YAKUB 4:15 - Rengah Jian

¹⁵ Bang jian keh bara', Hun néh lem pengeloo' Tuhan boh tam omok murip ngan maneu' iteu' ngan inah.

YAKUB 4:15 Iomraidhean Croise

PENGANEU' LAWAH 18:21

Hun néh bara' tabi' pu'un éh bara' ka' ngan réh, Hun néh lem pengeloo' Allah adang akeu' juk tuai kepéh, ha' néh. Lakau éh kepéh jalan kapen jin Épesus.

SURAT PAULUS NGAN SIDANG RUM 1:10

Akeu' sebayang menyat Allah hun néh lem pengeloo' Néh ku' angai hun iteu', jian Éh mukap jalan ngan ké' dokoo' ké' omok tuai nepah ka'ah hun iteu'.

SURAT PAULUS NGAN SIDANG RUM 15:32

Ngan inah kepéh hun néh pengeloo' Allah, dokoo' ké' omok angai ngan murung kenin, ngan alaa' jian kenin pemung ngan ka'ah kepéh.

1 KORINTUS 16:7

Bé' akeu' keloo' tai jam keh metok awah tovoo' ké' lapah sinah tai Makedonia. Akeu' ngelan akeu' omok mokoo' lebéé' ngan ka'ah temurei' kepéh, hun néh lem pengeloo' Tuhan kenat.

1 KORINTUS 4:19

Bang hun néh lem pengeloo' Allah, adang akeu' juk tuai ngan keh ngan laho, boh akeu' omok jam kenin irah éh bau-bau kenin kenat ngan jam tong penganeu' réh kepéh, bé' makat tong kekat ha' éh nané réh awah.

IBRANI 6:3

Uleu' tekep kelunan Kristén éh sukup kenin dalem Tuhan. Hun néh pengeloo' Allah, iteu' éh juk neu' mé'.

YAKUB 4:16

Bang hun iteu' ka'ah bau kenin ngan ngebulah Pengané. Ngebulah Pengané kenat inah sala'.