YAKUB 3:10 - Rengah Jian

¹⁰ Jin ujun kelunan musit kuraa'-kuraa' ha' mejing Tuhan, musit kepéh kuraa'-kuraa' ha' maneu' kelunan. O kekat padéé' ké', bé' éh tekep pu'un kenat!

YAKUB 3:10 Iomraidhean Croise

SURAT PAULUS NGAN SIDANG RUM 12:14

Menyat Allah pika kelunan éh peketa ka'ah, oo' mu'un ha' ké' kenat, menyat Iah pika réh, mai menoo' réh.

1 KORINTUS 3:3

uban ka'ah murip keto pekua' kelunan éh bé' jam Allah. Uban hun keh pu'un pekeleko ngan pepaneu' belah ka'ah, kineu' éh kenat, bé' iteu' pekua' barei' kemalai kelunan éh bé' pu'un Sahéé' Allah kei?

1 TIMOTIUS 5:13

La'ah ngan pepit-pepit leko kereja' ngan tai kasau-kasau tong lamin kelunan éh jah awah, bang bé' makat kenat awah, inah réh tosok kekat rengah éh bé' tekep ngan pekelakau ha' sa'at éh bé' tekep ngan réh, ngan kasau kenin ngan kereja' kelunan éh jah.

YAKUB 1:16

O kekat padéé' ké', mai keh lavo' neu' penyala'.

YAKUB 1:19

O kekat padéé' éh kemurung ké'! Jian siget usah pu'un rigah menéng, bang lieu' éh pané ngan lieu' éh merek.

YAKUB 3:1

O kekat padéé' ké'! Semu'un néh kuraa' usah awah jin belah ka'ah nengayet ke' néh omok nebaraa'. Ka'ah jam tong uleu' éh nebaraa' adang lu' teneng petuneng palaa' éh pelapah bahat kepéh jin kelunan éh jah.

YAKUB 3:11

Bé' pu'un jah usit baa' éh pepusit baa' éh mabah ngan baa' éh petuh.

YAKUB 3:9

Uleu' pakai jela' lu' dokoo' bara' jian kenin ngan Tuhan éh Tamen lu', ngan palaa' jela' lu' pu'un lu' maneu' kelunan éh senuai pekua' layan Allah.

1 PÉTERUS 3:9

Mai keh mipa kesa'at ngan kesa'at kenat péh mai keh menoo' hun réh menoo' keh; bang jian keh mipa kesa'at palaa' pengejian éh jin Allah. Ka'ah tekep maneu' kenat uban Allah pu'un pejajii' mena' pengejian, tovoo' Néh tebai keh.