YAKUB 3:14 - Rengah Jian

¹⁴ Bang hun keh sakit kenin ngan seruh tong usah keh tengéé', mai keh ngelapah tong ha' tebaraa' éh teneng jin Allah ngan bau kenin seruh keh pu'un pengejam.

YAKUB 3:14 Iomraidhean Croise

MATIUS 27:18

Kejam néh irah mena' Yésus ngan néh uban réh sakit kenin.

YOHANES 16:2

Pu'un réh juk meta' keh masek tong lamin sebayang ngan pu'un sioo' kepéh pu'un réh mematai keh. Lem kenin réh hun réh maneu' kenat, irah seruh réh kivu pengeloo' Tuhan.

PENGANEU' LAWAH 13:45

Hun kelunan Yahudi na'at kelunan pinaa' nah tai menéng ha' tebaraa' roh, leko réh na'at éh kenat, pu'un réh ngisaa' ha' tebaraa' Paulus ke' réh pekenyaa' éh.

PENGANEU' LAWAH 26:9

Ka' ha' Paulus kepéh, Hun lepah rai akeu' tengéé' péh seruh tekep ku' maneu' kuraa' jalan ké' ngelawan ngaran Yésus, éh kelunan Nasaret,

PENGANEU' LAWAH 5:17

La'ah Imam éh pengeja'au kekat imam ngan irah Yahudi, éh kivu adet sebayang Saduki, pu'un réh pana kenin ngan irah lawah.

PENGANEU' LAWAH 7:9

Ka' ha' Stepanus kepéh, La'ah tepun lu' rai leko éh tong padéé' réh Yusup ngan irah melih éh ngan kelunan jin tana' Mesir ke' réh ngeripen éh sitai. Bang Allah pu'un ngan néh,

SURAT PAULUS NGAN SIDANG RUM 1:29

Kenin réh penoo' neu' kuraa' arong kesa'at ngan penyala', inah éh sihun ngan juk alaa' mekum, sakit kenin merek, sa'at mu'un-mu'un kenin réh, pu'un réh mematai kelunan ngan paneu' péh, ngan ngelavo' irah éh jah, irah bara' tong penganeu' kelunan tengéé' jin éh pu'un dokoo' ngesa'at kelunan inah ngan irah éh jah. Pu'un réh nekau ha' ngan perengah éh ngan irah éh jah kepéh,

SURAT PAULUS NGAN SIDANG RUM 13:13

Tekep uleu' maneu' kekat barék éh teneng, pekua' éh tekep tong kelunan éh murip tong rema, mai maneu' inga' éh sa'at ngan mavuk, mai petuyang ngan maneu' barék éh sa'at, ngan mai punan ngan pana kenin.

SURAT PAULUS NGAN SIDANG RUM 2:17

Bang kineu' ka'ah éh pohoo' Yahudi, pu'un keh seruh keh pelapah jian uban keh pu'un alaa' Surat Musa inah, ngan bau kenin keh uban ka'ah éh kevéléé' Allah?

SURAT PAULUS NGAN SIDANG RUM 2:8

Bang kelunan éh kivu kenin réh tengéé', éh bé' keloo' kivu sohoo' Allah, éh bet kekat jalan éh teneng ke' réh kivu kekat éh sala' awah, ngan kelunan éh kenat, adang Allah merek ngan réh ngan ngukum réh.

1 KORINTUS 13:4

Hun lu' pika kelunan adang lu' kebit kenin ngan nolong réh, bé' lu' sa'at kenin, ngan ngajung usah lu' ngan bau kenin.

1 KORINTUS 3:3

uban ka'ah murip keto pekua' kelunan éh bé' jam Allah. Uban hun keh pu'un pekeleko ngan pepaneu' belah ka'ah, kineu' éh kenat, bé' iteu' pekua' barei' kemalai kelunan éh bé' pu'un Sahéé' Allah kei?

1 KORINTUS 5:2

Kineu' ka'ah ngajung usah keh hun kelunan pu'un maneu' kenat? Jian keh besau kenin, ngan kelunan éh maneu' kenat tekep keh pepiso éh jin sidang keh.

1 KORINTUS 5:6

Bé' tekep keh ngajung usah keh kenat. Kineu' keh, bé' keh jam tawan-pekevat tepong, na' péh éh si'ik awah, omok éh pekevat kekat lugung tepong?

2 KORINTUS 12:20

Tusah kenin ké' dai hun ké' angai da' barang bé' péh keh barei' éh keneloo' ké', kenat péh barang akeu' bé' pu'un barei' éh keneloo' ka'ah nah. Medai ku' dai hun ké' angai, pu'un irah pepaneu' pekeleko pekerek, seruh usah réh tengéé', ngesa'at ngaran kelunan ngan nebok, bau kenin ngan keloo' ngasau.

GALATIA 5:15

Bang hun ka'ah barei' barék ka'an awah, pu'un keh barei' nyuhat ngan ngesakit saa' belah ka'ah ke', mavaa' keh dai keh pu'un ngebéé ketem lo'ong ka'ah ke'.

GALATIA 5:20

Pu'un réh maneu' butun ngan ngelimu', pepaneu' péh, tengéé' kenin ngan sa'at kenin ngan kelunan éh jah, pepihet, merek ngan bau-bau kenin. Pu'un réh petengéé' usah réh jin kelunan éh jah,

GALATIA 5:21

pu'un réh magat livah irah éh jah, mavuk, kuman nyahan, ngan pinaa' arong éh barei' inah kepéh. La'ah akeu' bara' ngan keh, pekua' éh benara' ké' ngan keh lepah rai, kelunan éh maneu' kenat bé' réh omok tai lem nihau Allah.

GALATIA 5:26

Mai lu' bau kenin, mai lu' maneu' ineu'-ineu' éh omok ngesakit kenin kelunan éh jah, ngan mai lu' ngeleko jah usah ngan jah usah.

GALATIA 6:13

Uban irah éh pakai adet sunat nah, bé' réh kivu kekat sohoo' lem Surat Musa, bang irah keloo' ka'ah sunat dokoo' réh omok ngajung usah réh ngan kelunan éh jah uban ka'ah kivu sohoo' réh kenat.

PILIPI 1:15

Pu'un jelua' réh perengah Kristus uban réh leko tong akeu' ngan nyelepéé' kenin, bang jelua' réh kepéh, pu'un réh perengah éh ngan jian kenin.

PILIPI 2:3

Mai keh maneu' ineu'-ineu' uban keh juk ngepayoo' kenin keh tengéé', ngan uban keh juk ngajung usah keh tengéé', bang jian keh diva' kenin ngan ngerera' belah ka'ah ke', mai keh bau kenin ngan seruh usah ko' pelapah jian jin irah éh jah.

1 TIMOTIUS 2:4

Adang Iah keloo' kekat kelunan alaa' urip Néh ngan jam tong ha' tebaraa' éh teneng éh omok purip éh.

1 TIMOTIUS 6:4

Iah bau kenin ngan bé' jam ineu'-ineu'! Pengeloo' néh bé' barei' pohoo'. Iah keloo' pepatai ha' ngan pepaneu' tong ateng ha' ga' néh mihin pesonoh, petengéé' kenin, ngesa'at ngaran kelunan, pakai' kioo' éh sa'at,

TITUS 3:3

Uban hun bu'un rai uleu' béé kelunan éh suwok kenin, éh bé' kivu sohoo', ngan tawang awah. Uleu' pu'un keripen kekat pengagat sa'at ngan pengekelih, urip lu' penoo' neu' akam ngeleko kelunan ngan nyonoh ngan uleu' murip pata pekeleko.

YAKUB 1:18

Kivu pengeloo' Néh tengéé' Iah suai uleu' neu' ha' tebaraa' Néh éh teneng. Inah maneu' uleu' omok barei' buaa' éh tenah jin kekat-kekat éh senuai Néh.

YAKUB 3:16

Uban semah-semah pu'un kelunan sakit kenin ngan seruh tong usah réh tengéé', Tong sinah pu'un kasau ngan kekat arong kesa'at.

YAKUB 5:19

O kekat padéé' ké', hun néh pu'un jah kelunan belah kéh éh petat jin jalan éh teneng, boh pu'un jah usah tai mihin éh moléé' tong Allah,