YAKUB 4:3 - Rengah Jian

³ La'ah barang pu'un keh menyat éh jin Tuhan, bé' keto keh omok alaa' éh, uban kenin keh bé' teneng pu'un keh menyat éh dokoo' keh ngejian kenin keh awah.

YAKUB 4:3 Iomraidhean Croise

MATIUS 20:22

Ha' Yésus ngan néh kepéh, ka'au' ulak pané awah bé' ke' jam seruh, bé' ke' jam tong éh pengenyat ko' kenat. Kineu' koh, omok koh ngeretep pemung ngan ké' dalem pengeketa Ké', ha' néh. Ha' rawah mipa éh, Omok mo dat, ha' roh.

MARKUS 10:38

Ha' Yésus ngan roh' Kawah bé' koh jam ineu' éh nenyat koh nah, Kineu'? omok koh ngeretep pemung ngan Ké' dalem pengeketa Ké' da'? Kineu'? Omok koh ngeretep dalem kekat penusah éh juk teneng tong Akeu'? ha' Néh.

LUKAS 11:10

Uban siget-siget kelunan éh menyat jin Allah, pu'un éh alaa' éh kepéh, ngan siget-siget kelunan éh pitah, pu'un éh alaa' éh penitah néh nah, ngan siget-siget kelunan éh ngatong usit tapé, Allah mukap usit tapé ngan néh.

LUKAS 15:13

Bé' lebéé' la'o inah anak tadin nah melih kekat livah éh nena' tamen néh ngan néh nah ke' néh alaa' rigit tong néh, ke' néh tioo lakau tai tana' juu'. Avéé' sitai iah bet rigit néh tong barék éh sa'at,

LUKAS 15:30

Bang anak ko' inah, iah bet kekat livah ko' tong barék néh sa'at ngan petuyang péh. Hun néh moléé' pu'un ke' mematai anak sapé' éh lemek dokoo' ko' maneu' ka'an ngan néh, ha' anak tuken inah ngan tamen néh.

YAKUB 4:1

Jin semah tuman kekat éh mihin kelunan punan ngan paneu' belah keh? Kekat inah tuai jin kemagat juk pitah penyenang urip éh ngelayau pekelawan dalem usah keh.

1 YOHANES 3:22

ngan ineu'-ineu' éh pengenyat lu', adang lu' omok alaa' éh uban uleu' kivu kekat sohoo' Néh ngan maneu' kekat éh pengeloo' Néh kepéh.

1 YOHANES 5:14

Uleu' makang kenin tavin Allah uban uleu' jam Iah mipa ha' sebayang lu', hun lu' menyat ineu'-ineu' éh lem pengeloo' Néh.