YOHANES 1:3 - Rengah Jian

³ Allah suai kekat arong ineu'-ineu' neu' Ateng ha' inah. Bé' pu'un ineu'-ineu' éh pesuai tengéé' éh bé'senuai Néh.

YOHANES 1:3 Iomraidhean Croise

YOHANES 1:10

La'ah Ateng ha' inah pu'un éh tong tana' iteu' rai, Allah suai kekat tana' iteu' neu' Néh, bang kelunan tong tana' iteu' bé' réh ngelan tong Néh.

YOHANES 1:2

Jin bu'un-bu'un Ateng ha' inah pu'un éh pemung ngan Allah.

1 KORINTUS 8:6

bang ngan uleu' éh ngelan tong Tuhan, Allah jah awah, inah éh Tamen uleu', éh suai kekat-kekat arong ineu'-ineu' péh, ngan uleu' murip neu' Néh, kenat péh jah awah Tuhan lu', inah éh Yésus Kristus, Iah éh suai kekat ineu'-ineu' ke' néh pu'un pesuai, ngan uleu' péh murip neu' Néh.

ÉPESUS 3:9

La'ah Iah kejeraa' akeu' mihin kekat kelunan jam tong jalan éh petenup Néh tenéh ke' Néh omok kivu pengeloo' kenin Néh. La'ah Allah éh lepah suai kekat ineu'-ineu', nelim Néh pengeloo' kenin Néh jin kelunan sahau,

IBRANI 11:3

Uban neu' pengelan uleu' jam tana' ngan langit iteu' pu'un senuai Allah Neu' ha' Néh awah. Kekat-kekat éh ta'an lu' hun iteu' péh senuai Néh palaa' ha' Néh awah.

1 YOHANES 5:1

Séé'-séé' éh ngelan Kristus éh purip éh pejajii' Allah, kelunan inah éh anak Allah. Séé'-séé' éh pika Tamen Néh, pu'un éh pika Anak Néh kepéh.

ÉH POLÉNG 3:14

Jian ke' nyurat ha' Ké' iteu' ngan meliket sidang tong Laodikia. Iteu' ha' éh benara' jin Iah éh nateng réh Amin, Iah éh tigéh ngan teneng lem kekat éh benara' Néh; jin Iah Allah suai kekat ineu'-ineu' éh senuai Néh.

ÉH POLÉNG 4:11

Oo' Tuhan éh Allah mé'! Bang Ka'au' awah éh tekep alaa' pengaren, penyeva' ngan penyukat, uban Ka'au' éh suai kekat ineu'-ineu' péh ngan kivu pengeloo' Ko' kepéh kekat ineu'-ineu' péh poléng ngan murip.