YAKUB 3:2 - Rengah Jian

² Uleu' béé ngelayau maneu' éh sala'. Hun kelunan bé' pu'un maneu' éh sala' tong kekat ha' ané néh, Iah kelunan éh sukup mu'un. Iah omok mihau ketem lo'ong usah néh.

YAKUB 3:2 Iomraidhean Croise

MATIUS 12:34

O ka'ah éh pohoo' anak torok, kineu' keh seruh keh omok pané jian hun kenin keh sa'at awah? Uban barei' kenin lu', kenat péh ha' ané lu'.

MATIUS 12:37

Uban neu' kekat ha' ané keh inah jalan néh pu'un ngukum keh, uban neu' ha' ané keh inah éh pepoléng hun kenin keh pu'un teneng ngan hun néh sa'at péh, ha' Yésus ngan réh.

SURAT PAULUS NGAN SIDANG RUM 3:10

Barei' ha' lem Surat Allah bara' éh, Bé' pu'un jah-jah usah kelunan éh teneng kenin.

SURAT PAULUS NGAN SIDANG RUM 7:21

Uban néh kenat duah jalan kenin ké', keloo' ku' maneu kekat éh jian, bang bé' ku' omok bé' maneu' sa'at.

1 KORINTUS 9:27

bang akeu' ngegahang usah ké' ngan ngeripen éh, dokoo' la'o ké' nebaraa' kelunan éh jah, mai usah ké' tengéé' nebet Tuhan.

GALATIA 3:22

Surat Allah lepah bara', kekat kelunan béé pu'un lem penyukat penyala'. Hun néh kenat kineu' jalan néh omok pelepu. Inah éh neu' pengelan néh tong Yésus Kristus. Séé'-séé' éh ngelan kenat adang néh pelepu.

GALATIA 5:17

Uban pengagat dalem usah keh pekelawan ngan pengeloo' Sahéé', ngan pengeloo' Sahéé' pekelawan ngan pengagat dalem usah keh. Rawah inah kua' pekelawan inah éh maneu' keh bé' omok kivu kekat éh pengeloo' keh.

KOLOSÉ 1:28

Uban néh kenat inah éh mihin améé' bara' Kristus ngan kekat kelunan. Améé' nebaraa' ngan petena' réh béé ngan kekat pengejam kenin mé', dokoo' mé' omok mihin siget-siget usah réh tong jumen Tuhan barei' kelunan éh sukup mu'un kenin dalem Kristus.

KOLOSÉ 4:12

La'ah Epapras iah péh pemung tana' ngan ka'ah, ngan éh sohoo' Kristus Yésus, iah péh bara' tabi' ngan keh. Ngelayau iah gahang sebayang tong ka'ah dokoo' keh omok reken kenin ngan sukup kenin ngan jam seruh ngan ngelayau kivu pengeloo' Allah.

IBRANI 13:21

Jian Allah inan pengepawah inah pesukup kekat pengejian Néh ngan keh dokoo' keh omok maneu' pengeloo' Néh. Dokoo' jin Yésus Kristus Allah maneu' kekat ineu' éh keneloo' Néh dalem urip lu'. Jian Kristus pu'un peparen avéé' kelebéé' lebéé' néh! Amin.

YAKUB 1:26

Hun pu'un kelunan éh seruh iah kivu Tuhan mu'un bang sa'at ha' ané néh, pengelan néh seleket bé' pu'un ngan iah ngelavo' usah néh awah.

YAKUB 1:4

Tong éh kebit kenin inah, jian éh pepit, pah avéé' ka'ah pu'un sukup mu'un ngan bé' pu'un pengekurang ineu'-ineu' péh.

YAKUB 2:10

Uban séé'-séé' éh ngelapah na' péh éh tong jah awah sohoo', seleket néh ngelapah tong kekat néh béé.

1 PÉTERUS 3:10

Barei' ha' lem surat Allah bara', ka' éh, Kelunan éh keloo' murip jian ngan ngida, mai éh pané ngesa'at kelunan, ngan mai éh kenyo.

1 PÉTERUS 5:10

Bang La'o keh teneng pengeketa éh metok awah, Allah tengéé' juk maneu' ka'ah sukup mu'un. Iah juk petekedéng keh, ngegahang keh ngan ngereken keh, uban Iah Allah éh matek jian kenin ngan éh lepah tebai ka'ah dokoo' masek lem kemaren Néh éh pelinguh, uban ka'ah murip pemung ngan Kristus.