YAKUB 5:17 - Rengah Jian

¹⁷ Élia rai, iah péh jah kelunan pekua' barei' uleu' iteu', iah sebayang mu'un dokoo' taa' bé' pu'un, la'ah bé' pu'un taa' teleu' ta'un nem laséh kelebéé' néh.

YAKUB 5:17 Iomraidhean Croise

LUKAS 4:25

Ha' Yésus kepéh Jian keh menéng ha' ké' mu'un, Hun nabi Elia pu'un tong tana' Israel sahau, sioo' taa' bé' pu'un teleu' ta'un nem laséh kelebéé', kekat kelunan la'au' mu'un.

PENGANEU' LAWAH 10:26

Boh Péterus metéé' éh, ka' ha' néh ngan néh, nekedéng ke', akeu' péh kelunan pekua' ka'au' ke' akeu', kelunan éh sa'at awah, ha' néh.

PENGANEU' LAWAH 14:15

Uban ineu' keh maneu' iteu'? Amo iteu' péh pekua' ka'ah ke' mo. Amo tuai dokoo' mo bara' Rengah Jian ngan keh, dokoo' keh omok piso jin kekat éh bé' omok purip keh iteu', dokoo' keh omok tavin Allah éh murip, éh pu'un suai langit ngan tana' ngan baa' banget ngan kekat éh lem néh.

SURAT PAULUS NGAN SIDANG RUM 11:2

Bé' Allah bet irah éh kevéléé' Néh jin bu'un. Ka'ah jam tong jah ha' lem surat Allah éh bara' tong Elia hun néh sebayang bara' tong kesa'at pohoo' Israel, ka' ha' néh.

ÉH POLÉNG 11:6

Rawah pu'un penyukat omok maneu' langit bé' pu'un taa' kelebéé' roh bara' ha' tebaraa' Allah. La'ah rawah pu'un penyukat tong siget usit baa' dokoo' néh paléu dahaa', rawah pu'un penyukat kepéh maneu' kuraa'-kuraa' arong penusah tong tana' ngan maneu' éh kuraa'-kuraa' koléé' kivu pengeloo' kenin roh.