YAKUB 4:1 - Rengah Jian

¹ Jin semah tuman kekat éh mihin kelunan punan ngan paneu' belah keh? Kekat inah tuai jin kemagat juk pitah penyenang urip éh ngelayau pekelawan dalem usah keh.

YAKUB 4:1 Iomraidhean Croise

MATIUS 15:19

Uban jin dalem kenin néh inah jalan kekat penyeruh néh éh mihin éh tai mematai kelunan, ngan petuyang, bavah péh, ngan nekau, ngan kenyo, ngan pané ngesa'at ngaran kelunan péh.

YOHANES 8:44

Ka'ah anak tamen keh Sitan, ngan pu'un keh kivu kekat pengeloo' tamen keh. Jin bu'un-bu'un sahau péh Sitan mematai kelunan, bé' éh keloo' alaa' saa' éh teneng, uban bé' pu'un ineu'-ineu' éh teneng lem néh. Hun néh pané, pu'un éh pané kenyo awah, pohoo' néh kenyo, ngelayau éh kenyo kenat, ngan inah éh tamen kekat kelunan éh kenyo.

SURAT PAULUS NGAN SIDANG RUM 7:23

bang usah ké' bé' keloo' ku' kenat. Ngelayau usah ké' ngelawan éh juk neu' kenin ké' ngan ngeripen ku' tong penyala'.

SURAT PAULUS NGAN SIDANG RUM 7:5

Uban lepah rai hun lu' bé' jak jam urip Tuhan lem kenin lu', uleu' murip kivu kenin lu' tengéé', kekat sohoo' lem Surat Musa nah makin barei' pebetéé' pengagat dalem kenin lu' ke' néh sa'at kepéh inah éh mihin lu' matai.

SURAT PAULUS NGAN SIDANG RUM 8:7

Kenat péh hun kelunan murip kivu kenin néh tengéé', inah éh ayau Allah.

GALATIA 5:17

Uban pengagat dalem usah keh pekelawan ngan pengeloo' Sahéé', ngan pengeloo' Sahéé' pekelawan ngan pengagat dalem usah keh. Rawah inah kua' pekelawan inah éh maneu' keh bé' omok kivu kekat éh pengeloo' keh.

KOLOSÉ 3:5

Uban néh kenat jian keh mematai kekat pengagat éh sa'at éh jin tana' iteu' éh pu'un lem kenin keh, barei' petuyang, kekat barék éh bé' tekep keh maneu', magat tong kelunan éh jah, merek, ngan magat juk alaa' mekum. Kelunan éh magat kenat inah éh pekua' kelunan éh pakai butun, uban kemagat néh, inah éh pengeja'au kenin néh.

2 TIMOTIUS 2:23

Bang mai keh pemung ngan kelunan éh suwok kenin, éh pesakat tong kekat éh bé' pu'un gunah, uban ka'au' jam irah éh maneu' kenat pepit réh paneu' kepéh.

TITUS 3:3

Uban hun bu'un rai uleu' béé kelunan éh suwok kenin, éh bé' kivu sohoo', ngan tawang awah. Uleu' pu'un keripen kekat pengagat sa'at ngan pengekelih, urip lu' penoo' neu' akam ngeleko kelunan ngan nyonoh ngan uleu' murip pata pekeleko.

TITUS 3:9

Bang jian ke' petedau tong kekat ha' réh pesakat, ngan ha' tosok réh tong puku' kelunan awah, ngan tong kekat ha' kelunan paneu', ngan tong réh nyakat tong sohoo' lem Surat Musa. Kekat inah bé' pu'un gunah néh, seleket moo' awah éh.

YAKUB 1:14

Éh mu'un néh pu'un kelunan sopéé' ngan petat maneu' kesa'at inah, neu' réh kelih tong kemagat dalem kenin réh éh sa'at, kesa'at inah ngejeret irah ke'.

YAKUB 4:3

La'ah barang pu'un keh menyat éh jin Tuhan, bé' keto keh omok alaa' éh, uban kenin keh bé' teneng pu'un keh menyat éh dokoo' keh ngejian kenin keh awah.

1 PÉTERUS 1:14

Jian keh kivu sohoo' Allah, mai keh kivu kekat pengagat dalem kenin keh barei' éh neu' keh sahau hun keh bé' jak jam Allah.

1 PÉTERUS 2:11

O kekat bakéh ké', ka'ah barei' kelunan nyakai ngan kelunan tejeu' tong tana' iteu'. Uban kenat akeu' nyohoo' ka'ah dokoo' mai keh kivu kemagat éh sa'at lem kenin kelunan, éh ngelayau pekayau ngan sahéé'.

2 PÉTERUS 2:18

Irah pepoléng réh bau kenin ngan palui, kenat péh irah pakai pengagat éh segit dokoo' ngelohoo' kelunan éh maréng pelepu jin belah kelunan éh murip tawang.

2 PÉTERUS 3:3

Éh bu'un néh jian keh nesen, tai sioo' pengega' urip pu'un kuraa'-kuraa' kelunan juk betéé' ngan maneu' barék sa'at kivu kenin réh tengéé'. Irah pu'un peja' keh,