YAKUB 2:25 - Rengah Jian

²⁵ Kenat péh tong Rahab, redo éh bavah sahau. Pu'un Allah alaa' iah seleket kelunan éh jian kepéh neu' kekat penganeu' néh. Pu'un redo inah alaa' rawah kelunan Yahudi éh sohoo' réh tai ngelava tana' inah, pu'un iah nolong roh dokoo' roh omok kelap kivu jalan éh jah.

YAKUB 2:25 Iomraidhean Croise

MATIUS 1:5

Salmon tamen Boas, Rahab tinen néh. La'ah Boas nah tamen Obed, Rut tinen néh, Obed nah tamen Isai,

MATIUS 21:31

La'ah ha' Yésus neteng réh, séé' jin rawah anak iteu' éh kivu sohoo' tamen roh, ha' néh. Ha' réh mipa éh, Anak néh tuken, ha' réh. La'ah ha' Yésus, Kelunan éh alaa' sukai ngan irah redo éh petuyang, irah inah éh pu'un tai lem nihau Allah saa' tenah jin ka'ah.

PENGANEU' LAWAH 17:7

Pu'un Yason papung roh ngan alaa' roh tong lamin néh. Kekat irah béé ngelawan raja' lu', uban ha' réh, pu'un jah raja' éh jah kepéh ngaran Néh Yésus, ha' réh ngan peritah.

IBRANI 11:31

Uban neu' pengelan, Rahab redo éh bavah inah, bé' teneng pematai pemung ngan irah éh ngelawan Allah. Uban iah alaa' rawah pohoo' Israel éh ngelong tana' inah ngan jian kenin.

YAKUB 2:18

Barang pu'un kelunan bara', ka'au' pu'un pengelan, akeu' pu'un penganeu', ko' pepoléng pengelan ko' éh bé' pu'un penganeu' nah ngan ké' ngan akeu' juk pepoléng ngan ko' pengelan ké' jin ineu' éh penganeu' ké'.

YAKUB 2:22

Bé' keh na'at Abraham pepoléng pengelan néh palaa' penganeu' néh kepéh. Inah maneu' pengelan Abraham pu'un sukup mu'un.

YAKUB 2:24

Lenaa' hun iteu' Allah payoo' kenin ngan kelunan uban neu' penganeu' kelunan inah, ngan bé' éh neu' pengelan néh awah.