YOHANES 3:2 - Rengah Jian

² Sioo' jah merem tai éh tavin Yésus ngan bara' ngan Néh, O Guru, kejam mé' Ka'au jah guru éh senohoo' Allah, uban bé' pu'un jah usah péh éh omok maneu' kekat telana' éh ja'au barei' éh neu' Ko' nah hun Allah bé' pu'un ngan néh, ha' néh.

YOHANES 3:2 Iomraidhean Croise

MATIUS 22:16

Pu'un réh nyohoo' jelua' irah Parisi nah ngan pu'un kuraa' usah irah éh kivu Herodis, tavin Yésus ngan nyohoo' réh pané ka', O Guru, kejam mé' ka'au' kelunan éh ngelayau maneu' kekat éh jian ngan teneng, ka'au' nebaraa' kelunan tong kekat pengeloo' Allah ngan kelunan. Bé' ke' medai bara' éh, kelunan éh ja'au péh, irah éh si'ik péh, bé' ke' medai réh.

MATIUS 23:7

Hun réh tai lamin pebelih keloo' mu'un réh menéng ha' kelunan ngajung réh ngan mateng réh, Guru.

MATIUS 23:8

Bang mai éh ka'ah ke' keloo' kelunan ngajung keh ngan mateng keh, Guru, uban ka'ah béé pepadéé' dalem Tuhan ngan jah awah Guru keh.

MARKUS 12:14

Ka' ha' réh ngan Yésus, O Guru, améé' jam adang ka'au' jah kelunan éh teneng, bé' ka'au' netah kenin ngan kelunan séé'-séé' péh, kenat péh bé' ke' seruh tong layan kelunan awah, ka'au' bara' tong kekat ha' Allah mu'un ngan kekat pengeloo' Allah ngan kelunan. Jian ke' bara' ngan améé', kineu' améé', tekep mé' mena' sukai mé' ngan Raja' Rum. Kineu', bé' mé' tekep. Kineu' ha' ko' da', ha' réh pané ngan Yésus.

YOHANES 1:38

Pupah Yésus na'at rawah éh kivu Éh nah, boh Éh neteng roh, ka' ha' Néh, Ineu' éh penitah koh kei, ha' Néh. Ha' roh, O Rabi, Semah ke' mokoo'? Sin tong ngaran rabi, inah éh guru.

YOHANES 10:38

bang hun néh pu'un, na' péh ka'ah bé' keloo' ngelan tong ha' Ké', jian keh ngelan éh ta'an keh tong kereja' Ké', dokoo' keh omok jam adang Tamen Ké' pu'un dalem Akeu' ngan Akeu' péh pu'un dalem Tamen Ké', ha' Néh.

YOHANES 12:37

Pinaa' telana' éh ja'au éh ta'an réh, na' péh kenat bé' irah ngelan Éh,

YOHANES 14:10

Kineu' ke' Pilipus, bé' ke' ngelan Akeu' pu'un pekua' ngan Tamen Ké' ngan Tamen Ké' pu'un pekua' Akeu'. Kekat ha' éh benara' Ké' ngan keh, bé' éh ha' Ké' tengéé', Tamen Ké' éh pu'un petem dalem Akeu', pu'un Éh maneu' kekat penganeu' Néh.

YOHANES 15:24

Hun Ké' bé' maneu' kuraa'-kuraa' telana' éh ja'au éh pelapah ja'au jin éh neu' kelunan éh jah, bé' réh pu'un sala', bang pu'un Ku' maneu' telana' éh ja'au, ngan pu'un réh na'at éh, bang inah réh leko Akeu' ngan leko Tamen Ké' kepéh.

YOHANES 2:11

Inah éh kereja' Yésus tenah éh neu' Néh tong leboo' Kana tong tana' Galilia, sinah Éh pepoléng pengaren Néh, ngan irah bakéh Néh ngelan tong Néh.

YOHANES 20:16

Ka' ha' Yésus ngan néh kepéh, Meriam, ha' Néh. Tioo pupah Meriam na'at Éh ngan bara' ngan Néh lem ha' Yahudi, Rabuni, ha' Néh. Sin tong ha' Néh kenat, Guru.

YOHANES 3:26

Boh réh tavin Yohanes ke' réh bara' ka' ngan néh, O guru, kelunan éh pu'un pemung ngan ko' hun ko' mokoo' saa' dipa baa' Yordan éh benara' ko' ngan mé' rai, pu'un Éh ngebatis réh hun iteu', pinaa' kelunan tavin Éh, ha' réh.

YOHANES 4:31

Kelebéé' redo inah tai lamin nah, irah bakéh Yésus nyohoo' Éh kuman, ka' ha' réh, Guru, kuman Ke', ha' réh.

YOHANES 5:36

Bang inah kepéh kekat penganeu' Ké' éh neu' Ké' kivu sohoo' Tamen Ké', kekat inah péh nojoo' Akeu' pu'un jin Allah mu'un. Uban kekat penganeu' Ké' pekelenaa' adang Tamen Ké' Iah éh nyohoo' Ku' tuai, penganeu' Ké' inah pelapah lenaa' éh jin éh benara' Yohanes tong Akeu'.

YOHANES 6:2

Pinaa' kelunan kivu Éh uban réh lepah na'at telana' éh naneu' Néh tong Néh peka'o kelunan sakit.

YOHANES 7:31

Jin belah irah kelunan pinaa' nah pu'un kuraa' kekat réh éh ngelan tong Néh. Ka' ha' réh, Tovoo' Kristus tuai, kineu' Éh, omok Éh maneu' telana' éh pelapah ja'au jin éh neu' kelunan iteu', ha' réh.

YOHANES 9:16

Ka' ha' jelua' irah Parisi, Kelunan éh maneu' kenat bé' éh pu'un jin Allah uban néh ngelapah tong Dau Posot, ha' réh. Ka' ha' jelua' kepéh, Hun néh kelunan penyala', kineu' jalan néh omok peka'o kelunan peseu', ha' réh. Petengéé' kenin réh.

PENGANEU' LAWAH 10:38

Pu'un keh jam kepéh Allah mena' Sahéé' Ni'ai ngan penyukat Néh ngan Yésus. Pu'un Yésus lakau semah-semah péh ke' Néh nolong kelunan ngan ngelepu irah éh keripen Sitan, uban Allah pu'un ngan néh.

PENGANEU' LAWAH 2:22

Ka' ha' Péterus kepéh, O kelunan Yahudi, menéng keh, Yésus éh jin Nasaret nah, pinaa' penganeu' Néh éh ja'au tong tana' iteu', neu' kekat penganeu' Néh kenat inah jalan Allah pekelenaa' Iah pu'un tuai jin Allah. Uban neu' penyukat Allah, pinaa' arong penganeu' Yésus éh ngebéé kenin kelunan ngan éh pekelenaa' penyukat Néh. Ka'ah péh jam éh pu'un kenat, uban Néh maneu' éh kenat tong ta'an uleu' siteu' rai.

PILIPI 1:14

La'ah neu' ké' pu'un tong lamin tutup, pinaa' padéé' lu' dalem Tuhan pu'un éh gahang kepéh lem pengelan réh tong Tuhan, avéé' irah makang kenin bara' ha' Allah ngan bé' medai.