YAKUB 2:6 - Rengah Jian

⁶ Bang ka'ah netah kenin tong kelunan kari. Séé' éh maneu' keh ngan éh mihin keh tai tong besara'? Bé' éh kelunan kaya' kei?

YAKUB 2:6 Iomraidhean Croise

YOHANES 8:49

Ka' ha' Yésus kepéh, Bé' Akeu' nasek balei', Akeu' seva' Tamen Ké' bang bé' ka'ah seva' Akeu'.

PENGANEU' LAWAH 13:50

Bang pu'un irah Yahudi punyat kenin irah éh pengeja'au tong leboo' inah, kenat péh réh punyat kenin kuraa' redo éh maren, éh bé' pohoo' Yahudi bang éh kivu adet sebayang réh ngan éh seva' Allah. Inah réh punyat kenin kelunan ke' réh peketa Paulus ngan Barnabas ngan bet roh jin leboo' inah.

PENGANEU' LAWAH 17:6

Uban réh bé' jam semah rawah pu'un, irah tioo ngamit Yason ngan kuraa' usah padéé' lem Tuhan kepéh, ke' réh menat réh tai peritah tong leboo' inah. Bika'-bika' réh, ka' ha' réh, Kelunan éh petusah kelunan tong leboo' semah-semah réh tai, pu'un réh tong leboo' uleu' kepéh ngan petusah uleu' siteu'.

PENGANEU' LAWAH 18:12

La'ah hun réh ngevéléé' Galio ke' néh pengeja'au Rum tong tana' Yunani, irah Yahudi pakat ngelawan Paulus ke' réh ngamit éh ngan mihin éh tai jalan besara'.

PENGANEU' LAWAH 8:3

La'ah Saulus juk kebéé sidang Tuhan. Tai éh tong siget-siget lamin réh ke' néh ngamit réh, irah lakei' ngan irah redo péh éh pu'un ngelan, ke' néh masek réh lem lamin tutup.

1 KORINTUS 11:22

Kineu', bé' keh pu'un lamin keh tengéé' éh jalan keh kuman ngan mesep kenat kei? Kineu', pu'un keh juk ngesa'at sidang Allah, ngan juk pekenyaa' kelunan éh bé' pu'un penguman kei? Kineu' ha' ké' ngan keh kepéh? Kineu', tekep ku' mejing keh? Bé' akeu' mejing keh.

YAKUB 2:3

Mai keh tengéé' kenin ngan sepah kelunan kaya' awah, ngan bara' ngan néh, Menyun siteu' ke', siteu' éh jian, boh keh bara' ngan kelunan kari nah, nekedéng sinah de ke' ke', Barang keh bara', Menyun tong gelan sinah ke' saa' gem ké' awah.

YAKUB 5:4

Bé' keh mena' gaji kelunan éh kereja' tong térék keh. Nenéng keh ha' réh pesala' keh. Ha' kangaa' irah éh tai majau térék keh, nenéng Allah, Tuhan éh ja'au penyukat.

YAKUB 5:6

Pu'un keh ngukum ngan mematai kelunan éh bé' pu'un penyala' ngan irah ngerera' awah.