YAKUB 3:1 - Rengah Jian

¹ O kekat padéé' ké'! Semu'un néh kuraa' usah awah jin belah ka'ah nengayet ke' néh omok nebaraa'. Ka'ah jam tong uleu' éh nebaraa' adang lu' teneng petuneng palaa' éh pelapah bahat kepéh jin kelunan éh jah.

YAKUB 3:1 Iomraidhean Croise

MATIUS 10:24

Ha' néh kepéh, Kelunan éh pekalai bé' éh pelapah ja'au jin guru néh, kenat péh kelunan ripen, bé' éh pelapah ja'au jin pengeja'au néh.

MATIUS 23:13

La'ah ha' Yésus maneu' irah Parisi, ka' ha' néh, Pika ka'ah guru éh nebaraa' tong sohoo' lem Surat Musa, kenat péh ngan ka'ah éh kivu adet Parisi, adang keh pu'un tusah mu'un uban keh ngelayoo' awah sebayang. Inah kepéh, hun kelunan éh jah pitah jalan juk alaa' Allah Pengeja'au réh, ka'ah pu'un mapat jalan réh. Usah keh tengéé' bé' keloo' tai lem nihau Allah, hun irah éh jah juk tai, pu'un keh meta' réh, ha' néh.

MATIUS 23:14

Ha' néh kepéh, Pika ka'ah guru éh nebaraa' tong sohoo' lem Surat Musa, kenat péh ngan ka'ah éh kivu adet Parisi, adang keh pu'un tusah mu'un uban keh ngelayoo' awah sebayang. Inah kepéh, pu'un keh ngebuyuk irah redo baleu' ngan alaa' kekat livah réh awah, boh keh sebayang ngan kebit ha', bang ngelayoo' awah keh sebayang. Uban keh maneu' kenat ukum keh vam pelapah bahat jin ukum irah éh jah, ha' Yésus.

MATIUS 9:11

Hun irah Parisi na'at éh kenat boh irah pané ngan irah bakéh Yésus, ha' réh, Uban ineu' guru keh nah kuman ngan kelunan éh alaa' sukai ngan irah éh sa'at ha' réh?

LUKAS 16:2

Boh lakei' pengeja'au inah tebai kelunan éh sohoo' néh mihau kekat livah néh nah. Ka' ha' néh ngan néh, Kineu' rengah éh nenéng ké' tong ka'au' nah, teneng éh kenat. Jian ke' nyurat pekua' jalan ko' pakai rigit ké' rai, bé' ke' omok kereja' ngan ké' kepéh, ha' néh.

LUKAS 6:37

Ha' Yésus kepéh, Mai keh ulak pesala' kelunan boh Allah bé' pesala' keh kepéh. Mai keh ulak ngukum kelunan, boh Allah bé' ngukum keh kepéh. Hun kelunan pu'un menyat pika jin keh, jian keh pika réh ngan mai keh mihau kesa'at réh lem kenin keh, boh Allah omok mega' kesa'at keh kepéh.

YOHANES 3:10

La'ah ka' ha' Yésus mipa éh, Kineu', ka'au' néh éh guru ja'au tong irah Yahudi, bang bé' ke' jam iteu' kei?

PENGANEU' LAWAH 13:1

Tong sidang tong Antiokia pu'un, kuraa' nabi ngan guru, inah éh, Barnabas rawah Simeon, éh keruwah ngaran Simeon nah, Kelunan Padeng, ngan Lukius éh jin leboo' Kirene, ngan Menahem éh namung réh pemung ngan pengeja'au Herodis, ngan Saulus péh.

1 KORINTUS 12:28

La'ah dalem sidang, pu'un Allah lepah mena' kuraa' kelunan ke' réh kereja' tong sidang inah. Éh bu'un irah lawah Néh, éh keruwah néh, irah nabi, éh keteleu' néh, irah guru, la'o inah kelunan éh jam maneu' telana' éh tejeu', la'o inah kelunan éh peka'o kesakit kelunan palaa' penyukat Tuhan, la'o inah irah éh nolong kelunan éh jah, ngan la'o inah kepéh kelunan éh omok pané ngan kuraa' arong ha' éh tejeu'.

2 KORINTUS 5:10

Uban adang kekat uleu' béé pu'un tai tong jumen Kristus ke' Néh petuneng lu', dokoo' siget-siget kelunan alaa' oléé' néh pekua' barei' kekat penganeu' néh kelebéé' néh murip tong tana', kenat péh hun néh jian ngan hun néh sa'at péh.

ÉPESUS 4:11

Pu'un Iah mena' kuraa' pengena' ngan kelunan ke' réh omok nolong sidang, Iah ngevéléé' jelua' réh ke' réh omok lawah Néh, jelua' kepéh ke' réh nabi, jelua' kepéh ke' réh perengah Rengah Jian tong Yésus, jelua' kepéh ke' réh gembala mihau sidang, ngan jelua' kepéh ke' réh guru nebaraa' tong sidang.

1 TIMOTIUS 1:7

Keloo' réh guru bang ngelayoo' awah réh barei' jam rai nebaraa' tong sohoo' lem Surat Allah nah, irah tengéé' péh bé' réh jam éh tenosok réh nah ngan bé' réh jam sin ha' éh benara' réh nah, na' péh réh makang kenin bara' éh.

1 TIMOTIUS 2:7

Kenat péh jalan Tuhan ngevéléé' akeu' lawah Néh ngan nyohoo' ku' tai nebaraa' irah éh tengéé' pohoo' jin irah Yahudi dokoo' ké' nebaraa' réh tong pengelan tong Tuhan éh jalan éh teneng. Pu'un ku' pané mu'un bé' ku' kenyo.

2 TIMOTIUS 1:11

La'ah pu'un Allah ngevéléé' akeu' ké' lawah Néh ngan guru Néh ke' ké' bara' Rengah Jian Néh.

IBRANI 13:17

Jian keh ngerera' tong irah éh majak keh ngan kivu sohoo' réh. Uban irah éh mihau kekat urip keh, uban irah juk bara' kekat kereja' réh ngan Allah, hun keh kivu sohoo' réh, irah omok kereja ngan jian kenin, Bang hun keh bé' kivu sohoo' réh irah péh kereja ngan bahat kenin ngan bé' omok mihau keh mu'un.

YAKUB 1:16

O kekat padéé' ké', mai keh lavo' neu' penyala'.

YAKUB 1:19

O kekat padéé' éh kemurung ké'! Jian siget usah pu'un rigah menéng, bang lieu' éh pané ngan lieu' éh merek.

YAKUB 3:10

Jin ujun kelunan musit kuraa'-kuraa' ha' mejing Tuhan, musit kepéh kuraa'-kuraa' ha' maneu' kelunan. O kekat padéé' ké', bé' éh tekep pu'un kenat!

1 PÉTERUS 5:3

Mai keh mihau réh ngan mahéng kenin ngan bau kenin, bang jian kekat barék ngan kenin keh pu'un jian ke' néh omok jah telana' ngan irah.