YAKUB 5:15 - Rengah Jian

¹⁵ Hun réh sebayang kenat ngan ngelan Tuhan, omok kelunan sakit inah ma'o jin kesakit néh, Tuhan omok peka'o éh, ngan kekat penyala' néh omok Tuhan mega' éh.

YAKUB 5:15 Iomraidhean Croise

MATIUS 17:20

Ha' Yésus ngan réh, Uban keh kurang pengelan tong Allah. Akeu' bara' mu'un ngan keh, hun keh ngelan, na' péh pengelan keh si'ik awah barei' tulin buaa' kayeu' sesawi nah, omok keh bara' ngan tokong iteu', Piso ke' jin siteu', adang néh pu'un piso. Hun keh ngelan omok keh maneu' ineu'-ineu'.

YOHANES 5:14

La'o inah Yésus petemeu' ngan lakei' inah kepéh tong umaa' Allah, ka' ha' Yésus ngan néh, Hun iteu' ka'au' lepah ma'o jin kesakit ko', seruh ke' jian-jian, mai ke' maneu' penyala' la'ah dai pu'un penusah éh pelapah ja'au teneng tong ka'au' kepéh, ha' Néh.

YOHANES 6:39

Inah éh pengeloo' Iah éh nyohoo' Akeu' tuai rai, dokoo' kekat irah éh nena' Néh ngan Ké', mai pu'un jah usah péh tawang awah, bang tekep Akeu' pebetéé' réh ngan purip kekat réh béé sioo' ga' dau vam.

1 KORINTUS 1:21

Dalem kekat pengejam Allah éh teneng mu'un, bé' Iah kejeraa' kelunan omok jam iah neu' Allah murip kelunan éh ngelan tong ha' tebaraa' éh benara mé' éh seneruh kelunan éh jah, tebaraa' éh palui awah.

2 KORINTUS 4:14

Uban améé' jam Allah éh pebetéé' Tuhan Yésus ngan purip Éh, adang Néh juk pebetéé' améé' kepéh pemung ngan Yésus, ngan mihin améé' pemung ngan ka'ah tong jumen Néh.

YAKUB 1:6

Bang hun mah keh sebayang, jian keh ngelan, Mai keh duah kenin uban kelunan éh duah kenin barei' luyak baa' banget éh keteu' ketai neu' kepu.

YAKUB 5:13

Séé' jin belah ka'ah éh pu'un tusah? Jian iah sebayang. Séé' éh jian kenin? Jian iah nyanyi mejing Allah.

YAKUB 5:16

Uban néh kenat tekep ka'ah ngakun penyala' jah usah ngan jah usah, ngan sebayang jah usah ngan jah usah, dokoo' Tuhan omok peka'o keh. Hun kelunan éh teneng kenin tong jumen Tuhan sebayang, ja'au mu'un penyukat ha' sebayang néh.

YAKUB 5:20

Jian keh nesen ayat iteu'; séé'-séé' éh mihin kelunan penyala' nelikut kekat kesa'at néh, kelunan inah purip sahéé' kelunan éh penyala' inah jin pematai ngan penyala' néh lepah pega'.