YAKUB 3:15 - Rengah Jian

¹⁵ Pengejam éh kenat bé' éh tuai jin seruga, bang jin tana' awah jin barék kelunan éh penyala' ngan jin sahéé' éh sa'at!

YAKUB 3:15 Iomraidhean Croise

LUKAS 16:8

La'ah pengeja'au nah mejing lakei' éh ngelavo' éh nah, bé' makat uban néh ngelavo' éh nah, bang uban lakei' inah jam seruh tong jalan néh kepéh. Uban kelunan tong tana' iteu' pelapah jam réh seruh tong kekat penganeu' réh jin kelunan éh pu'un tong rema, ha' Yésus ngan réh.

YOHANES 3:17

Uban bé' Allah nyohoo' Anak Néh tuai tong tana' iteu' ke' Néh ngukum kelunan tong tana' iteu', bang Iah nyohoo' Éh tuai ke' Néh purip kelunan tong tana' iteu'.

YOHANES 8:44

Ka'ah anak tamen keh Sitan, ngan pu'un keh kivu kekat pengeloo' tamen keh. Jin bu'un-bu'un sahau péh Sitan mematai kelunan, bé' éh keloo' alaa' saa' éh teneng, uban bé' pu'un ineu'-ineu' éh teneng lem néh. Hun néh pané, pu'un éh pané kenyo awah, pohoo' néh kenyo, ngelayau éh kenyo kenat, ngan inah éh tamen kekat kelunan éh kenyo.

PENGANEU' LAWAH 13:10

ke' néh bara' ngan néh, ka' ha' néh, Anak Sitan ka'au', ka'au' penoo' neu' kekat arong kesa'at awah, ka'au' ngelawan tong kekat éh jian, ka'au' juk maneu' kekat ha' Tuhan éh teneng malui ha' kenyo awah.

SURAT PAULUS NGAN SIDANG RUM 1:22

Irah bara' réh jam seruh, éh semu'un néh irah palui awah.

1 KORINTUS 1:27

Bang na' péh kenat, Allah ngevéléé' éh seneruh kelunan éh jah, palui awah, dokoo' pekenyaa' kelunan éh jam seruh tong kuraa' arong éh tong tana' iteu'. Éh seneruh kelunan pu'un lemoo', inah éh kevéléé' Allah dokoo' pekenyaa' kelunan éh ja'au penyukat.

1 KORINTUS 2:14

Bang kelunan éh bé' pu'un Sahéé' Allah bé' éh omok alaa' ha' tebaraa' jin Sahéé' Allah, adang néh bé' omok nesen éh, uban kekat ha' tebaraa' inah palui awah tong iah, matek bé' éh omok jam tong néh, uban kekat inah Sahéé' Allah awah éh omok pekelenaa' éh.

1 KORINTUS 3:19

Uban éh seneruh kelunan tong tana' pu'un jian, paléu pengepalui awah tong ta'an Allah. Barei' ha' lem surat Allah bara', La'ah kelunan éh pu'un pengejam jin tana' iteu' awah, Tuhan maneu' kekat pengejam réh inah barei' viheu' ngan irah ke' kepéh, ha' Néh.

1 KORINTUS 3:3

uban ka'ah murip keto pekua' kelunan éh bé' jam Allah. Uban hun keh pu'un pekeleko ngan pepaneu' belah ka'ah, kineu' éh kenat, bé' iteu' pekua' barei' kemalai kelunan éh bé' pu'un Sahéé' Allah kei?

2 KORINTUS 1:12

Pu'un jah jalan améé' bahuu', inah éh uban dalem kenin mé' bé' pu'un ineu'-ineu' lem kenin mé' éh pesala' mé' tong urip mé' belah kelunan semah-semah péh, makin péh belah ka'ah, uban kekat barék mé' pu'un éh jian ngan teneng awah. Jah awah kenin améé', bé' mé' maneu' ineu'-ineu' ngan ngelayoo' awah, bé' mé' kivu pengejam mé' tengéé', tong kekat penganeu' mé' pu'un éh neu' penika Allah.

2 KORINTUS 11:3

Bang medai ku' dai kekat penyeruh keh pu'un sa'at, avéé' keh bet Kristus barei' Awa' éh lavo' neu' kekat aken torok éh ngelavo' éh.

PILIPI 3:19

Kelunan éh kenat adang réh pu'un tai tong luten meraka, uban pengeja'au réh inah éh kekat pengagat éh sa'at lem usah réh. Bau kenin réh tong kekat éh tekep réh menyaa', ngan irah seruh tong kekat éh pu'un jin tana' iteu' awah.

2 TESALONIKA 2:9

La'ah jah kelunan éh sa'at nah, pu'un éh tuai dalem kekat kerenget Sitan, ke' néh omok maneu' kuraa' arong penyuai éh tejeu' éh ngebéé kenin kelunan, ngan maneu' kuraa'-kuraa' telana' bang kekat néh béé sala' awah,

1 TIMOTIUS 4:1

La'ah Sahéé' Ni'ai pu'un bara' lenaa' mu'un, sioo' tai ga' tana' adang pu'un kuraa' kelunan petat jin pengelan réh tong Kristus avéé' réh kivu kuraa'-kuraa' ha' tebaraa' sahéé' éh petawang ngan tebaraa' sahéé éh sa'at.

YAKUB 1:17

Kekat ineu'-ineu' éh jian ngan éh sukup mu'un inah éh tuai jin seruga jin Allah éh suai kekat éh rema tong Langit. Iah Allah éh bé' pu'un paléu, ngan bé' pu'un ngelihep ineu'-ineu' péh.

YAKUB 1:5

Hun pu'un séé'-séé' jin belah ka'ah éh bé' pu'un pengejam, jian iah sebayang ngan Allah dokoo' Allah mena' pengejam seruh ngan néh; uban Allah mena' éh ngan lumang kenin ngan murung kenin ngan siget kelunan.

YAKUB 3:17

Bang kelunan éh pu'un pengejam éh tuai jin seruga pu'un éh mihin kelunan murip ni'ai, pawah, dawai kenin, ngan jian pengané. Irah pu'un pika kelunan ngan kivu kekat arong penganeu' éh jian bé' réh netah ngan ngelayoo' awah maneu' jian.

YUDAS 1:19

Kelunan inah petengéé' kenin irah éh jah, pu'un réh maneu' kekat éh pengeloo' réh awah, ngan bé' réh pu'un najak Sahéé' Ni'ai.

ÉH POLÉNG 12:9

Berungan ja'au nah nebet jin seruga. Inah éh torok éh sahau éh ngaran néh Iblis ngan Sitan, éh ngelavo' kekat kelunan pah tipo tana'. Iah pu'un nebet tai tana' pemung ngan kekat meliket néh.

ÉH POLÉNG 2:24

Bang Ka'ah éh jah éh mokoo' tong Tiatira bé' kivu ha' tebaraa' éh sa'at inah. Ka'ah bé' pekalai limu' jin Sitan Akeu' bara' ngan Ka'ah bé' Akeu' ngebahat ka'ah palaa' ha' sohoo' éh jah.

ÉH POLÉNG 9:11

Pengeja'au réh éh Seleket raja' inah éh meliket éh pu'un penyukat bau luvang patai. Lem ha' irah Ibrani ngaran néh Abadon ngan lem ha' irah Yunani ngaran néh Apolion éh sin néh iah éh kebéé.