YOHANES 10:3 - Rengah Jian

³ Kelunan éh mavaa' usit pagin iah mukap usit pagin ngan tepun domba nah. Kekat domba jam menéng ha' tepun néh ngan iah tebai réh palaa' ngaran réh ke' néh mihin réh musit.

YOHANES 10:3 Iomraidhean Croise

YOHANES 10:14

Akeu' éh Tepun domba mu'un, ngan Akeu' jam kekat domba Ké', ngan domba Ké' péh jam Akeu'.

YOHANES 10:16

Pu'un domba Ké' kepéh éh bé' jak masek lem pagin iteu', kekat irah péh Akeu' juk alaa' réh lem pagin iteu'. Irah péh omok menéng ha' Ké' boh réh omok jah awah vun ngan jah awah tepun, ha' Néh.

YOHANES 10:4

La'o néh mihin réh musit, lakau éh saa' tenah réh ngan kekat domba néh kivu éh uban réh jam menéng ha' néh.

YOHANES 10:9

Akeu' iteu' éh usit tapé tong pagin domba. Séé'-séé' éh masek jin Akeu', omok éh alaa' urip, adang néh pu'un masek ngan musit kepéh ngan alaa' penguman néh.

YOHANES 6:37

Siget kelunan éh nena' Tamen Ké' ngan Ké', adang néh pu'un tuai tavin Akeu', ngan séé'-séé' éh tuai tavin Akeu', bé' Akeu' bet éh.

YOHANES 6:45

Irah nabi pu'un réh nyurat bara', Kekat kelunan adang Allah juk nebaraa' réh. Siget kelunan éh menéng ha' Tamen Ké' ngan éh nesen tong tebaraa' Néh, pu'un éh tuai tavin Akeu'.

SURAT PAULUS NGAN SIDANG RUM 8:30

Pu'un Allah tebai irah éh kevéléé' Néh nah, bé' Iah tebai réh awah, bang pu'un Iah maneu' réh jian kepéh tong jumen Allah, bang bé' makat éh kenat awah, bang Iah juk ngepaléu réh jian pekua' barei' Iah pu'un jian.

1 KORINTUS 16:9

uban na' péh pinaa' kelunan ngelawan siteu', pinaa' jalan ké' kepéh omok maneu' kereja' Tuhan siteu'.

PILIPI 4:3

La'ah Sinsigus éh bakéh ké' mu'un, jian ke' petena' rawah redo inah dokoo' roh jam pekua' kenin kepéh, uban lepah rai gahang mu'un rawah kereja' dokoo' perengah Rengah Jian, pemung ngan Kelemen ngan kekat bakéh ké' éh jah kepéh, ngaran réh pu'un éh senurat Tuhan lem surat ngaran irah éh pu'un urip maréng.

KOLOSÉ 4:3

Jian keh ngelayau sebayang tong améé', menyat Allah mukap jalan ngan améé' ke' mé' omok perengah Rengah Jian Néh dokoo' bara' tong pengeloo' kenin Néh lem Kristus. Uban neu' Rengah Jian inah, kenat akeu' pu'un tong lamin tutup hun iteu'.

2 TIMOTIUS 2:19

Bang lihei' éh neu' Allah, pu'un éh reken mu'un, bé' éh omok gusii', ngan Tuhan pu'un nyurat tong néh ka', Tuhan jam kekat kelunan éh anah Nah, ha' néh, ngan ha' néh kepéh, séé'-séé' kelunan éh bara' pengelan néh pu'un tong Tuhan, jian iah ngejuu' usah néh jin kekat kesa'at, ha' néh.

1 PÉTERUS 1:12

Allah pu'un bara' ngan irah nabi tong kekat éh naneu' réh nah bé' éh tulat usah réh tengéé', bang pu'un éh tulat ka'ah. Kekat éh benara' irah nabi inah, hun iteu' lepah keh menéng éh jin irah éh bara' tong Rengah jian inah. Irah perengah éh ngan keh palaa' penyukat Sahéé' Ni'ai, éh nena' jin seruga pah avéé' irah meliket péh keloo' jam tong kekat inah.

1 YOHANES 4:6

Bang uleu' iteu' éh anah Allah, ngan séé'-séé' éh jam Allah pu'un iah mihau ha' lu', la'ah séé'-séé' éh bé' pu'un jin Allah, bé' iah mihau ha' lu'. Kenat péh jalan uleu' omok jam tong Sahéé' éh teneng ngan tong sahéé' éh petawang awah.

3 YOHANES 1:14

Akeu' ngelan ku' omok laho petemeu' ngan ko' boh toh omok pepané kepéh.

ÉH POLÉNG 20:15

Séé'-séé' éh bé' pu'un ngaran lem surat ngaran irah éh pu'un urip maréng pu'un Tuhan bet réh lem bawang luten nah.

ÉH POLÉNG 3:20

Menéng keh. Pu'un Ku' nekedéng tong usit tapé kenin keh ngan ngatong, séé'-séé' éh menéng ha' Ké' ngan mukap tapé nah, Akeu' juk masek ngan mokoo' ngan kuman ngan néh, ngan iah péh omok kuman ngan Ké'.

ÉH POLÉNG 7:17

Uban Anak Domba éh pu'un belah nyun inah, Iah omok tepun réh ngan mihau réh ngan majak réh tai usit baa' éh baa' éh purip réh, ngan Allah pu'un mitit kekat baa' maten réh, ha' néh.