YAKUB 5:20 - Rengah Jian

²⁰ Jian keh nesen ayat iteu'; séé'-séé' éh mihin kelunan penyala' nelikut kekat kesa'at néh, kelunan inah purip sahéé' kelunan éh penyala' inah jin pematai ngan penyala' néh lepah pega'.

YAKUB 5:20 Iomraidhean Croise

YOHANES 5:24

Akeu' bara' mu'un ngan keh, séé'-séé' éh mihau ha' Ké' ngan éh ngelan tong Iah éh nyohoo' Akeu' tuai, iah pu'un urip éh pelinguh, ngan bé' éh teneng ukum uban néh lepah musit jin jalan éh mihin éh matai tai tong jalan éh mihin éh murip.

SURAT PAULUS NGAN SIDANG RUM 11:14

Lem ké' kereja' kenat, bé' akeu' ngelepan tong pohoo' ké' tengéé' barang kenat péh jalan ké' menat kenin réh dokoo' réh omok alaa' urip kepéh.

1 KORINTUS 1:21

Dalem kekat pengejam Allah éh teneng mu'un, bé' Iah kejeraa' kelunan omok jam iah neu' Allah murip kelunan éh ngelan tong ha' tebaraa' éh benara mé' éh seneruh kelunan éh jah, tebaraa' éh palui awah.

1 KORINTUS 9:22

Hun ké' pu'un ngan kelunan éh kurang pengelan, akeu' péh pu'un pekua' barei' kelunan inah, dokoo' ké' omok mihin réh ngelan tong Tuhan. La'ah tong kekat kelunan béé, akeu' péh pekua' barei' irah péh, dokoo' neu' kekat jalan ineu'-ineu' omok akeu' mihin réh ngelan tong Kristus.

1 TIMOTIUS 4:16

Mavaa' kenin ko' ngan mavaa' ha' tebaraa' ko' kepéh. Jian ke' petem maneu' éh, uban kenat péh jalan ko' omok purip kenin ko' ngan purip irah éh menéng ha' ko' kepéh.

PILEMON 1:19

Inah éh senurat ké' tengéé', Akeu' Paulus omok bayan éh. Bang bé' akeu' bara' ka'au' péh pu'un putang usah ko' ngan ké'.

YAKUB 1:15

Boh kekat kemagat néh inah tai pepit-pepit avéé' néh mihin éh maneu' penyala', penyala' inah kepéh pepit-pepit avéé' pengega' néh mihin éh matai.

YAKUB 1:21

Uban néh kenat jian keh bet kekat kemalai ngan barék éh sa'at. Ngerera' kenin tong Allah ngan alaa' ha' tebaraa' éh nulah Néh dalem kenin keh, uban ha' tebaraa' inah omok purip keh.

YAKUB 5:15

Hun réh sebayang kenat ngan ngelan Tuhan, omok kelunan sakit inah ma'o jin kesakit néh, Tuhan omok peka'o éh, ngan kekat penyala' néh omok Tuhan mega' éh.

YAKUB 5:19

O kekat padéé' ké', hun néh pu'un jah kelunan belah kéh éh petat jin jalan éh teneng, boh pu'un jah usah tai mihin éh moléé' tong Allah,

1 PÉTERUS 4:8

Éh pelapah gunah éh tekep ka'ah maneu', inah éh pika ngan pepika ngan kekat kenin keh uban neu' keh jam pepika kenat pinaa' penyala' omok pega'.

ÉH POLÉNG 20:6

Murung kenin, bahuu' mu'un irah éh betéé' tong pengebetéé' éh bu'un nah. Bé' patai éh keruwah koléé' pu'un penyukat bau réh, irah pu'un seva' Allah ngan Kristus, irah péh pengeja'au pemung ngan Néh avéé' jah ibu ta'un kelebéé'.