YAKUB 4:11 - Rengah Jian

¹¹ O kekat padéé' ké', mai keh pané pesala' jah usah ngan jah usah. Séé'-séé' éh pané pesala' padéé' néh ngan nyelem petuneng barék padéé' néh ngan irah éh jah, inah seleket réh bara' ha' lem Surat Musa sala'. Hun keh pesala' Surat Musa, bé' keh kelunan éh ngerera' kenin ngan kivu éh, bang kelunan éh pesala' éh awah keh.

YAKUB 4:11 Iomraidhean Croise

LUKAS 6:37

Ha' Yésus kepéh, Mai keh ulak pesala' kelunan boh Allah bé' pesala' keh kepéh. Mai keh ulak ngukum kelunan, boh Allah bé' ngukum keh kepéh. Hun kelunan pu'un menyat pika jin keh, jian keh pika réh ngan mai keh mihau kesa'at réh lem kenin keh, boh Allah omok mega' kesa'at keh kepéh.

SURAT PAULUS NGAN SIDANG RUM 2:1

O kei, kineu' ke', pu'un keh pesala' kelunan éh jah? Séé'-séé' éh pu'un maneu' kenat, bé' éh omok bara' kenin néh pu'un teneng. Uban hun ko' pesala' kelunan éh jah uban barék réh sa'at, boh usah ko' maneu' barék inah kepéh, usah ko' péh éh sala' barei' inah ke' éh kepéh.

SURAT PAULUS NGAN SIDANG RUM 2:13

Bé' kelunan omok jian kepéh ngan Allah hun réh menéng éh awah tong kekat ha' lem Surat Musa. Bang hun réh pu'un kivu kekat sohoo' lem surat inah, boh irah pu'un jian kepéh tong jumen Néh.

SURAT PAULUS NGAN SIDANG RUM 7:7

Hun néh kenat, kineu' ha' lu' tong Surat Musa, tekep lu' bara' éh sala', adang éh bé' sala'. Uban neu' kekat ha' Tuhan lem Surat Musa, inah jalan ké' nesen tong kesa'at penyala', uban hun néh usah ké' tengéé', bé' akeu' jam akeu' pu'un magat tong kesa'at, bang uban ha' lem Surat Musa bara', Mai keh magat tong kesa'at, inah jalan ké' nesen akeu' pu'un éh kenat.

1 KORINTUS 4:5

Uban néh kenat mai ka'ah petuneng ngan maneu' kelunan pah avéé' jaka' éh kevéléé' Tuhan hun sioo' Néh tuai kepéh. Adang Iah omok pepoléng kekat penyeruh réh éh merem ngan éh pelim rai, ngan Iah pepoléng kekat pengeloo' kenin kelunan éh pelim rai. Tovoo' inah Tuhan pu'un mejing kelunan kivu pekua' penganeu' réh.

2 KORINTUS 12:20

Tusah kenin ké' dai hun ké' angai da' barang bé' péh keh barei' éh keneloo' ké', kenat péh barang akeu' bé' pu'un barei' éh keneloo' ka'ah nah. Medai ku' dai hun ké' angai, pu'un irah pepaneu' pekeleko pekerek, seruh usah réh tengéé', ngesa'at ngaran kelunan ngan nebok, bau kenin ngan keloo' ngasau.

ÉPESUS 4:31

Jian keh bet kekat ha' éh sa'at éh omok punyat kenin kelunan ke' néh merek. Mai keh paneu' ngan mai keh pané ngan luvaa'. Mai keh leko kelunan ngan ngesa'at ngaran réh.

1 TIMOTIUS 3:11

La'ah kenat péh tekep redo néh kelunan éh jian barék, mai éh kelunan éh tosok tong kekat rengah sa'at, jian éh kelunan éh jam seruh éh bé' paba pané, ngan éh tigéh dalem kekat penganeu' néh.

2 TIMOTIUS 3:3

Bé' réh pika kelunan, bé' réh jam masi, Irah pedok kelunan, sa'at tipan réh, luvaa' réh ngan leko réh tong éh Jian.

TITUS 2:3

Kenat péh jian ke' nebaraa' irah redo éh ja'au urip, dokoo' barék réh barei' éh tekep tong kelunan éh ni'ai éh ngelan tong Allah. Mai réh pané ngesa'at ngaran kelunan, mai réh keripen baa' nesep éh bisa'. Bang jian réh pané tong kekat éh jian,

YAKUB 1:16

O kekat padéé' ké', mai keh lavo' neu' penyala'.

YAKUB 1:19

O kekat padéé' éh kemurung ké'! Jian siget usah pu'un rigah menéng, bang lieu' éh pané ngan lieu' éh merek.

YAKUB 1:25

Bang kelunan éh seruh mu'un tong kekat ha' tebaraa' Tuhan éh jian mu'un, tebaraa' inah néh éh ngelepu réh jin kesa'at réh, kelunan éh seruh tong néh mu'un ngan éh mihau éh, bé' éh barei' kelunan éh menéng éh metok awah tioo kelepan néh éh kepéh, bang kelunan éh pu'un kivu éh mu'un, Tuhan éh nolong éh dalem kekat penganeu' néh kepéh.

YAKUB 2:8

Ka'ah maneu' ineu' éh teneng hun keh mihau tebaraa' tong Pengihau Allah éh senurat dalem surat Allah, Jian ke' murung padéé' ko' pekua' ko' murung usah ko' tengéé'.

YAKUB 5:10

O kekat padéé' ké' nesen keh tong irah nabi sahau éh pané palaa' ngaran Tuhan. Jian keh nyavuu' pengekebit kenin ngan pengenetep réh dalem kekat pengeketa éh teneng tong réh.

YAKUB 5:7

O kekat padéé' ké', jian keh kebit kenin pah avéé' Tuhan tuai kepéh. Jian keh seruh tong kelunan éh nérék ngan kebit kenin néh mena térék néh ngebuaa'. Ngan kebit kenin néh mena taa' tong bu'un néh ngan taa' tong ga' néh.

YAKUB 5:9

O kekat padéé' ké' mai ka'ah pané selem ngesa'at jah usah ngan jah usah, dai Allah petuneng keh. Iah éh petuneng nah danii' juk tuai mu'un.

1 PÉTERUS 2:1

Uban kenat, Jian ka'ah bet kekat arong pengesa'at jin usah keh. Mai keh pané' kenyo la'ah, mai keh ngelayoo' maneu' jian, mai keh sakit kenin ngan kelunan ngan mai keh ngesa'at ngaran réh.