YAKUB 2:9 - Rengah Jian

⁹ Bang hun keh netah kenin tong kelunan kivu kenin keh awah, ka'ah maneu' penyala', ngan kivu ha' Surat Musa ka'ah lepah ngelapah tebaraa'.

YAKUB 2:9 Iomraidhean Croise

YOHANES 16:8

Hun Néh pu'un tuai omok Éh bara' kekat seneruh kelunan tong tana' iteu' tong penyala', sala' awah éh, ngan omok Éh bara' tong kekat éh teneng ngan tong kenukum Allah ngan réh kepéh.

YOHANES 8:46

Séé' jin belah keh éh omok nojoo' penyala' Ké'. Pu'un Akeu' bara' tong kekat éh teneng, uban ineu' keh bé' ngelan tong Akeu'.

YOHANES 8:9

Hun irah menéng ha' Néh kenat, musit réh béé pejah-jah usah, éh tenah musit jin irah, iah éh ja'au urip jin kekat réh pah avéé' tong kekat réh béé. Yésus awah éh pu'un sinah keto, ngan redo inah éh pu'un nekedéng sinah.

PENGANEU' LAWAH 10:34

Boh Péterus pané ngan réh kepéh, ka' ha' néh, Hun iteu' kejam ké' mu'un, bé' Allah netah kenin tong kelunan.

SURAT PAULUS NGAN SIDANG RUM 3:20

Bé' pu'un séé'-séé' kelunan éh omok pemung ngan Allah ke' néh omok jian kepéh, neu' néh kivu sohoo' lem Surat Musa. Surat Musa nojoo' jalan ngan kelunan ke' réh jam kekat kelunan, kelunan penyala' awah.

1 KORINTUS 14:24

Bang hun kekat kelunan sidang pu'un bara' ha' Allah, kelunan éh bé' ngelan ngan éh bé' pu'un pengena' inah, hun néh masek kepéh ngan réh, adang kelunan inah omok nesen tong penyala' néh neu' kekat éh nenéng néh nah. Adang kekat éh nenéng néh inah omok éh petuneng kenin néh.

GALATIA 2:19

Bang akeu' seleket matai awah tong kekat adet ngan sohoo' lem Surat Musa, bé' akeu' mihau éh. Sala' akeu' hun akeu' juk kivu éh kepéh. Hun iteu' urip ké' lem Allah, akeu' lepah matai pemung ngan Kristus tong salib Néh.

1 YOHANES 3:4

Kelunan éh maneu' penyala' ngelapah ha' tebaraa' Tuhan, uban penyala' nah inah éh ngelapah tong ha' tebaraa' Tuhan.

YUDAS 1:15

Adang Iah petuneng kekat kelunan. Iah juk ngukum kelunan éh bé' ngelan uban penganeu' réh éh Sa'at ngan uban kekat ha' ané réh ngesa'at Tuhan!