kü jikuäwäkuotüjä̧, ä̧kuo̧mȩnä̧tä̧ päi'ünä̧ ttüku ku̧ja̧kuä̧'i̧tu̧kua̧'a̧ttü̧.

San Juan 16:28

Pi̧jä̧ra̧'a̧ ichümä̧, Chä'o ü̧jo̧mȩttü̧ rä'opinü̧sä̧; pä'äjita'anü̧ pi̧jä̧ jaropi'ü, Chä'o ü̧ja̧'a̧ 'chü̧sä̧.

San Juan 17:3

Ja̧'wa̧ta̧nü̧ pi̧yȩ ja̧'a̧ kkä̧kuä̧wä̧ i'komä̧: Isopäi'ünä̧tä̧ wa̧, uku ya̧tȩtä̧ Dio-rü ttu̧wo̧jui̧po̧mȩnä̧ ja̧'wa̧ta̧nü̧ Jesucrito-rü wekuinä̧ku̧ru̧'i̧nä̧ ttu̧wo̧jui̧po̧mȩnä̧.

San Juan 17:5

Ja̧'wa̧nü̧ ja̧'a̧ttü̧, Chä'o jitämä̧, kuippeyänä̧ kukuo jäwä iyittü, pi̧jä̧ kkä̧kua̧'a̧ ä'koji kukuo jäwä chu̧ju̧nä̧ri̧nü̧ta̧'a̧nü̧.

San Juan 19:35

Pi̧yȩ topinü̧mä̧, ji'äu, jua̧u̧ jiäumä̧ isopäi'ünä̧tä̧ ja̧'a̧; jua̧u̧mä̧ isopäi'ünä̧ ji̧yä̧ku̧ jiäu, ukutu'i̧nä̧ kuesetätukua pä'ü.

San Juan 21:14

Pi̧yȩku̧mä̧ wäbodäkuä päi'ünä̧ ji̧na̧'a̧, Jesú wa'arettü tto'ächäji̧'ka̧ u̧wo̧juȩtä̧u̧ pä'ijätürü i̧jȩkua̧'a̧mä̧.

San Juan 3:13

Ya̧tȩ'i̧nä̧ mo̧ro̧jä̧ra̧'a̧ i̧u̧ i̧wi̧nü̧mä̧ toa'a; jua̧u̧ ja̧jü̧jueimä̧ mo̧ro̧jä̧ttü̧ mȩyȩwi̧nü̧tä̧ ja̧'a̧, Ttü ubo i̧tti̧tä̧.

San Juan 7:29

Ja̧'wa̧nü̧ ja̧'a̧nä̧ ttümä̧ Jua̧u̧ru̧ wo̧jua̧sä̧; jua̧u̧ttü̧tä̧ chichina̧'a̧ttü̧ ja̧'wa̧ta̧nü̧ jua̧u̧tä̧ ja̧'a̧ ttürü we'inü̧mä̧.

San Juan 8:38

Ttümä̧, chä'ottü tochinü̧tä̧ ukuokusä; ukutumä̧ kuä'otüttü̧ kuä̧ju̧kui̧nä̧tu̧ku̧tä̧ jȩpä̧tü̧jä̧.

Hechos 1:22

Tu̧ru̧wa̧rü̧ Ju̧a̧ bautizo jȩi̧no̧mȩttü̧ kkä̧mä̧dü̧, mo̧ro̧jä̧ra̧'a̧ i̧wi̧no̧mȩbü päi'ünä̧, ujutuku kue'ächä'ijätüttü, ya̧tȩrü̧ tȩma̧ pä'ü ja̧'a̧; Jesú ttoächinü̧ wȩnȩ ujutuku ji̧ä̧wä̧kua̧rü̧.»

Hechos 10:41

O'katoi'ünä̧rü̧mä̧ i̧jȩkuo̧ka̧'a̧nä̧, ujuturu ä'kojitä päi'ünä̧ tota pä'ü Dio pojopü ȩmi̧nä̧u̧ru̧tä̧ i̧jȩkui̧nü̧. Ujututä ji̧na̧'a̧ ttoächäji o'ka'a, chutäku kuä̧nü̧'i̧nä̧, au'i̧nä̧ jȩa̧'a̧ topinä̧tü̧mä̧.

Hechos 2:32

Jesú-rumä̧, Dio-mä̧ wa'arettü tto'ädinü̧; ujutu o'katoi'ünä̧ topinä̧tü̧jä̧.

Hechos 3:15

Ja̧'wa̧nü̧ jȩpü̧, tta̧'kua̧rü̧ iyäwä i̧sa̧rü̧mä̧ kuä'ü ikuinä̧tü̧jä̧ ja̧'wa̧nü̧ ja̧'a̧nä̧ Dio-mä̧ wa'arettü ttoädinä̧ku̧ ja̧'wa̧nü̧ 'kuäopa'a topinä̧tü̧mä̧ ujutujä̧.

Hechos 5:32

Pi̧yȩ topinä̧tü̧mä̧ ujututäjä̧ ja̧'wa̧ta̧nü̧ Dio, churutä ukuotätürü iyinä̧ku̧ Epíritu Sa̧tu̧'i̧nä̧ wo̧jua̧.

Romanos 8:3

Isopäi'ünä̧ weäwä wȩnȩnä̧mä̧ weyekuina̧'a̧, ttü̧ja̧ ta̧mi̧ 'kuättomȩttü̧ ja̧'wa̧nü̧ ji̧yä̧ku̧ Dio-mä̧, Chutä I̧tti̧rü̧ we'inü̧ ujutu jü̧ta̧'a̧nü̧ idepänä̧ kkü̧rü̧, ja̧'wa̧nü̧ ja̧'a̧ttü̧ jua̧u̧nä̧tä̧ kkä̧nü̧ ukuotäkuäwokü weä'ijümä̧ usurä ȩmä̧u̧nä̧ ro̧'ȩpü̧ üta pä'ü amükuädinü̧.

Gálatas 4:4

Ja̧'wa̧nü̧ ja̧'a̧nä̧, ji̧yȩnü̧ mo̧ro̧ rȩbȩwo̧mȩnä̧mä̧, Dio i̧tti̧rü̧ we'inü̧, isaju yajutenä̧ uwäpächünä̧, Moisé weäwä wȩnȩ päü'a̧kuä̧,

1 Timoteo 3:16

Jeruwoka'a ttesetinü̧ttü̧mä̧ isopäi'ünä̧ jü̧ i̧jȩkuä̧chü̧mä̧ ji̧yȩtȩ rü̧ä̧u̧ jäwä ja̧'a̧: Crito-mä̧, pi̧jä̧ra̧'a̧ ichümä̧ ttü̧ja̧sa̧ jü̧nä̧tä̧ ichinü̧, Epíritu ji̧na̧'a̧ surojümä̧ jui̧'a̧ pä'ü ji'äwinü̧mä̧ Ja̧'wa̧ta̧nü̧ á̧gȩrȩ'i̧nä̧ tottinä̧ku̧. Ruwäkuiyä pa̧ja̧ku̧nä̧ i̧wȩnȩ jittäwomȩnä̧ Pi̧jä̧ ttü̧ja̧mä̧ esetinä̧tü̧, ja̧'wa̧ta̧nü̧ mo̧ro̧jä̧ra̧'a̧ kä'ekuächinü̧.

2 Timoteo 1:10

Ja̧'wa̧nü̧ ja̧'a̧nä̧ jitämä̧ tu̧ru̧wa̧ surojüttü ttü̧ji̧pü̧nä̧ ppädäkuäwä i̧sa̧ Jesucrito i̧jȩkuä̧cho̧mȩnä̧ repeümä̧ i̧jȩkuä̧chi̧na̧'a̧. Isopäi'ünä̧ jua̧u̧tä̧ ja̧'a̧ wa'arerü si'epü ikuinü̧'i̧nä̧, ja̧'wa̧nü̧ jȩpü̧ jareü wȩnȩnä̧mä̧ kkä̧kuä̧wä̧ i'kotä iyinä̧u̧jä̧.

Tito 1:2

Ja̧'wa̧nü̧tä̧ Dio yaparewokümä̧ tabokutä päi'ünä̧ kkä̧kuä̧wä̧ i'ko chi̧yä̧kua̧sä̧ päinü̧ ttȩma̧ pä'ümä̧ tta̧'ä̧rü̧ kka̧kuä̧tü̧jä̧.

1 Pedro 5:1

Jitämä̧ igresia-ttü a̧ci̧a̧nu̧tu̧ru̧ ttü'i̧nä̧ juätü jü̧ta̧'a̧nü̧ A̧ci̧a̧nu̧tu̧ wa̧, ro̧'ȩpü̧ ji'äu kkä̧nü̧, Crito usurä ȩmä̧wi̧nü̧'i̧nä̧ jidäwa pä'üsä, ja̧'wa̧ta̧nü̧ ppa̧'ä̧chü̧ ü̧rü̧ä̧ i̧jȩpo̧mȩnä̧ ja̧u̧ jäwä chu̧ju̧nä̧rä̧kua̧'a̧ttü̧.

1 Juan 1:1

Ä̧kuo̧mȩnä̧tä̧ päi'ünä̧ kki̧nü̧, jua̧u̧nu̧tä̧ päi'ünä̧ ä̧ju̧kui̧nä̧tü̧jä̧, ti'ärenä̧'i̧nä̧ topinä̧tü̧jä̧, tu̧mü̧nä̧'i̧nä̧ mȩ'i̧nä̧tü̧jä̧, jua̧u̧ kkä̧kuä̧wä̧ wȩnȩ jitäumä̧,

1 Juan 2:25

Ja̧'wa̧nü̧ jo̧mȩttü̧, pi̧yȩ ja̧'a̧ ujuturu, chi̧yä̧kuä̧u̧jä̧ päinü̧mä̧: kkä̧kuä̧wä̧ i'ko.

1 Juan 3:5

Ja̧'wa̧ta̧nü̧ wo̧juä̧tü̧jä̧, Jesucrito-mä̧ ttü̧ja̧ suronä̧ jȩttü̧ si'epü ikua pä'ü ichinü̧, pä'ü. Jua'amä̧ Chutä'i̧nä̧ surojü jui̧'a̧ ja̧'a̧ttü̧.

1 Juan 3:8

Surojü jȩpü̧ kkü̧mä̧ äwettä i̧sa̧ ja̧'a̧; isopäi'ünä̧ äwettämä̧ ä̧kuo̧mȩnä̧ttü̧tä̧ päi'ünä̧ surojü jȩi̧na̧'a̧ttü̧. Isopäi'ünä̧ Dio I̧tti̧mä̧ ichinü̧, äwettä aditäwä si'epü ikua pä'ü.

1 Juan 4:14

Ja̧'wa̧ta̧nü̧ ujutujä̧ topinä̧tü̧ ta'attü̧, Jä'o Dio-mä̧, I̧tti̧rü̧ pi̧jä̧ra̧'a̧, surojüttü rä'epü ikua pä'ü we'inü̧, pä'ü ji'äwätümä̧.

1 Juan 4:2

Pi̧yȩttü̧ kka̧kuä̧mü̧ topü wo̧juä̧wa̧'a̧, isopäi'ünä̧ Dio i̧yä̧wa̧ Epíritu-ru kku̧nä̧rä̧tü̧jä̧ pä'ümä̧: «Jesucrito-mä̧ isopäi'ünä̧ ttü̧ja̧sa̧ jü̧nä̧ ichinü̧ pi̧jä̧ra̧'a̧mä̧,» pätta'attü̧ topü wo̧juä̧tü̧jä̧.

1 Juan 5:11

Ja̧'wa̧nü̧ ja̧'a̧ttü̧, Dio-mä̧ kkä̧kuä̧wä̧ i'ko ujuturu Chutä iyinü̧ ukuokuinü̧, jua̧u̧ kkä̧kuä̧wä̧ i'komä̧ I̧tti̧rü̧ tesetomȩnä̧tä̧ tu̧ju̧nä̧ri̧ya̧rü̧ pä'ü.

1 Juan 5:13

Ukutu Dio I̧tti̧ i̧mi̧nä̧ esetätürü wȩyu̧tu̧ we'üsä, kkä̧kuä̧wä̧ i'ko kku̧nä̧rä̧tü̧jä̧ pä'ü ku̧wo̧juä̧tu̧kua̧ pä'ü.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.