YAKUB 2:18 - Rengah Jian

¹⁸ Barang pu'un kelunan bara', ka'au' pu'un pengelan, akeu' pu'un penganeu', ko' pepoléng pengelan ko' éh bé' pu'un penganeu' nah ngan ké' ngan akeu' juk pepoléng ngan ko' pengelan ké' jin ineu' éh penganeu' ké'.

YAKUB 2:18 Iomraidhean Croise

SURAT PAULUS NGAN SIDANG RUM 14:23

Bang séé'-séé' éh duah kenin bé' jam seruh hun néh omok kuman ngan bé' péh, boh éh ulak kuman éh awah, pu'un Allah ngukum iah, uban iah kuman ngan bé' ngelan. La'ah ineu'-ineu' éh neu' lu' éh bé' pu'un ngan pengelan lu', penyala' awah éh.

SURAT PAULUS NGAN SIDANG RUM 3:28

Ka' éh séé' séé' péh omok jian kepéh ngan Allah, uban néh ngelan tong Yésus Kristus, ngan bé' éh uban néh maneu' ineu' éh senohoo' Surat Musa.

SURAT PAULUS NGAN SIDANG RUM 4:6

Kenat sin tong ha' Daud rai, hun néh bara' tong kemurung kelunan éh nalaa' Allah seleket kelunan éh jian ngan Néh kepéh.

SURAT PAULUS NGAN SIDANG RUM 8:1

Bé' pu'un ukum hun iteu' tong kelunan éh petem dalem Kristus Yésus.

SURAT PAULUS NGAN SIDANG RUM 9:19

Barang pu'un péh kelunan éh seruh, Hun néh kenat uban ineu' Allah pesala' kelunan? Séé' omok ngelawan pengeloo' Allah.

1 KORINTUS 13:2

Na' péh akeu' jam nebaraa' kelunan ngan lenaa' mu'un uban pengena' Tuhan ngan ké', kenat péh na' péh akeu' omok jam tong kuraa'-kuraa' pengeloo' kenin Tuhan éh pelim jin kelunan lepah rai, ngan na' péh akeu' pu'un pengelan tong Tuhan éh sukup mu'un ke' ké' omok nyohoo' tokong piso, bang hun akeu' bé' pika kelunan, seleket ké' bé' pu'un maneu' kenat.

2 KORINTUS 5:17

Séé'-séé' éh murip dalem Kristus, iah pu'un urip maréng, kekat urip néh jin sahau lepah béé, iah pu'un urip maréng kepéh.

2 KORINTUS 7:1

Kekat bakéh ké', kekat ha' jajii' Néh inah, pu'un éh ngan uleu', uban néh pu'un ngan uleu' kenat, jian uleu' peti'ai kenin lu' jin kekat ineu'-ineu' éh omok maneu' usah ngan kenin lu' sa'at, jian uleu' ni'ai mu'un ngan murip ngan medai maneu' ineu'-ineu' éh sa'at éh omok ngesa'at ngaran Allah.

GALATIA 5:6

Uban hun lu' pu'un petem lem Kristus Yésus, pesunat ngan bé' pesunat péh, bé' éh ineu', bang inah awah éh pu'un gunah, pengelan lu' tong Yésus éh pu'un neu' penika Néh.

1 TIMOTIUS 1:5

Éh ke' ké' nyohoo' ke' kenat dokoo' kekat kelunan omok pepit penika éh pu'un jin kenin réh éh ni'ai, kenat péh bé' pu'un ineu'-ineu' jin lem kenin réh éh omok pesala' réh uban pengelan réh pu'un mu'un tong Tuhan.

TITUS 2:7

Ka'au' tekep jah telana' tong barék éh jian dalem kekat ineu'-ineu' péh. Jian ke' nebaraa' réh jin kenin ko' mu'un, mai ke' ngelayoo' awah.

IBRANI 11:31

Uban neu' pengelan, Rahab redo éh bavah inah, bé' teneng pematai pemung ngan irah éh ngelawan Allah. Uban iah alaa' rawah pohoo' Israel éh ngelong tana' inah ngan jian kenin.

IBRANI 11:33

Neu' pengelan, irah omok nyopéé' kuraa'-kuraa' arong tana'. Pu'un réh maneu' ineu' éh teneng, uban kenat irah alaa' ineu' éh pejajii' Allah, irah mitep ujun tepun,

IBRANI 11:6

Bé' kelunan omok ngepayoo' kenin Allah hun néh bé' ngelan tong Néh. Kelunan éh tavin Allah, tekep éh ngelan Allah pu'un ngan ngelan Iah omok mena' ngan irah éh mekat pitah Éh.

YAKUB 2:14

O kekat padéé' ké' bé' pu'un gunah néh hun jah kelunan Kristén bara' Akeu' ngelan tong Tuhan ha' hun penganeu' néh bé' pekua' ngan pengelan néh inah. Pengelan éh kenat bé'omok purip éh.

YAKUB 3:13

Jian iah pepoléng éh neu' kekat barék néh pu'un jian ngan jin kekat penganeu' éh neu' néh ngan diva' kenin ngan jam seruh.