YOHANES 10:1 - Rengah Jian

¹ Ha' Yésus kepeh, Akeu' bara' mu'un ngan keh, kelunan éh masek lem pagin domba mukat jin jalan tengéé éh bé' jin usit tapé, Iah kulunan nekau ngan kelunan éh ngesakit usah réh ke' néh omok alaa' livah réh.

YOHANES 10:1 Iomraidhean Croise

MATIUS 7:15

Ha' Yésus kepéh, Jian keh mavaa' jian-jian tong kelunan éh bara' irah ke' nabi Tuhan bang ha' réh kenyo. Pu'un réh tuai barei'-okoo' domba, bang kenin réh mu'un barei' tepun éh luvaa'.

SURAT PAULUS NGAN SIDANG RUM 16:18

Uban bé' réh maneu' kereja' Kristus éh Tuhan uleu', bang irah maneu' kekat éh omok ngejian kenin réh tong kemagat réh éh sa'at. La'ah neu' ha' réh éh méé ngan jian, inah irah ngelavo' kelunan éh bé' malai.

1 YOHANES 4:1

O kekat padéé' ké' éh kemurung ké', mai keh ulak ngelan ha' kelunan éh bara' iah pu'un Sahéé' Ni'ai, jian keh ngelenaa' réh dokoo' keh omok jam éh hun sahéé' inah pu'un jin Allah ngan hun néh bé' péh. Uban pinaa' kelunan éh ngelavo' lepah tai semah-semah péh.

IBRANI 5:4

Bé' éh séé'-séé' éh keloo' Imam éh pengeja'au kekat imam éh omok alaa' kereja' inah bang jin penebai Allah kelunan omok Imam éh pengeja'au kekat imam barei' éh teneng tong Harun rai.

2 PÉTERUS 2:3

Irah kelunan éh ngelavo' nah, magat juk alaa' mekum, kenat jalan réh alaa' rigit jin kelunan éh kivu réh uban réh nebaraa' réh tong kuraa'-kuraa' ha' tebaraa' éh sala', tebaraa' éh neu' irah ke' tengéé'. Lebéé' tenéh Allah pu'un bara' tong ukum éh juk teneng tong réh, bé' Tuhan telalau kenin adang Tuhan pu'un ngukum réh mu'un.

2 PÉTERUS 2:1

Hun sahau pu'un kuraa'-kuraa' irah nabi, éh ngelavo' musit belah irah éh anah Allah. Kenat péh irah éh ngelavo' juk musit belah ka'ah tovoo' hun iteu'. Irah pu'un perengah ha' tebaraa' éh sala' ngan éh petawang. Avéé' réh bet Yésus Kristus Tuhan éh purip réh uban néh kenat inah maneu' ukum Tuhan laho juk teneng tong réh

1 PÉTERUS 1:10

Jalan urip iteu' éh teneteng ngan éh kelenaa' irah nabi ngan pu'un réh bara' tong penika éh nena' Allah ngan keh.

SURAT PAULUS NGAN SIDANG RUM 10:15

Kineu' jalan réh omok tai nebaraa' réh da', hun néh bé' jak pu'un nyohoo' réh tai? Barei' ha' lem surat Allah éh bara', Jian mu'un savéé' kelunan éh mihin Rengah Jian, ha' Néh.

YOHANES 3:3

Ka' ha' Yésus mipa éh, Akeu' bara' mu'un ngan ko', hun kelunan bé' murip maréng kepéh, bé' Allah omok Pengeja'au néh ngan mihau éh, ha' Néh.

TITUS 1:11

Mai ke' kejeraa' réh pané, uban pu'un réh petusah kenin kuraa'-kuraa' kelunan neu' réh bara' tong éh bé' tekep. Pu'un réh maneu' kenat uban réh juk alaa' rigit awah.

YOHANES 10:7

Ka' ha' Yésus kepéh, Akeu' bara' mu'un ngan keh, Akeu' iteu' usit pagin jalan kekat domba omok masek lem pagin.