YOHANES 3:3 - Rengah Jian

³ Ka' ha' Yésus mipa éh, Akeu' bara' mu'un ngan ko', hun kelunan bé' murip maréng kepéh, bé' Allah omok Pengeja'au néh ngan mihau éh, ha' Néh.

YOHANES 3:3 Iomraidhean Croise

MATIUS 16:17

Ha' Yésus kepéh, O Simon anak Yohanes, murung kenin ko' uban bé' ke' jam éh neu' kelunan éh bara' éh ngan ko', bang Tamen ké' éh tong seruga Iah éh mena' pengejam inah ngan ko'.

MATIUS 19:24

Lumang jah usah unta masek lem luvang bena jin kelunan kaya' omok tavin Allah ke' néh Pengeja'au néh, ha' néh.

MATIUS 21:31

La'ah ha' Yésus neteng réh, séé' jin rawah anak iteu' éh kivu sohoo' tamen roh, ha' néh. Ha' réh mipa éh, Anak néh tuken, ha' réh. La'ah ha' Yésus, Kelunan éh alaa' sukai ngan irah redo éh petuyang, irah inah éh pu'un tai lem nihau Allah saa' tenah jin ka'ah.

MATIUS 5:18

Akeu' bara' ngan keh, kelebéé' langit ngan tana' iteu' pu'un keto, jah ineu'-ineu' péh sohoo' Tuhan lem Surat Musa, na' péh éh si'ik awah, bé' éh omok nebet awah pah avéé' hun Tuhan pesukup kekat pengeloo' Néh éh lem sohoo' Néh inah.

MARKUS 10:14

Hun Yésus jam réh meta' kelunan mihin anak si'ik tavin Éh, merek Éh ngan réh, ka' ha' Néh, Mai keh meta' anak si'ik tuai tavin Akeu', uban kelunan séé'-séé' éh barei' anak si'ik inah, inah éh kelunan éh pu'un lem nihau Allah.

MARKUS 9:47

Jah la'ah hun néh maten ko' mihin ke' maneu' sa'at, jian ke' nirok éh pega', pelapah jian ke' tai tana' maréng éh retek Allah Pengeja'au, ketem jebila' maten ko' awah, jin hun ko' petem duah maten nebet tong luten meraka'.

YOHANES 1:13

Bé' réh omok anak Allah neu' ineu'-ineu' éh neu' kelunan tong tana', bé' réh omok anak Allah barei' jah anak neu' tamen néh tong tana' iteu'. Allah éh maneu' réh anak Néh.

YOHANES 1:5

Rema inah pu'un éh peséng tong merem, ngan merem bé' éh omok memata' rema inah.

YOHANES 1:51

Boh Yésus bara' ngan kekat irah, ka' ha' Néh, Akeu' bara' mu'un ngan keh, adang keh pu'un na'at langit pukap ngan meliket Allah mukat ngan tuhun tong Anak Kelunan, ha' Néh.

YOHANES 12:40

Ka' ha' Allah pané Akeu' éh maneu' maten kenin réh peseu', ngan maneu' kenin réh mahéng, dokoo' réh bé' pu'un ta'an, ngan bé' réh nesen, bé' irah keloo' tavin Akeu' ke' Ké' peka'o réh, ha' Néh.

YOHANES 3:4

Ka' ha' Nikodemus ngan Néh kepéh, Kineu', omok kelunan éh lepah ja'au usah paléu anak bala kepéh da'? Kineu', omok éh masek lem boré tinen néh ngan pelohoo' maréng kepéh, ha' néh.

2 KORINTUS 4:4

Bé' irah ngelan uban Sitan éh pengeja'au tana' iteu' memeseu' maten kenin réh, inah maneu' réh bé' omok na'at nawa éh perema tong irah, nawa éh jin Rengah Jian éh bara' tong pengaren Kristus éh pekua' mu'un ngan Allah lem ineu'-ineu' péh.

2 KORINTUS 5:17

Séé'-séé' éh murip dalem Kristus, iah pu'un urip maréng, kekat urip néh jin sahau lepah béé, iah pu'un urip maréng kepéh.

GALATIA 6:15

Uban na' péh kelunan pu'un pesunat ngan bé' pesunat péh, bé' éh ineu', inah awah éh pu'un gunah, hun kelunan pu'un alaa' urip maréng lem kenin néh.

ÉPESUS 2:1

La'ah hun sahau ka'ah pu'un matai neu' kekat kesa'at ngan penyala' keh.

TITUS 3:5

Pu'un éh purip uleu'. Bé' éh neu' ineu'-ineu' penganeu' lu' éh jian, bang neu' pengasi Néh awah Iah purip lu', neu' Néh mohéé' kenin lu' ngan mena' urip maréng ngan lu' neu' Sahéé' Ni'ai,

YAKUB 3:17

Bang kelunan éh pu'un pengejam éh tuai jin seruga pu'un éh mihin kelunan murip ni'ai, pawah, dawai kenin, ngan jian pengané. Irah pu'un pika kelunan ngan kivu kekat arong penganeu' éh jian bé' réh netah ngan ngelayoo' awah maneu' jian.

1 PÉTERUS 1:3

Jian lu' bara' jian kenin ngan Allah, Tamen Tuhan lu' Yésus Kristus! Uban Iah pika uleu' mu'un, Iah mena' urip maréng ngan lu', neu' Néh pebetéé' Yésus Kristus jin patai Néh. Iteu' omok mena' pengepelum éh reken ngan lu'.

1 YOHANES 2:29

La'ah ka'ah jam Kristus maneu' pengeloo Allah. Uban néh kenat ka'ah jam siget-siget usah éh maneu' pengeloo' Allah Iah néh anak Allah.

1 YOHANES 3:9

Séé'-séé' éh paléu anak Allah, bé' éh petem maneu' penyala', uban urip Allah pu'un éh dalem néh, Allah éh Tamen néh kepéh, bé' éh omok petem maneu' penyala'.

1 YOHANES 5:1

Séé'-séé' éh ngelan Kristus éh purip éh pejajii' Allah, kelunan inah éh anak Allah. Séé'-séé' éh pika Tamen Néh, pu'un éh pika Anak Néh kepéh.

1 YOHANES 5:18

La'ah uleu' jam kelunan éh paléu anak Allah, bé' éh petem maneu' penyala', uban Anak Allah pu'un mihau éh, Sitan bé' omok maneu' éh.

1 YOHANES 5:4

Uban siget-siget kelunan éh anak Allah, omok éh nyopéé' tana' iteu'. Uleu' omok nyopéé' tana' iteu', neu' pengelan lu'.

ÉH POLÉNG 3:14

Jian ke' nyurat ha' Ké' iteu' ngan meliket sidang tong Laodikia. Iteu' ha' éh benara' jin Iah éh nateng réh Amin, Iah éh tigéh ngan teneng lem kekat éh benara' Néh; jin Iah Allah suai kekat ineu'-ineu' éh senuai Néh.