YAKUB 2:5 - Rengah Jian

⁵ Nesen keh, padéé'-padéé' éh kemurung ké'! Allah lepah ngevéléé' kelunan éh kari tong tana' iteu' dokoo' réh omok kaya' dalem pengelan. Irah juk tai lem Pengihau Allah barei' éh lepah pejajii' Néh ngan irah éh pika Iah.

YAKUB 2:5 Iomraidhean Croise

MATIUS 11:5

Jian keh bara' ngan néh, kelunan éh peseu' omok réh na'at kepéh, irah éh paket omok réh lakau kepéh, irah éh kapéé' pu'un réh ma'o ngan lanyah kulit réh kepéh, irah éh rengen omok réh menéng kepéh, irah éh lepah matai omok réh murip kepéh, ngan Rengah Jian jin Allah benara' néh ngan kelunan kari.

MATIUS 25:34

La'ah Raja' juk pané ngan irah éh saa' na'au' néh, ka' ha' néh da', Ka'ah éh pu'un alaa' urip pelinguh jin Tamen Ké', tuai keh. Tuai ka'ah éh kevéléé' Tamen Ké' dokoo' keh alaa' pengejian néh. Tuai keh, hun iteu' Iah juk maneu' keh pengeja'au tong kuraa' tana' éh petenup néh ngan keh jin bu'un néh suai tana' iteu' sahau.

MATIUS 5:3

Murung kenin kekat kelunan éh Nesen ngan juk pitah Allah, omok réh tai ngan Allah hun néh tuai pengeja'au ngan mihau kekat kelunan.

MARKUS 7:14

La'ah Yésus tebai kelunan pinaa' nah ke' Néh pané ngan réh kepéh, ka' ha' Néh, Seruh keh jian-jian,

LUKAS 12:21

Ha' Yésus kepéh, Kenat péh tong kelunan kaya' éh alaa' livah pinaa' bang bé' éh kaya' tong jumen Allah, ha' Néh.

LUKAS 12:32

Ka' ha' Yésus kepéh, O kekat bakéh ké' éh barei' jah vun domba éh kerat awah, amai keh medai, uban Tamen keh iah éh pengeja'au keh ngan mihau keh.

LUKAS 16:22

La'ah matai kelunan kari nah ngan meliket alaa' éh tai mokoo' déhéé' Abraham tong seruga, sinah éh pu'un mokoo' tong penguman ja'au. La'ah matai kelunan kaya' ri' kepéh, irah nanem éh

LUKAS 16:25

Bang ka' ha' Abraham ngan néh, O anak ké', seruh ke' jian-jian, hun ko' murip tong tana' rai pu'un ke' alaa' kuraa'-kuraa' arong éh jian, ngan Laserus iteu' pinaa' arong pengekurang ngan pengeketa néh tong tana' rai, bang hun iteu' bé' iah jam sakit ngan keta kepéh, bang ka'au' kepéh pu'un keta ja'au hun iteu'.

LUKAS 22:29

ngan hun iteu' barei' Tamen ké' mena' penyukat ngan Ké' jalan Ké' omok pengeja'au kekat kelunan, kenat péh Akeu' mena' penyukat Ké' ngan keh kepéh.

LUKAS 6:20

Tuhan Yésus na'at kekat irah Éh kivu éh, boh Éh bara' ngan réh ka'. Murung kenin kelunan éh kari, uban ka'ah omok tai lem pengihau pengeraja' Allah

YOHANES 7:48

Kineu', pu'un jah usah jin belah pengeja'au lu' ngan jah kelunan Parisi éh ngelan tong Iah kejam keh?

PENGANEU' LAWAH 7:2

Ka' ha' Stepanus mipa éh, O kekat tamen ngan kekat padéé' ké', jian keh menéng ha' ké'. Allah éh matek maren mu'un, pu'un Éh poléng tong Abraham éh tepun lu' sahau hun néh mokoo' keto tong tana' Mesopotamia, bé' jak éh tai tong leboo' Haran rai.

SURAT PAULUS NGAN SIDANG RUM 8:17

Uban uleu' éh anak Néh, uleu' omok alaa' kekat pengejian éh juk nena' Allah ngan kelunan éh anah nah. Kenat péh kepéh uleu' omok alaa' éh pemung ngan Kristus, kekat éh lepah pejajii', nah Allah ngan Anak Néh. Uban hun lu' keta pemung ngan Kristus, uleu' péh omok pemung ngan Néh lem pengaren Néh.

1 KORINTUS 2:9

Inah éh sin tong ha' lem surat Allah éh bara' ka', Éh bé' ta'an ngan éh bé' nenéng kelunan, ngan éh seneruh réh bé' omok pu'un, inah éh petenup Allah ngan kelunan éh pika Iah, ha' néh.

2 KORINTUS 4:15

Kekat pengeketa améé' pu'un éh dokoo' mé' nolong ka'ah, ngan hun néh penika Tuhan pepit kejam kelunan pinaa', inah mihin kelunan pinaa' pepit kepéh sebayang bara' jian kenin ngan Allah ke' réh peparen Iah.

2 KORINTUS 6:10

Pu'un mé' besau, bang pu'un murung kenin mé' kepéh. Pu'un mé' kari mu'un, bang pu'un mé' pekaya' kenin kelunan pinaa'. Améé' bé' pu'un livah ineu'-ineu' bang améé' pu'un kekat pengena' Tuhan ngan kaya' mu'un mé'.

2 KORINTUS 8:9

Ka'ah jam tong penika Yésus Kristus éh Tuhan lu', na' péh Iah kaya' mu'un bang uban Iah pika ka'ah Iah tuai paléu kari mu'un kepéh, dokoo' ka'ah omok kaya' neu' pengekari Néh.

ÉPESUS 1:18

Akeu' sebayang menyat éh pepekang maten kenin keh dokoo' keh omok nesen tong pengeloo' kenin Néh tovoo' Néh tebai keh rai. Pengeloo' kenin Néh nah bé' éh terah urip lu' hun iteu' awah, bang avéé' vam kepéh. Hun keh nesen éh adang keh nesen kepéh tong kejian pengena' Néh éh pejajii' Néh ngan irah éh anah nah.

ÉPESUS 3:8

La'ah na' péh akeu' pelapah si'ik jin kekat irah éh jah éh anah Allah, dalem penika Néh Iah kejeraa' akeu' bara' ngan kelunan éh tengéé' pohoo' tong pengejian Kristus éh pelapah jian jin éh omok benara' lu'.

1 TESALONIKA 2:12

Pu'un mé' ngegahang kenin keh ngan papung keh, ngan nyohoo' keh murip ngan barék éh payoo' tong jumen Allah éh tebai ka'ah tai lem nihau Néh ngan pengaren Néh.

2 TESALONIKA 1:5

Kenat péh uleu' jam kekat penganeu' Allah ngan kelunan, pu'un éh teneng mu'un, uban neu' keh ngeretep ngan ngelan kenat, inah jalan Néh petenup kenin keh dokoo' keh omok tai lem nihau Néh. Uban neu' pengelan keh tong Tuhan, kenat éh keh sioo' keta hun iteu'.

1 TIMOTIUS 6:18

Jian ke' nyohoo' irah kaya' maneu' jian, ngan barei' kaya' lem kereja' réh éh jian. Jian irah petulat éh nalaa' réh ngan irah éh kari ngan jian kenin.

2 TIMOTIUS 4:18

Adang Tuhan omok ngelepu akeu' jin siget-siget kesa'at ngan mihin akeu' avéé' tong lamin néh tong seruga. La'ah jian kekat pengaren anah nah béé avéé' kelebéé'-lebéé' néh. Amin.

2 TIMOTIUS 4:8

Hun iteu', tapong pengeteneng nodoo' Tuhan ngan ké', Tong pengega' dau, Tuhan éh teneng mu'un petuneng juk mena' éh ngan ké', uban akeu' lepah murip kivu pengeloo' Néh. Bé' éh nena' Néh ngan ké' awah, bang Iah mena' éh ngan kekat kelunan éh mena savéé' Néh ngan murung kenin.

IBRANI 11:26

Musa peseruh pelapah jian iah teneng keta uban Kristus jin hun néh alaa' kekat pengekaya' tong tana' Mesir, uban Musa ngelan tong éh pejajii' Tuhan tong jaka' éh temurei' kepéh.

YAKUB 1:12

Jian kenin kelunan éh omok ngeretep, na' péh penusah éh pinaa' arong teneng tong néh. Uban hun néh omok nyopéé' penusah inah, boh iah omok alaa' urip éh lepah pejajii' Allah ngan kekat kelunan éh pika Iah.

YAKUB 1:16

O kekat padéé' ké', mai keh lavo' neu' penyala'.

YAKUB 1:19

O kekat padéé' éh kemurung ké'! Jian siget usah pu'un rigah menéng, bang lieu' éh pané ngan lieu' éh merek.

YAKUB 1:9

La'ah jian kelunan Kristén éh kari. Murung kenin uban tong jah dau Allah omok metéé' réh tong retek éh jian kepéh.

1 PÉTERUS 1:4

Uban kenat uleu juk alaa' kekat pengejian éh pu'un petenup neu' Allah tulat irah éh anah Nah. Kekat pengejian inah pu'un nodoo' Néh tong seruga tong retek éh bé' omok tasa', borok ngan béé péh.

2 PÉTERUS 1:11

Hun keh maneu' kenat, boh keh pu'un penyukat omok tai lem Pengihau éh pelinguh jin Tuhan éh purip lu' Kristus.

ÉH POLÉNG 2:9

Akeu' jam kekat penusah ko', Akeu' jam ke' pu'un kari, bang éh mu'un néh ka'au' kaya'. Akeu' jam kekat ha' sa'at éh jalan irah Yahudi pesala' ke'. Irah bara' réh pohoo' Yahudi, bang bé' réh pohoo' Yahudi mu'un, pu'un réh lem kamit Sitan.

ÉH POLÉNG 21:7

Séé'-séé' éh nyopéé' kekat arong kesa'at iah omok alaa' iteu' jin Akeu', Akeu' omok Allah néh ngan Iah omok Anak ké'.

ÉH POLÉNG 3:18

Uban néh kenat inah Akeu' nyohoo' ke' melih mas jin Akeu', mas éh mas mu'un, boh ke' omok kaya'. Jian ke' melih satek livah éh mebéng dokoo' petavun usah ko', dai ke' menyaa' ugai. Ngan melih tawan maten dokoo' ko' omok na'at.