YAKUB 4:12 - Rengah Jian

¹² Allah éh mena' kekat sohoo' inah, ngan Iah awah omok petuneng kelunan. Bang Iah awah éh omok purip ngan kebéé kelunan péh. Séé' ka'ah ke' keh keloo' petuneng kelunan?

YAKUB 4:12 Iomraidhean Croise

MATIUS 10:28

Mai keh medai tong kelunan éh mematai usah keh éh bé' pu'un penyukat mematai sahéé' keh. Bang jian keh medai tong Allah éh pu'un penyukat kebéé usah keh ngan sahéé' keh dalem luten meraka.

LUKAS 12:5

Bang éh tekep keh medai, jian keh medai Allah uban Iah pu'un penyukat alaa' laset keh, ngan Iah pu'un penyukat kepéh bet keh dalem luten meraka, Akeu' bara' éh mu'un ngan keh, tekep keh medai Éh.

SURAT PAULUS NGAN SIDANG RUM 14:13

Uban néh kenat mai lu' pesala' jah usah ngan jah usah kepéh, bang inah éh jian, mai maneu' ineu'-ineu' éh omok mihin padéé' keh dalem Tuhan petat ngan maneu' penyala'.

SURAT PAULUS NGAN SIDANG RUM 14:4

Séé' ka'au' iteu' ke' ko' omok pesala' kelunan sohoo' irah éh jah? Pengeja'au nah ke' omok bara' ngan néh hun iah maneu' jian ngan hun néh maneu' sa'at péh. Adang iah omok maneu' jian uban Tuhan pu'un penyukat mihin iah keloo' maneu' jian.

SURAT PAULUS NGAN SIDANG RUM 2:1

O kei, kineu' ke', pu'un keh pesala' kelunan éh jah? Séé'-séé' éh pu'un maneu' kenat, bé' éh omok bara' kenin néh pu'un teneng. Uban hun ko' pesala' kelunan éh jah uban barék réh sa'at, boh usah ko' maneu' barék inah kepéh, usah ko' péh éh sala' barei' inah ke' éh kepéh.

SURAT PAULUS NGAN SIDANG RUM 9:20

O padéé' ké' séé' ka'ah ke' keh makang neteng ngan Allah? kineu' omok kuren tana' éh senuai réh barei' lajang nah neteng ngan irah éh suai éh, kineu' ko' suai akeu' ka'?

IBRANI 7:25

Kenat péh kekat kelunan éh tuai tavin Tuhan dalem Iah, Kristus pu'un penyukat purip réh, kenat éh hun iteu', kenat péh avéé' pelinguh, uban Iah murip pelinguh ngelayau Éh menyat Allah pika réh.

YAKUB 5:9

O kekat padéé' ké' mai ka'ah pané selem ngesa'at jah usah ngan jah usah, dai Allah petuneng keh. Iah éh petuneng nah danii' juk tuai mu'un.