YAKUB 2:20 - Rengah Jian

²⁰ O kelunan palui, kejam keh pengelan éh bé' pu'un penganeu' ineu'-ineu' nolong irah éh jah bé' pu'un gunah néh?

YAKUB 2:20 Iomraidhean Croise

SURAT PAULUS NGAN SIDANG RUM 1:21

Na' péh irah jam Allah pu'un penyukat kenat, bé' irah seva' Iah ngan bara' jian kenin ngan Néh, bé' irah kivu Iah, irah suwok kenin awah, bé' réh jam seruh, pah avéé' réh merem awah lem kenin réh.

SURAT PAULUS NGAN SIDANG RUM 3:28

Ka' éh séé' séé' péh omok jian kepéh ngan Allah, uban néh ngelan tong Yésus Kristus, ngan bé' éh uban néh maneu' ineu' éh senohoo' Surat Musa.

SURAT PAULUS NGAN SIDANG RUM 9:20

O padéé' ké' séé' ka'ah ke' keh makang neteng ngan Allah? kineu' omok kuren tana' éh senuai réh barei' lajang nah neteng ngan irah éh suai éh, kineu' ko' suai akeu' ka'?

GALATIA 5:6

Uban hun lu' pu'un petem lem Kristus Yésus, pesunat ngan bé' pesunat péh, bé' éh ineu', bang inah awah éh pu'un gunah, pengelan lu' tong Yésus éh pu'un neu' penika Néh.

GALATIA 6:3

Uban hun jah usah seruh usah néh tengéé' jian jin kekat irah éh jah, éh mu'un néh bé' éh kenat, hun iah seruh éh pu'un jian kenat, inah iah ngelavo' usah néh awah.

KOLOSÉ 2:8

Mavaa' keh jian-jian dai kelunan mejeu keh neu' kuraa'-kuraa' arong ha' tebaraa' éh sala', éh kenyo ngan ngelavo' keh awah. Tebaraa' inah bé' éh jin Kristus bang jin kenin kelunan awah kenat péh tebaraa' inah jin pengejam utek néh awah, bé' éh jin penyukat Tuhan.

1 TIMOTIUS 1:6

Pu'un kuraa' kelunan éh netat jin tebaraa' éh teneng teu', tawang awah lah réh neu' réh pepané tong ha' éh adek ke' awah.

TITUS 1:10

Uban pinaa' kelunan makin péh tong irah Yahudi, bé' réh keloo' ngerera' tong pengeja'au tong sidang. Pu'un réh ngelavo' kelunan neu' kekat ha' tosok réh éh palui awah.

YAKUB 1:26

Hun pu'un kelunan éh seruh iah kivu Tuhan mu'un bang sa'at ha' ané néh, pengelan néh seleket bé' pu'un ngan iah ngelavo' usah néh awah.

YAKUB 2:17

Kenat péh tong pengelan. Hun pengelan bé' pu'un pepoléng lu' palaa' penganeu', pengelan éh kenat matai awah.

YAKUB 2:26

Uban kenat barei' okoo' usah éh bé' pu'un sahéé' inah éh usah éh matai, kenat péh pengelan éh bé' pu'un penganeu' pengelan inah matai awah.