YOHANES 1:4 - Rengah Jian

⁴ Ateng ha' inah Iah éh nebu'un urip, ngan neu' urip Néh, inah jalan kelunan pu'un rema.

YOHANES 1:4 Iomraidhean Croise

MATIUS 4:16

Kelunan éh mokoo' tong merem omok éh na'at rema peséng. Kelunan éh mokoo' tong jalan éh mihin réh matai, omok rema inah nawa tong réh, ha' néh.

LUKAS 2:32

Tong kelunan éh tengéé' pohoo' jin irah Yahudi, Iah pu'un nawa tong réh, dokoo' réh omok jam Ke' kepéh. Tong pohoo' Yahudi éh kevéléé' Ko', iah pu'un mihin réh pu'un pengaren ngan kenajung réh, ha' néh.

YOHANES 11:25

Ka' ha' Yésus ngan néh kepéh, Akeu' éh pebetéé' ngan purip kelunan, séé'-séé' éh ngelan tong Akeu', na' péh éh matai, omok éh murip kepéh.

YOHANES 12:35

Ka' ha' Yésus mipa réh, Bé' lah lebéé' rema iteu' pu'un ngan ka'ah dat. Kelebéé' rema iteu', pu'un keto, jian keh lakau tong nawa Néh dai merem avéé' tong keh. Kelunan éh lakau tong merem, bé' éh jam kemah-kemah ketai néh.

YOHANES 12:46

Pu'un Akeu' tuai tong tana' iteu' dokoo' Ké' perema tong tana' iteu', jalan siget-siget kelunan éh ngelan tong Akeu', bé' éh mokoo' tong merem kepéh.

YOHANES 14:6

Yésus mipa éh, Akeu' iteu' éh jalan, ngan Akeu' iteu' éh teneng, ngan Akeu' iteu' éh urip, bé' pu'un séé'-séé' éh omok tavin Tamen Ké' hun néh bé' pu'un jalan Akeu'.

YOHANES 3:19

Jalan keh jam éh kenat, inah éh, uban rema lepah tuai tong tana' iteu', bang kelunan pelapah keloo' murip tong merem jin réh keloo' murip tong rema uban kekat penganeu' réh sa'at awah éh.

YOHANES 5:21

Barei' Tamen Ké' purip kekat kelunan éh matai, kenat péh Akeu' éh Anak Néh omok purip séé'-séé' éh keneloo' Ké'.

YOHANES 5:26

Barei' Tamen Ké' pu'un purip kekat ineu'-ineu' péh, kenat péh Iah mena' penyukat Néh ngan Anak Néh, dokoo' Néh omok purip ineu'-ineu' kepéh.

YOHANES 8:12

Ka' ha' Yésus ngan réh kepéh, Akeu' iteu' rema tana' iteu', séé'-séé' éh kivu Akeu' bé' éh lakau dalem merem, adang néh pu'un rema jin Akeu' éh purip réh, ha' Néh.

YOHANES 9:5

Kelebéé' Akeu' pu'un tong tana' iteu', Akeu' éh rema tana' iteu', ha' Néh.

PENGANEU' LAWAH 26:23

Pu'un réh bara' Kristus, adang Néh jam keta ngan Iah éh tenah betéé' jin belah kelunan matai, ke' Néh bara' tong rema urip ngan pohoo' Yahudi kenat péh ngan kelunan éh tengéé' pohoo' péh, ha' néh.

1 KORINTUS 15:45

Barei' ha' lem surat Allah pu'un bara', Adam, kelunan éh bu'un senuai Tuhan, usah néh jin tana' iteu', ha' Néh. Bang Adam éh ga' iteu', inah éh Kristus, bé' éh kelunan barei' Adam éh bu'un nah, bang inah éh Sahéé', ngan pu'un éh purip lu'.

ÉPESUS 5:14

Uban ineu'-ineu' éh ta'an lu' tong rema adang néh poléng mu'un. Inah néh benara' ka', To'ot, o ka'au' éh pegen, ngan betéé' jin pematai Kristus juk ngada tong ke'

KOLOSÉ 3:4

Urip keh mu'un inah éh Kristus, ngan hun Iah pu'un poléng kepéh, ka'ah péh pu'un poléng pemung ngan Néh ngan tai pemung ngan Néh lem kekat pengaren Néh.

1 YOHANES 1:1

La'ah pu'un mé' maneu' surat iteu' ngan keh uban mé' juk bara' tong Ateng Ha' éh mena' urip, inah éh Ateng Ha' éh lepah pu'un jin bu'un-bu'un sahau. Améé' lepah menéng éh, ngan maten mé' tengéé' lepah na'at éh. Améé lepah na'at éh ngan améé' lepah ngamit éh palaa' ojoo mé'.

1 YOHANES 1:2

Urip inah lepah poléng tenéh, pu'un mé' na'at éh, inah ke' mé' bara' tong néh. Améé bara' ngan Keh tong urip éh pelinguh éh pu'un pemung ngan Tamen, ngan éh lepah pepoléng Néh ngan améé'.

1 YOHANES 5:11

Iteu néh éh benara' inah: Allah lepah mena' urip mu'un ngan pelinguh ngan urip inah pu'un éh tuai jin Anak Néh.

ÉH POLÉNG 22:1

La'ah meliket nah nojoo' baa' ja'au éh baa' éh purip kelunan, mening mu'un éh. Baa' inah musit jin nyun éh jalan Allah, ngan Anak Domba nah mokoo' ke' roh Raja.

ÉH POLÉNG 22:16

Ka' ha' Néh kepéh, Akeu' Yésus nyohoo' meliket Ké' tai bara' kekat ha' iteu' ngan kekat sidang. Akeu' pu'un jin puku' Daud, Akeu' éh kenyuhai éh ngada teka rema, ha' Néh.