YAKUB 2:19 - Rengah Jian

¹⁹ Ka'ah jam Allah matek jah awah. Jian éh kenat, bang kekat balei' péh jam Tuhan matek jah awah ngan riyet réh medai éh.

YAKUB 2:19 Iomraidhean Croise

MATIUS 8:29

Ngeradau roh ja'au ha', ka' ha' roh, O Anak Allah, ineu' éh juk neu' Ko' tong amo? Kineu' Ke' tuai, uban Ko' juk ngukum amo tenah bé' mena avéé' tong jaka' Ko' ngukum kekat kelunan, ha' roh.

MARKUS 1:24

ka'au' Yésus éh jin Nasaret, ineu' juk neu' Ko' tong améé' tu' da'? Ko' juk kebéé mé' énéh da'? Akeu' jam Ka'au', Ka'au' néh éh Lawah éh ni'ai jin Allah, ha' néh.

MARKUS 12:29

Ka' ha' Yésus mipa éh, Éh pelapah ja'au éh tekep kenivu mu'un, iteu' éh, O kekat kelunan Israel, Tuhan Allah éh kenelan lu', Iah awah éh Tuhan mu'un.

MARKUS 5:7

ngan iah ngeradau' ja'au ha', ka' ha' néh, O Yésus Anak Allah éh matek bau, ineu' juk neu' Ko' tong akeu', ke' Ko' tuai siteu' teu'. Ko' pika ku, mai Ke' ngukum akeu', ha' néh.

MARKUS 7:9

Ha' Yésus ngan réh kepéh. Jam mu'un keh bet ha' tebaraa' Allah, dokoo' keh kivu ha' tebaraa' pata ka'ah ke' awah.

LUKAS 4:34

Eii, ineu' juk neu' Ko' tong améé' o Yésus kelunan Nasaret? Kineu', Ka'au' tuai juk kebéé améé' énéh kei? Akeu' jam Ka'au'. Ka'au' lawah éh ni'ai éh tuai jin Allah, ha' balei' nah.

YOHANES 17:3

La'ah urip éh pelinguh, inah éh, hun kelunan jam jah Ka'au awah néh Allah éh mu'un, ngan hun réh jam Yésus Kristus éh senohoo' Ko' tuai nah.

PENGANEU' LAWAH 16:17

Pu'un éh kivu Paulus seliko ngan améé', mejui éh, ka' ha' néh, Kelunan inah maneu' kereja' Allah éh Matek Bau, pu'un réh bara' jalan uleu' kelunan omok alaa' urip éh maréng, ha' néh.

PENGANEU' LAWAH 19:15

Bang ka' ha' balei' nah mipa réh, Kejam ké' Yésus ngan kejam ké' Paulus nah, bang ka'ah iteu' séé' keh, ha' balei' nah.

PENGANEU' LAWAH 24:25

Bang tovoo' Paulus bara' tong kekat barék éh jian, ngan tong mavaa' kenin, ngan tong dau Tuhan juk ngukum kelunan, medai Peliks, boh éh bara' ngan Paulus, ka' ha' néh, Ma'o lah ke' pané hun iteu', moléé' ke', hun mah ku' juk tebai ke' kepéh, boh ku' tebai ke', ha' néh.

SURAT PAULUS NGAN SIDANG RUM 3:30

Jah de ke' Allah ngan pu'un Iah maneu' kelunan Yahudi jian kepéh ngan Allah, naneu' pengelan réh tong Yésus Kristus, kenat péh kelunan éh tengéé' pohoo' Iah maneu' réh jian kepéh ngan Allah, naneu' pengelan réh tong Yésus Kristus.

1 KORINTUS 8:4

La'ah ka'an éh peliwa réh ngan butun, tong irah éh neteng hun omok kuman ngan bé' péh, butun inah bé' pu'un urip ineu'-ineu' lem néh, inah éh telana' tong éh bé' pu'un awah. Uleu' jam allah jah awah.

1 KORINTUS 8:6

bang ngan uleu' éh ngelan tong Tuhan, Allah jah awah, inah éh Tamen uleu', éh suai kekat-kekat arong ineu'-ineu' péh, ngan uleu' murip neu' Néh, kenat péh jah awah Tuhan lu', inah éh Yésus Kristus, Iah éh suai kekat ineu'-ineu' ke' néh pu'un pesuai, ngan uleu' péh murip neu' Néh.

GALATIA 3:20

Bang hun Allah mena' jajii' Néh ngan Abraham rai, bé' pu'un pebelah, la'ah Allah Iah péh jah awah.

1 TIMOTIUS 2:5

Allah jah awah, ngan Kristus Yésus Iah awah éh jalan éh omok mihin lu' pemung jah awah kepéh ngan Allah. Kenat péh Kristus inah Iah malui kelunan mu'un.

YAKUB 2:8

Ka'ah maneu' ineu' éh teneng hun keh mihau tebaraa' tong Pengihau Allah éh senurat dalem surat Allah, Jian ke' murung padéé' ko' pekua' ko' murung usah ko' tengéé'.

YUDAS 1:4

Pu'un kuraa'-kuraa' kelunan éh bé' ngelan tong Tuhan lepah masek belah lu' ngan bé' kenejam lu'. Irah ngepaléu ha' tebaraa' tong penika Allah lu', ke' réh omok maneu' barék réh éh sa'at. Irah bé' ngelan Yésus Kristus, Iah awah éh pu'un penyukat ngan éh Tuhan lu'. Jin sahau tenéh Ha' lem Surat Allah bara' tong ukum éh juk teneng tong kelunan éh maneu' kenat.

YUDAS 1:6

Jian keh nesen tong irah meliket éh juk alaa' penyukat pelapah ja'au jin éh nena' Allah ngan réh, pah avéé réh piso jin retek okoo' réh pohoo'. Allah ngejeret irah meliket inah palaa' latai éh reken mu'un, tong retek éh merem saa' ra' tana'. Allah pokoo' réh Sinah pah avéé' pengega' dau hun Tuhan ngukum réh.

ÉH POLÉNG 20:10

Boh Sitan éh ngelavo' réh nebet Tuhan lem bawang luten ngan éh letéé' éh pana mu'un. Éh jalan ka'an inah ngan nabi éh ngelavo' nah nebet Tuhan sahau. Irah béé teneng keta putung dau ngan putung merem avéé' pelinguh-linguh.