YAKUB 5:8 - Rengah Jian

⁸ Kenat péh ka'ah, jian ka'ah kebit kenin. Jian keh ngelan mu'un, uban dau Tuhan juk tuai kepéh lepah danii'.

YAKUB 5:8 Iomraidhean Croise

LUKAS 21:19

Jian keh ngereken kenin keh, boh keh omok alaa' urip pelinguh, ha' Néh.

YOHANES 21:22

Ha' Yésus ngan néh, Mai keh tusah kenin seruh tong iah, hun Ké' keloo' éh murip pah avéé' hun Ké' tuai kepéh, bé' ineu' tong ka'au', jian ke' kivu Akeu', ha' Néh.

SURAT PAULUS NGAN SIDANG RUM 8:25

Na' péh bé' pu'un ineu'-ineu' éh ta'an lu' hun iteu', ngan kebit kenin lu' mena pah avéé' dau lu' omok tai pemung ngan Tuhan.

GALATIA 5:22

Bang Sahéé' Ni'ai mihin kelunan maneu' kekat éh jian, inah éh mihin réh jam pika, murung kenin, pawah kenin, ngan dawai kenin, pu'un éh mihin réh jam nolong kelunan éh jah, ngan barék éh jian, ngan tigéh,

PILIPI 4:5

Jian ka'ah dawai kenin ngan kekat kelunan béé. Tuhan pu'un danii' juk tuai kepéh.

1 TESALONIKA 1:10

Irah péh bara' ka'ah mena penyavéé' Anak Allah jin seruga, inah éh Yésus éh lepah pebetéé' Allah jin patai Néh. Yésus nah éh ngelepu uleu' jin kemerek Allah éh juk avéé'.

1 TESALONIKA 2:19

Améé' jam ka'ah pu'un tigéh, jian kenin mé' seruh ka'ah, ka'ah éh jalan kenajung mé' tong kemenang mé' hun uleu' pu'un tong jumen Tuhan Yésus sioo' penyavéé' Néh kepéh vam. Ka'ah néh éh, bé' éh kelunan éh jah.

1 TESALONIKA 3:13

Kenat péh jalan Tuhan omok ngereken kenin keh, ngan maneu' keh ni'ai, bé' pu'un sa'at ineu'-ineu' tong jumen Allah éh Tamen uleu' sioo' savéé' Tuhan Yésus pemung ngan kekat kelunan éh anah Nah.

2 TESALONIKA 3:5

La'ah jian Tuhan mukap kenin keh dokoo' keh omok jam mu'un tong penika Allah ngan keh ngan tong pengebit kenin Kristus.

YAKUB 5:3

Kekat mas ngan pirek keh juk tedéng; Tedéng néh inah seleket kelunan bara' tong penyala' keh ngan penyala' keh inah juk motong usah keh barei' Luten. Pu'un keh tipun kekat pengekaya' tong tana' iteu' éh bé' lebéé' La'ah juk béé.

YAKUB 5:9

O kekat padéé' ké' mai ka'ah pané selem ngesa'at jah usah ngan jah usah, dai Allah petuneng keh. Iah éh petuneng nah danii' juk tuai mu'un.

1 PÉTERUS 4:7

La'ah sioo' pengega' tana' lepah danii', jian keh mihau kenin keh ngan seruh jian-jian, dokoo' keh omok sebayang.

ÉH POLÉNG 22:20

La'ah Iah éh bara' tong kekat iteu' bara' mu'un, Akeu' juk tuai laho ha' Néh, Amin! Tuai ke', Tuhan Yésus.