YAKUB 3:6 - Rengah Jian

⁶ Jela' lu' barei luten. Tong usah lu', jela' lu' barei' jah tana' éh penoo' neu' kesa'at, ngan éh mihin kesa'at inah tai pah tipo usah motong ketem lo'ong urip lu' palaa' luten éh tuai jin luten meraka.

YAKUB 3:6 Iomraidhean Croise

MATIUS 12:24

Hun irah éh kivu adet Parisi menéng ha' réh pané kenat, irah tioo bara' ka', Iah mega' balei' neu' kerenget Beelsebul éh pengeja'au balei', ha' réh.

MATIUS 5:22

Bang iteu' éh ha' Ké' ngan keh hun iteu' kepéh, séé'-séé' éh merek ngan padéé' néh adang iah teneng ukum. La'ah séé'-séé' éh bara' ngan padéé' néh, putau ka'au', pu'un réh mihin éh tai jumen Komiti sebayang Yahudi, ngan séé'-séé' éh bara' padéé' néh tuleu', tekep éh mavaa' uban neu' ha' néh kenat, tekep iah nebet tai lem luten meraka.

MARKUS 7:15

bé' pu'un ineu'-ineu' jin éh kinan kelunan éh omok maneu' kenin néh sa'at, bang éh musit jin kenin kelunan inah éh omok ngesa'at kenin néh, ha' Néh.

LUKAS 16:24

Boh éh mejui, ka' ha' néh, O tamen ké' Abraham, jian ke' pika akeu', ko' nyohoo' Laserus nah tuai ke' néh omok tilan buaa' ojoo' néh lem baa' ngan tilan éh tong jela' ké' kepéh ke' néh ngenin jela' ké', keta mu'un-mu'un ku' lem luten iteu', ha' néh.

PENGANEU' LAWAH 20:30

La'ah jin belah ka'ah ke' pu'un kuraa' kelunan juk betéé' nalau keh jin ha' tebaraa' éh teneng, ke' réh pepetat kelunan éh ngelan tong Tuhan jin pengelan réh ke' réh kivu irah kepéh.

PENGANEU' LAWAH 5:3

La'ah ka' ha' Péterus ngan néh, O Ananias, uban ineu' ke' kejeraa' Sitan masek lem kenin ko', ke' ko' kenyo ngan Sahéé' Ni'ai, ngan modoo' jelua' rigit éh nalaa' ko' jin tana' inah ri'?

PENGANEU' LAWAH 6:13

Boh réh tebai kuraa' kelunan tuai ke' réh nyohoo' réh pané kenyo pesala' Stepanus. Ka' ha' réh, Lakei' iteu' ngelayau éh pané ngan bé' paréé' umaa' Allah, kenat péh tong sohoo' lem Surat Musa.

TITUS 1:11

Mai ke' kejeraa' réh pané, uban pu'un réh petusah kenin kuraa'-kuraa' kelunan neu' réh bara' tong éh bé' tekep. Pu'un réh maneu' kenat uban réh juk alaa' rigit awah.

YAKUB 2:7

Irah inah éh ngesa'at ngaran éh matek maren éh jalan Allah tebai keh.

YAKUB 3:7

Omok kelunan peluyaa' kekat ineu' éh jah, ka'an éh lajam, juhit, torok ngan seluang péh.

2 PÉTERUS 3:3

Éh bu'un néh jian keh nesen, tai sioo' pengega' urip pu'un kuraa'-kuraa' kelunan juk betéé' ngan maneu' barék sa'at kivu kenin réh tengéé'. Irah pu'un peja' keh,

3 YOHANES 1:10

Hun ké' tuai da' boh ku' pepoléng kekat ineu'-ineu' éh lepah naneu' néh, inah éh kekat pengesa'at ngan ha' kenyo éh benara' néh tong améé'. Bang kekat inah bé' jak éh sukup tong néh. Bé' iah keloo' alaa' irah padéé' lu' dalem Tuhan hun mah réh pu'un tuai. Pah avéé' néh bé' buhaa' kelunan alaa' réh ngan iah pitah jalan dokoo' musat réh musit jin sidang.

ÉH POLÉNG 12:9

Berungan ja'au nah nebet jin seruga. Inah éh torok éh sahau éh ngaran néh Iblis ngan Sitan, éh ngelavo' kekat kelunan pah tipo tana'. Iah pu'un nebet tai tana' pemung ngan kekat meliket néh.

ÉH POLÉNG 13:14

Allah kejeraa', ka'an éh keruwah iteu' dokoo' maneu' kuraa'-kuraa' telana' tong jumen ka'an éh bu'un. Palaa' kekat telana' inah, ka'an éh keruwah iteu' ngelavo' kekat kelunan éh murip tong tana' ngan nyohoo' réh maneu' butun dokoo' seva' ka'an éh bu'un éh lepah suhat neu' po'é, bang to ke' murip.

ÉH POLÉNG 18:23

Bé' pu'un ada pelita', bé' pu'un ha' kelunan kawin tong leboo' inah kepéh. Kelunan pebelih jin leboo' inah, pelapah jam réh pitah aken réh jin kelunan éh jah éh jin semah-semah péh, ngan neu' kuraa'-kuraa' penganeu' réh éh neu' réh neu' kerenget réh, éh ngebéé kenin kelunan, pu'un réh ngelavo' kekat kelunan tong tana' rai, ha' néh.

ÉH POLÉNG 19:20

La'ah kamit réh ka'an inah pemung ngan iah éh ngelayoo' nabi, éh pu'un maneu' kuraa'-kuraa' arong éh tejeu' tong jumen néh lepah nah. Pu'un éh ngelavo' irah éh pu'un telana' ka'an inah, ngan irah éh seva' butun éh pekua' layan ka'an inah, neu' kuraa'-kuraa' penganeu' néh éh tejeu' ta'an réh. Ka'an nah ngan iah éh bara' iah tuai sohoo' Tuhan bang bé' éh sohoo' Néh, nebet réh ketem murip lem Bawang luten éh mahang pemung ngan éh letéé' éh pana' mu'un.