YOHANES 1:1 - Rengah Jian

¹ Bu'un-bu'un sahau hun tana' iteu' bé' jak pesuai, Ateng ha' pu'un éh tenéh. Ateng ha' inah pemung ngan Allah ngan Ateng Ha' inah pekua' ngan Allah.

YOHANES 1:1 Iomraidhean Croise

MATIUS 1:23

Ka' ha' néh, la'ah redo lemanai éh bé' jak tavin lakei' pu'un éh nemaléé', ngan iah juk nganak jah anak lakei', ngaran néh éh nateng réh, Imanuel, ha' néh. Sin tong ngaran Imanuel, Allah pu'un ngan lu'.

LUKAS 24:53

Siget-siget dau tai réh tong Umaa' Allah ke' réh mejing Allah.

YOHANES 1:14

La'ah Ateng ha' inah paléu kelunan, tuai éh mokoo' belah lu' iteu', ngan améé' pu'un na'at pengaren Néh, pengaren Néh inah pu'un éh kenat uban Néh Anak éh jah awah jin Tamen Néh, ngan ja'au mu'un penika Allah, kenat péh kekat ha' Néh pu'un éh teneng mu'un.

YOHANES 1:18

Bé' pu'un séé'-séé' éh na'at Allah, bang Anak Néh éh jah de' ke' awah Iah Éh pu'un na'at Allah, ngan Iah pu'un pekua' ngan Allah, mokoo' Éh pemung ngan Tamen Néh, naneu' Néh uleu' jam Allah.

YOHANES 1:2

Jin bu'un-bu'un Ateng ha' inah pu'un éh pemung ngan Allah.

YOHANES 16:28

Pu'un Akeu' tuai jin Tamen Ké' avéé' tong tana' iteu' ngan hun iteu' Akeu' juk piso jin tana' iteu' kepéh moléé' ngan Tamen Ké', ha' Néh.

YOHANES 17:5

O Tuhan, hun iteu' jian Ke' mena' pengaren Ké' kepéh pemung ngan Ko' sinah, éh pekua' pengaren Ké' hun Ké' pu'un ngan Ko' hun tana' iteu' bé' jak pu'un rai.

YOHANES 20:28

Ka' ha' Tomas mipa Éh, O Tuhan, pu'un akeu' ngelan, Ka'au éh Allah ké', ha' néh.

YOHANES 8:58

Ka' ha' Yésus kepéh, Akeu' bara' mu'un ngan keh, Hun Abraham bé' jak pu'un péh, Akeu' pu'un tenéh, ha' Néh.

SURAT PAULUS NGAN SIDANG RUM 9:5

Kenat péh irah Yahudi jin pohoo' tepun réh, inah éh Abraham, Ishak ngan Yakub. Inah kepéh hun Kristus pu'un tuai tong tana' ke' Néh paléu kelunan, Iah tuai jin pohoo' irah inah ke' éh. Jian Allah éh bau béé-béé nejing kelunan avéé' pelinguh. Amin.

ÉPESUS 3:9

La'ah Iah kejeraa' akeu' mihin kekat kelunan jam tong jalan éh petenup Néh tenéh ke' Néh omok kivu pengeloo' kenin Néh. La'ah Allah éh lepah suai kekat ineu'-ineu', nelim Néh pengeloo' kenin Néh jin kelunan sahau,

PILIPI 2:6

Na' péh Iah pekua' Allah, bé' Iah juk ngajung usah Néh tengéé' pelapah jin Allah.

KOLOSÉ 1:15

Kristus Iah pekua' ngan Allah éh bé' omok ta'an kelunan palaa' maten usah néh. Kristus nah Anak Allah éh jah awah éh kemurung Néh, kepéh Iah pelapah jian jin kekat éh pu'un senuai Néh.

KOLOSÉ 1:17

La'ah Kristus Anak Néh inah pu'un éh tenéh hun kekat ineu'-ineu' bé' jak pu'un, ngan neu' penyukat Néh kekat ineu'-ineu' pu'un petem reken.

1 TIMOTIUS 3:16

Adang sebayang lu' pu'un barei' pelim ngan irah éh bé' jam éh, bang jian mu'un éh, ka' éh, Pu'un Tuhan tuai paléu kelunan, Sahéé' Ni'ai pekelenaa' Iah pu'un teneng, pu'un éh ta'an irah meliket. La'ah Iah éh benara' réh tong siget-siget pohoo', Iah éh kepelum kelunan pah tipo tana', Iah éh netéé' Tamen Néh pemung ngan kemaren Néh, moléé' tai seruga.

TITUS 2:13

Kelebéé' lu' mena tong Dau éh kenelan lu', hun pengaren Allah éh Matek ja'au ngan Yésus Kristus éh Pepurip lu' pu'un poléng kepéh.

IBRANI 13:8

Yésus Kristus pu'un pekua' hun sahau, hun iteu' ngan avéé' kelebéé'-lebéé' néh.

IBRANI 7:3

La'ah bé' pu'un kelunan jam séé' éh tamen tinen Melkisedek, kenat péh tepun néh, bé' pu'un séé' péh éh nyurat tong lohoo' Melkisedek ngan tong pematai néh. Melkisedek nah barei' Anak Allah, inah éh imam avéé' pelinguh.

2 PÉTERUS 1:1

Surat iteu' jin Simon Peterus, kelunan sohoo' éh lawah Yésus Kristus. Surat iteu' nena' ké' ngan kelunan éh ngelan tong Kristus pekua' améé' éh ngelan tong Néh. Yésus Kristus, inah éh Allah éh pepurip lu', maneu' lu' kelu' omok ngelan tong Néh uban Iah éh maneu' kekat éh teneng.

1 YOHANES 5:20

La'ah uleu' jam Anak Allah pu'un tuai, Iah mena' pengejam Néh ngan lu', dokoo' lu' jam Allah éh teneng. Urip lu' pu'un éh dalem Allah éh teneng ngan dalem Anak Néh Yésus Kristus. Inah éh Allah éh teneng ngan urip éh mu'un ngan pelinguh.

1 YOHANES 5:7

Teleu' telana' inah pekelenaa' adang Yésus Anak Allah.

ÉH POLÉNG 1:11

Ka' ha' Néh ngan ké' jian ke' nyurat kekat éh ta'an ko' da' ngan pekateu' surat iteu' ngan sidang tong tujuu' leboo' ja'au iteu: Épesus, Smirna, Pergamus, Tiatira, Sardis, Piladelpia, ngan Laodikia. Ha' Néh.

ÉH POLÉNG 1:17

Hun ké' na'at Éh, akeu' mohong déhéé' gem Néh, barei' kelunan éh lepah matai. Bang ojoo' Néh saa' na'au' napai Néh tong akeu' ka' ha' Néh ngan ké' Mai ke' medai Akeu' éh bu'un ngan Akeu' éh ga' péh.

ÉH POLÉNG 1:2

Yohanes kepéh pu'un bara' tong kekat éh ta'an néh inah. La'ah kekat ha' lem surat iteu' bara' tong kekat éh benara' Allah, ngan tong kekat éh pepoléng Yésus Kristus ngan néh.

ÉH POLÉNG 1:8

Akeu' éh bu'un ngan ga' péh, kenat ha' Allah éh pelapah ja'au penyukat, éh pu'un hun iteu', ngan éh lepah pu'un tenéh, ngan éh juk tuai kepéh.

ÉH POLÉNG 19:13

Livah pakai Néh ripoo' neu' dahaa'. Ngaran Néh Ateng ha' Allah.

ÉH POLÉNG 2:8

Jian ke' nyurat ha' ké' iteu' ngan meliket sidang tong Smirna. Iteu' ha' éh benara' jin Iah éh bu'un ngan éh ga' péh, éh lepah matai ngan éh murip kepéh.

ÉH POLÉNG 21:6

Ka' ha' Néh kepéh, hun iteu' kekat néh béé lepah ma'o! Akeu' éh bu'un ngan ga' péh, Akeu' éh Tuhan jin bu'un avéé' pengega'. Kelunan éh mapeu' batok Akeu' juk mena' baa' nesep éh nena' ké' awah ngan réh jin usit baa' éh mena' urip.

ÉH POLÉNG 22:13

Akeu' éh bu'un ngan éh pengega', éh saa' tenah ngan éh Saa' murin; Akeu' éh Tuhan jin bu'un avéé' pengega'.

ÉH POLÉNG 3:14

Jian ke' nyurat ha' Ké' iteu' ngan meliket sidang tong Laodikia. Iteu' ha' éh benara' jin Iah éh nateng réh Amin, Iah éh tigéh ngan teneng lem kekat éh benara' Néh; jin Iah Allah suai kekat ineu'-ineu' éh senuai Néh.