YAKUB 2:22 - Rengah Jian

²² Bé' keh na'at Abraham pepoléng pengelan néh palaa' penganeu' néh kepéh. Inah maneu' pengelan Abraham pu'un sukup mu'un.

YAKUB 2:22 Iomraidhean Croise

YOHANES 6:29

Ka' ha' Yésus ngan réh, Inah éh pengeloo' Allah, jian keh ngelan tong Iah éh tuai sohoo' Allah, ha' Néh.

GALATIA 5:6

Uban hun lu' pu'un petem lem Kristus Yésus, pesunat ngan bé' pesunat péh, bé' éh ineu', bang inah awah éh pu'un gunah, pengelan lu' tong Yésus éh pu'un neu' penika Néh.

1 TESALONIKA 1:3

Hun mah améé' sebayang tong jumen Allah éh Tamen lu', ngelayau améé' seruh tong kekat kereja' keh ngan pengelan keh tong Tuhan, ngan tong keh kereja' muruh naneu' penika keh ngan Tuhan, ngan tong keh ngelan mu'un adang Tuhan Yésus Kristus juk tuai kepéh.

YAKUB 2:18

Barang pu'un kelunan bara', ka'au' pu'un pengelan, akeu' pu'un penganeu', ko' pepoléng pengelan ko' éh bé' pu'un penganeu' nah ngan ké' ngan akeu' juk pepoléng ngan ko' pengelan ké' jin ineu' éh penganeu' ké'.

1 YOHANES 2:5

Bang séé séé' éh tigéh kivu sohoo' Néh, kelunan inah pika Allah mu'un, inah néh tada' uleu' murip petem dalem Allah.