YAKUB 2:7 - Rengah Jian

⁷ Irah inah éh ngesa'at ngaran éh matek maren éh jalan Allah tebai keh.

YAKUB 2:7 Iomraidhean Croise

MATIUS 1:23

Ka' ha' néh, la'ah redo lemanai éh bé' jak tavin lakei' pu'un éh nemaléé', ngan iah juk nganak jah anak lakei', ngaran néh éh nateng réh, Imanuel, ha' néh. Sin tong ngaran Imanuel, Allah pu'un ngan lu'.

MATIUS 12:24

Hun irah éh kivu adet Parisi menéng ha' réh pané kenat, irah tioo bara' ka', Iah mega' balei' neu' kerenget Beelsebul éh pengeja'au balei', ha' réh.

MATIUS 27:63

ka' ha' réh, O lakei' ja'au, tesen mé' tong ha' lakei' éh kenyo nah hun néh murip keto rai de', ka' ha' néh, La'o teleu' dau Allah juk purip ku' kepéh, ha' néh, ha' réh ngan Pilatus.

PENGANEU' LAWAH 11:26

Hun néh temeu' ngan néh, boh éh mihin éh tai leboo' Antiokia kepéh. Mokoo' roh tong sidang Antiokia avéé' jah ta'un ke' roh nebaraa' kelunan sinah. La'ah tong Antiokia nah, inah éh bu'un réh mateng ngaran kelunan éh ngelan tong Tuhan, kelunan Kristén.

PENGANEU' LAWAH 15:17

Kekat kelunan éh tengéé' pohoo' pu'un réh juk pitah Tuhan kepéh, inah éh, kekat pohoo' éh tenebai Ké' dokoo' réh omok anah Ké'.

PENGANEU' LAWAH 26:11

Pinaa' koléé' ku' peketa réh tong lamin sebayang Yahudi, dokoo' ké' punyat kenin réh ngan mega' réh jin pengelan réh tong Yésus. Uban ké' merek mu'un ngan réh, pu'un ku' tai avéé' tong tana' éh jah éh juu', dokoo' ké' peketa réh sitai kepéh. Kenat ha' Paulus pané ngan Agripa.

PENGANEU' LAWAH 4:12

La'ah jin lem Iah awah lu' omok alaa' urip, uban bé' pu'un ngaran éh jah pah tipo tana' éh nena' Allah ngan kelunan éh kelu' omok murip, ha' Péterus.

ÉPESUS 3:15

Éh jalan siget-siget tamen tong seruga ngan tong tana' péh alaa' ngaran réh.

1 TIMOTIUS 1:13

Hun sahau rai pu'un akeu' pané ngesa'at ngaran Néh, ngan peketa ngan punyat kenin irah éh ngelan tong Iah, seleket ké' maneu' usah Néh mu'un, na' péh kenat pu'un Allah pika akeu', éh ké' maneu' kenat nah uban ké' bé' jak ngelan tong Iah, ngan bé' jak ku' jam tong penganeu' ké' kenat nah sala'.

1 PÉTERUS 4:16

Uban hun keh teneng pengeketa uban ngaran keh Kristén, mai keh menyaa', bang jian keh mejing Allah, uban keh anah Kristus.

ÉH POLÉNG 19:13

Livah pakai Néh ripoo' neu' dahaa'. Ngaran Néh Ateng ha' Allah.

ÉH POLÉNG 19:16

Tong livah pakai Néh ngan tong pa'an Néh senurat ngaran iteu', Raja' bau kekat raja ngan Tuhan bau kekat Tuhan.