YAKUB 3:13 - Rengah Jian

¹³ Jian iah pepoléng éh neu' kekat barék néh pu'un jian ngan jin kekat penganeu' éh neu' néh ngan diva' kenin ngan jam seruh.

YAKUB 3:13 Iomraidhean Croise

MATIUS 11:29

Jian keh Kivu sohoo' Ké' ngan alaa' ha' tebaraa' Ké' uban Akeu' dawai Kenin ngan diva' Kenin boh keh bé' pu'un bii' éh bahat kepéh.

MATIUS 21:5

Jian keh bara' ngan irah tong leboo' Yérusalem, Raja' keh tuai tavin keh, pu'un éh dawai kenin, ngan pu'un éh tuai bau jah keldai, Iah menyun bau jah keldai danak, ha' néh.

MATIUS 5:5

Murung kenin kekat kelunan éh diva' kenin, omok réh alaa' éh pejajii' Allah.

MATIUS 7:24

Ha' Yésus kepéh, Uban néh kenat kekat kelunan éh menéng ha' tebaraa' Ké' ngan kivu éh, iah pekua' ha' tapan tong kelunan éh jam seruh, éh maneu' lamin néh bau bateu'.

1 KORINTUS 6:5

Tekep ka'ah menyaa'. Kineu', bé' pu'un jah usah belah ka'ah éh jam seruh éh omok memekat ha' belah irah padéé' inah kei?

2 KORINTUS 10:1

Akeu' Paulus menyat pika ngan ka'ah, akeu' éh benara' kelunan pu'un diva' kenin hun ké'pemung ngan ka'ah bang éh makang kenin ngan mahéng kenin hun ké' juu'. Akeu' menyat keh neu' kekat penika ngan pengejian Kristus,

2 KORINTUS 8:24

Jian keh pepoléng penika keh ngan réh, dokoo' kekat sidang omok jam ka'ah jam pika kelunan, ngan jam bé' mé' sala' hun mé' mejing ka'ah.

GALATIA 5:23

diva' kenin, jam mihau kenin. La'ah bé' pu'un séé' éh meta' éh kenat.

GALATIA 6:1

O kekat padéé' ké', hun keh jam séé'-séé' péh maneu' penyala', tekep ka'ah éh penoo' neu' Sahéé' Tuhan, dawai kenin peteneng jalan néh, ngan mihau usah keh kepéh dai keh sioo' tenupat kepéh.

GALATIA 6:4

Tekep siget usah petuneng kereja' néh tengéé', hun kereja' néh pu'un jian boh éh omok murung kenin ngan bé' makat pitah kelunan éh jah mejing iah.

ÉPESUS 4:2

Jian keh diva' kenin ngan dawai kenin, ngan kebit kenin. Jian keh kebit kenin pika kelunan lem kekat pengelemoo' réh,

PILIPI 1:27

La'ah jian kekat urip keh pu'un pekua' éh tekep tong Rengah Jian Kristus, dokoo' hun ké' pu'un tai ngan ka'ah, kenat péh hun ké' bé' omok tai péh, omok akeu' menéng rengah ka'ah pu'un nekedéng petem ngan pekua' kenin ngelawan ineu'-ineu' éh juk nyopéé' pengelan kelunan tong Rengah Jian iteu'.

KOLOSÉ 3:12

La'ah ka'ah péh anah Allah, pu'un Iah pika keh ngan ngevéléé' keh dokoo' keh omok anah Néh mu'un. Uban kenat ka'ah tekep pika pepika, Jian tipan, diva' kenin, dawai kenin ngan kebit kenin.

1 TIMOTIUS 4:12

Mai ke' kejeraa' séé'-séé' ngera' ke' ngan bara' ke' anak awah. Bang jian ke' jah telana' ngan kekat kelunan éh ngelan tong Kristus. Kenat péh lem kekat ha' ané ko', ngan lem barék ko' ngan tong penika ko', ngan pengelan ko' ngan pengeni'ai ko' kepéh.

1 TIMOTIUS 6:11

Bang ka'au' éh kivu pengeloo' Tuhan, jian ke' ngejuu' usah ko' jin kekat éh kenat. Jian ke' ngerakep dokoo' ngelayau maneu' pengeloo' Allah, murip sebayang, ngelayau ngelan tong Kristus, pika padéé lu' éh kua' pengelan, kebit kenin lem pengeketa, ngan dawai kenin.

2 TIMOTIUS 2:25

Hun néh peteneng irah éh ngelawan éh, jian éh peteneng réh ngan dawai kenin, mai éh maneu' éh ngan kejaha kenin. Barang Allah omok ngusii' kenin réh ke' réh omok pekoléé' kenin ngan nesen tong kekat ha' tebaraa' éh teneng.

TITUS 3:2

Mai réh pané ngesa'at ngaran kelunan, jian réh murip ngan pawah ngan maneu' éh jian. Jian réh jian pengané, dawai kenin ngan kekat kelunan béé.

IBRANI 13:5

Adang Tuhan ngukum irah éh sa'at barék ngan petuyang. Dalem kekat urip keh, mai keh kelih juk kaya', bang jian keh sukup kenin tong éh pu'un ngan keh. Uban ka' ha' Tuhan, Bé' Akeu' kejeraa' ka'au' tengéé', bé' Akeu' bet ke', ha' Néh.

YAKUB 1:21

Uban néh kenat jian keh bet kekat kemalai ngan barék éh sa'at. Ngerera' kenin tong Allah ngan alaa' ha' tebaraa' éh nulah Néh dalem kenin keh, uban ha' tebaraa' inah omok purip keh.

YAKUB 2:18

Barang pu'un kelunan bara', ka'au' pu'un pengelan, akeu' pu'un penganeu', ko' pepoléng pengelan ko' éh bé' pu'un penganeu' nah ngan ké' ngan akeu' juk pepoléng ngan ko' pengelan ké' jin ineu' éh penganeu' ké'.

YAKUB 3:1

O kekat padéé' ké'! Semu'un néh kuraa' usah awah jin belah ka'ah nengayet ke' néh omok nebaraa'. Ka'ah jam tong uleu' éh nebaraa' adang lu' teneng petuneng palaa' éh pelapah bahat kepéh jin kelunan éh jah.

YAKUB 3:17

Bang kelunan éh pu'un pengejam éh tuai jin seruga pu'un éh mihin kelunan murip ni'ai, pawah, dawai kenin, ngan jian pengané. Irah pu'un pika kelunan ngan kivu kekat arong penganeu' éh jian bé' réh netah ngan ngelayoo' awah maneu' jian.

1 PÉTERUS 1:15

Bang barei' Allah éh tebai ka'ah pu'un ni'ai, jian ka'ah péh ni'ai dalem kekat ineu'-ineu' penganeu' keh.

1 PÉTERUS 2:12

Jian keh jian barék lem pengurip keh belah kekat kelunan éh bé' jak sakui ngelan Tuhan, kenat péh hun réh pesala' keh tong ineu'-ineu' péh, naneu' réh na'at barék keh éh jian inah, irah éh bé' ngelan Tuhan péh, omok réh seva' Allah tovoo' Dau Néh tuai kepéh petuneng kelunan.

1 PÉTERUS 2:9

Bang ka'ah jah pohoo' éh kevéléé' Allah, imam-imam éh mena' urip néh maneu' kereja' Allah, pohoo' éh ni'ai, kelunan éh anah Allah mu'un. Allah ngevéléé' keh dokoo' keh omok perengah penganeu' Néh éh ngebéé kenin kelunan Allah lepah tebai ka'ah musit jin merem dokoo' masek lem rema Néh éh jian mu'un.

1 PÉTERUS 3:4

Bang jian keh alaa' layan éh jian neu' kenin keh éh pu'un ni'ai. Layan omok mukun uban néh neu' kenin éh dawai ngan kenin éh diva', kenin éh kenat jian mu'un éh tong Allah.