YAKUB 4:8 - Rengah Jian

⁸ Jian keh tuai tepih déhéé' Allah, boh Iah tepih déhéé' ko' kepéh. Ngeni'ai kekat urip keh kekat kelunan éh penyala'. Mohéé' kenin keh, kekat kelunan éh ngelayoo' kivu Tuhan.

YAKUB 4:8 Iomraidhean Croise

MATIUS 12:33

La'ah ha' Yésus kepéh, Hun keh juk alaa' buaa' éh jian ngan méé, adang keh pitah inan éh jian, hun inan néh bé' jian, bé' éh omok ngebuaa' ngan buaa' éh méé. Uban siget-siget inan kayeu' uleu' jam éh hun néh jian ngan bé' péh naneu' buaa' néh.

MATIUS 15:2

Kineu' bakéh ko' bé' kivu kekat adet ngan ha' tebaraa' jin tepun mé'. Bé' réh kivu adet mé' tong mé' pohéé' ojoo' mé' teka mé' kuman, ha' réh.

MATIUS 27:24

Hun Pilatus jam kenin réh kenat, medai éh pané kepéh dai réh betéé' kenin ngan pekayau. Laa' néh baa' ke' néh pohéé' ojoo' néh tong jumen réh béé, ka' ha' néh, Bé' éh akeu' tagong ukum néh iteu', ka'ah éh tagong éh, ha' néh.

PENGANEU' LAWAH 15:9

Bé' éh tengéé' ke' penganeu' Néh ngan uleu', tengéé' ke' éh neu' Néh ngan irah, bang Iah mega' penyala' lu' béé neu' pengelan lu' tong Iah awah.

2 KORINTUS 7:1

Kekat bakéh ké', kekat ha' jajii' Néh inah, pu'un éh ngan uleu', uban néh pu'un ngan uleu' kenat, jian uleu' peti'ai kenin lu' jin kekat ineu'-ineu' éh omok maneu' usah ngan kenin lu' sa'at, jian uleu' ni'ai mu'un ngan murip ngan medai maneu' ineu'-ineu' éh sa'at éh omok ngesa'at ngaran Allah.

1 TIMOTIUS 2:8

Akeu' keloo' irah lakei' sebayang semah-semah péh ngan kenin éh Ni'ai, bé' pu'un kemerek kenat péh pepaneu'.

IBRANI 10:22

Uban néh kenat jian uleu' tuai tepih tong Allah ngan jah awah kenin ngan pengelan éh reken ngan kenin éh ni'ai éh bé' pu'un ineu' pesala' kenin lu' kepéh, ngan usah éh lepah nohéé' palaa' baa' éh ni'ai.

IBRANI 7:19

Uban kekat sohoo' lem Surat Musa bé' éh pu'un penyukat pesukup ineu'-ineu' ke' néh teneng. Bang hun iteu' uleu' pu'un pengelan éh pelapah jian jin pengelan irah Israel rai, uban Kristus pu'un penyukat mihin lu' tepih mu'un tavin Allah.

YAKUB 1:8

Uban kelunan éh duah kenin bé' éh jam seruh tong kekat jalan néh.

YAKUB 3:17

Bang kelunan éh pu'un pengejam éh tuai jin seruga pu'un éh mihin kelunan murip ni'ai, pawah, dawai kenin, ngan jian pengané. Irah pu'un pika kelunan ngan kivu kekat arong penganeu' éh jian bé' réh netah ngan ngelayoo' awah maneu' jian.

1 PÉTERUS 1:22

Uban ka'ah kivu ha' tebaraa' éh teneng jin Allah, ka'ah pu'un ni'ai ngan ka'ah murung padéé' keh dalem Tuhan ngan semu'un kenin. Uban kenat jian keh kua' pepika ngan kekat kenin keh.

1 PÉTERUS 3:21

Labuu inah tapan tong baa' éh jalan kelunan ngebatis keh éh purip keh hun iteu'. Pengebatis inah bé' éh mohéé' nong jin usah keh bang neu' kekat éh kenakun keh ngan Allah jin kenin keh mu'un éh jian. Pengebatis iteu' purip keh uban Yésus Kristus lepah betéé' jin pematai ngan lepah moléé' tai seruga. Hun iteu' Iah saa' na'au' Allah ngan pengeja'au kekat meliket, ngan kekat éh pu'un penyukat ngan éh ja'au tong seruga,

1 YOHANES 3:3

Siget-siget usah éh ngelan tong Kristus tekep iah mavaa' kenin néh ke' néh ni'ai, pekua' Kristus pu'un ni'ai.