YAKUB 4:6 - Rengah Jian

⁶ Bang penika Allah pelapah ja'au jin kemerek Néh. Uban pu'un jah ha' lem surat Allah kepéh éh bara', Allah ngelawan kekat kelunan éh bau kenin, bang pu'un Iah pika irah éh diva' kenin, ha' Néh.

YAKUB 4:6 Iomraidhean Croise

MATIUS 13:12

Uban kelunan éh pu'un penesen si'ik awah, Tuhan pepit pengejam néh ke' néh pu'un mutaa' kepéh. Bang kelunan éh bé' keloo' jam, Tuhan mega' pengejam néh éh si'ik inah.

MATIUS 23:12

Séé'-séé' éh ngajung usah néh tengéé', Tuhan ngera' éh kepéh, séé'-séé' éh ngediva' kenin néh, Tuhan ngajung iah kepéh, ha' Yésus ngan réh.

LUKAS 1:52

Iah petuhun raja' jin pakat néh ngan metéé' irah éh ra' kepéh.

LUKAS 14:11

Uban siget kelunan éh ngajung usah néh tengéé', iah tai ra' kepéh. Kelunan éh ngera' usah néh iah éh pu'un kenajung réh kepéh, ha' Yésus ngan réh.

LUKAS 18:14

Ha' Yésus kepéh, Akeu' bara' ngan ka'ah, hun rawah moléé' la'ah, kelunan éh alaa' sukai nah éh pu'un jian tong ta'an Tuhan, uban Tuhan pika éh ngan bet penyala' néh. Bang séé'-séé' éh ngajung usah néh tengéé', iah tai ra' kepéh, ngan séé'-séé' éh ngediva' kenin néh, iah éh kenajung kepéh, ha' Yésus.

YAKUB 4:10

Ngerera' kenin keh tong jumen Allah boh Iah metéé' keh kepéh.

1 PÉTERUS 5:5

Kenat péh kepéh kekat ka'ah lemanai, jian ka'ah kivu sohoo' irah éh ja'au. Jian ka'ah béé-béé diva' kenin, nolong petolong uban pu'un jah ha' dalem surat Allah éh bara' ka', Allah ngelawan irah éh bau kenin bang Iah pika irah éh diva' kenin, ha' Néh. '