YOHANES 1:10 - Rengah Jian

¹⁰ La'ah Ateng ha' inah pu'un éh tong tana' iteu' rai, Allah suai kekat tana' iteu' neu' Néh, bang kelunan tong tana' iteu' bé' réh ngelan tong Néh.

YOHANES 1:10 Iomraidhean Croise

MATIUS 11:27

La'ah ha' Yésus kepéh, Pu'un Tamen Ké' lepah mena' kekat ineu'-ineu' ngan Ké'. Bé' pu'un séé'-séé' éh jam Akeu' éh Anak Néh, bang Tamen Ké' awah éh jam Akeu' Anak néh. Ngan bé' pu'un séé'-séé' éh jam Tamen Ké', bang Akeu' éh Anak Néh awah éh jam éh, ngan irah éh jah éh keneloo' Ké' pepoléng éh ngan réh, irah awah éh jam éh, ha' néh.

YOHANES 1:11

Iah tai tana' Néh, bang irah éh pohoo' Néh tengéé' bé' réh keloo' alaa' Éh,

YOHANES 1:18

Bé' pu'un séé'-séé' éh na'at Allah, bang Anak Néh éh jah de' ke' awah Iah Éh pu'un na'at Allah, ngan Iah pu'un pekua' ngan Allah, mokoo' Éh pemung ngan Tamen Néh, naneu' Néh uleu' jam Allah.

YOHANES 1:3

Allah suai kekat arong ineu'-ineu' neu' Ateng ha' inah. Bé' pu'un ineu'-ineu' éh pesuai tengéé' éh bé'senuai Néh.

YOHANES 1:5

Rema inah pu'un éh peséng tong merem, ngan merem bé' éh omok memata' rema inah.

YOHANES 17:25

O Amam éh tigéh, bé' kelunan tong tana' iteu' jam Ka'au, bang Akeu' jam Ka'au ngan irah inah pu'un réh jam Ka'au éh nyohoo' Akeu' tuai.

YOHANES 5:17

Boh Yésus pané kepéh ngan réh, ka' ha' Néh, Tamen Ké' bé' éh posot jin kekat penganeu' Néh, kenat péh Akeu', ha' Néh.

PENGANEU' LAWAH 14:17

Na' péh éh kenat, bé' éh bé' pu'un telana' éh bara' tong Néh, uban kekat penganeu' Néh éh jian, inah éh bara' tong Néh. Pu'un retek Néh maneu' taa' ke' Néh purip kekat buaa' éh nena' Néh ngan uleu'. Pu'un éh mena' kekat arong penguman ngan lu', ngan pu'un éh pepenoo' kenin lu' neu' kekat kemurung Néh, ha' roh ngan réh.

1 KORINTUS 1:21

Dalem kekat pengejam Allah éh teneng mu'un, bé' Iah kejeraa' kelunan omok jam iah neu' Allah murip kelunan éh ngelan tong ha' tebaraa' éh benara mé' éh seneruh kelunan éh jah, tebaraa' éh palui awah.

1 KORINTUS 2:8

Hun réh jam tong pengeloo' kenin Tuhan kenat sahau rai, adang réh bé' mematai Tuhan éh matek maren tong kayeu' salib.

1 KORINTUS 8:6

bang ngan uleu' éh ngelan tong Tuhan, Allah jah awah, inah éh Tamen uleu', éh suai kekat-kekat arong ineu'-ineu' péh, ngan uleu' murip neu' Néh, kenat péh jah awah Tuhan lu', inah éh Yésus Kristus, Iah éh suai kekat ineu'-ineu' ke' néh pu'un pesuai, ngan uleu' péh murip neu' Néh.

KOLOSÉ 1:16

Uban dalem Iah Allah suai kekat ineu'-ineu' éh tong langit ngan éh tong tana', éh poléng ngan éh bé' poléng, kenat péh kekat meliket ngan ineu'-ineu' kepéh éh pu'un penyukat. La'ah Allah suai kekat tana' ngan langit neu' Anak Néh, dokoo' kekat penyuai Néh inah ngajung Kristus.

IBRANI 11:3

Uban neu' pengelan uleu' jam tana' ngan langit iteu' pu'un senuai Allah Neu' ha' Néh awah. Kekat-kekat éh ta'an lu' hun iteu' péh senuai Néh palaa' ha' Néh awah.

1 YOHANES 3:1

Jian keh nesen Allah matek pika lu' mu'un, avéé' lu' nateng anak Allah, adang uleu' anak Allah, bang kelunan éh tong tana' iteu' bé' réh jam lu' anak Allah. Uban kelunan tong tana' bé' réh jam Allah.