YOHANES 4:3 - Rengah Jian

³ Hun Yésus menéng ha' irah Parisi pesakat kenat, peleka Éh kepéh jin tana' Yudea ke' Néh moléé' tai tana' Galilia.

YOHANES 4:3 Iomraidhean Croise

MATIUS 10:23

Hun irah tong jah tana' peketa keh, kelap keh tai tana' éh jah kepéh. Akeu' bara' ngan keh, bé' jak keh ma'o maneu' kereja' keh tong siget leboo' tong tana' irah Yahudi, pu'un Anak Kelunan tuai kepéh, ha' néh.

MARKUS 3:7

Lakau Yésus ngan irah éh bakéh néh tai baa' Banget Galilia, pinaa' mu'un kelunan kivu réh tai. Jelua' réh pu'un jin tana' Galilia, jelua' jin tana' Yudea,

LUKAS 17:11

Hun Yésus lakau tai Yérusalem Iah kivu jalan éh belah tana' Samaria ngan tana' Galilia.

YOHANES 1:43

Tong jah dau éh jah kepéh, lakau Yésus tai tana' Galilia, lem pengelakau Néh nah, inah Éh temeu' ngan Pilipus. Ka' ha' Néh ngan Pilipus, Jian ke' kivu Akeu', ha' Néh.

YOHANES 10:40

Moléé' Yésus kepéh tai saa' dipa baa' Yordan tong jalan Yohanes ngebatis kelunan rai, sinah éh mokoo'.

YOHANES 11:54

Uban néh kenat bé' Yésus lakau tong tana' Yudea kepéh, bang tai Éh mokoo' tong leboo' Epraim éh déhéé' tana' payah, sinah éh mokoo' ngan irah bakéh Néh.

YOHANES 2:11

Inah éh kereja' Yésus tenah éh neu' Néh tong leboo' Kana tong tana' Galilia, sinah Éh pepoléng pengaren Néh, ngan irah bakéh Néh ngelan tong Néh.

YOHANES 3:22

La'o inah lakau Yésus ngan irah bakéh Néh tai tana' Yudea. Mokoo' Éh sinah pemung ngan réh ke' Néh ngebatis kelunan.

YOHANES 3:32

ngan pu'un Éh bara' tong kekat Éh ta'an Néh ngan éh nenéng Néh, bang bé' pu'un kelunan alaa' ha' éh benara' Néh nah.

YOHANES 4:47

Hun néh jam Yésus tuai jin tana' Yudea avéé' tong tana' Galilia, tai éh tavin Yésus menyat éh tai Kapernaum peka'o anak néh, uban si'ik awah la'ah anak néh bé' matai.

YOHANES 7:1

La'o inah lakau Yésus tong tana' Galilia, bé' éh keloo' lakau tong tana' Yudea kepéh uban kelunan Yahudi pitah jalan ke' réh juk mematai Éh.