YAKUB 2:14 - Rengah Jian

¹⁴ O kekat padéé' ké' bé' pu'un gunah néh hun jah kelunan Kristén bara' Akeu' ngelan tong Tuhan ha' hun penganeu' néh bé' pekua' ngan pengelan néh inah. Pengelan éh kenat bé'omok purip éh.

YAKUB 2:14 Iomraidhean Croise

MATIUS 5:20

Akeu' bara' mu'un ngan keh, hun penganeu' keh bé' pelapah teneng jin kekat penganeu' irah guru éh nebaraa' keh tong sohoo' lem Surat Musa, ngan jin penganeu' irah éh kivu adet Parisi, adang keh bé' omok tai lem nihau Allah, ha' Néh.

LUKAS 3:11

Ha' Yohanes ngan réh kepéh, Kelunan éh pu'un duah kerayung, jian éh mena' jah ngan kelunan éh bé' pu'un kerayung, kenat péh kelunan éh pu'un ka'an, jian éh petulat ka'an inah ngan irah éh bé' pu'un ka'an, ha' néh.

LUKAS 6:49

Bang kelunan éh menéng ha' Ké' bang bé' iah kivu éh, inah éh pekua' ha' tapan tong kelunan éh maneu' lamin tong tana' awah ngan bé' pu'un lihei' néh reken. La'ah avéé' baa' ja'au nesung lamin inah, tioo kuba' lamin inah ngan petegarai mu'un-mu'un la'ah éh, ha' Néh.

PENGANEU' LAWAH 15:9

Bé' éh tengéé' ke' penganeu' Néh ngan uleu', tengéé' ke' éh neu' Néh ngan irah, bang Iah mega' penyala' lu' béé neu' pengelan lu' tong Iah awah.

PENGANEU' LAWAH 8:13

Simon péh ngelan kepéh, ngan la'o néh batis mokoo' éh ngan Pilipus, béé kenin néh na'at kekat penganeu' Pilipus, penganeu' éh pepoléng penyukat Tuhan ngan éh ngebéé kenin kelunan.

PENGANEU' LAWAH 8:21

Bé' ke' omok alaa' ineu'-ineu' péh, bé' ke' omok kereja' pemung ngan améé', uban kenin ko' bé' teneng tong jumen Allah.

SURAT PAULUS NGAN SIDANG RUM 2:25

Hun ka'ah pu'un kivu kekat sohoo' lem Surat Musa, boh adet sunat inah pu'un gunah ngan keh, bang hun keh ngelapah tong kekat sohoo' inah, seleket keh bé' pu'un pesunat.

1 KORINTUS 15:2

La'ah Rengah Jian inah bara' tong jalan ka'ah alaa' urip maréng, inah ha' tebaraa' éh benara' ké' ngan keh rai. Hun keh ngelan éh mu'un adang keh alaa' urip, inah éh hun pengelan keh rai bé' tuyah-tuyah awah.

1 KORINTUS 16:22

La'ah kelunan éh bé' pika Tuhan, inah éh kenukum Tuhan. Maranatha, sin néh, Tuhan juk tuai.

GALATIA 5:13

O kekat padéé' ké', ka'ah pu'un tenebai Tuhan dokoo' keh omok pelepu jin kekat ukum tong adet kelunan. Bang mai keh seruh, pelepu mé' hun iteu' bé' pu'un ukum kepéh, omok mé' kivu kenin mé' tengéé' tong kekat pengagat usah mé'. Bé' éh kenat. Bang neu' penika keh ngan Tuhan jian keh nolong ngan petolong pesiget usah keh béé.

GALATIA 5:6

Uban hun lu' pu'un petem lem Kristus Yésus, pesunat ngan bé' pesunat péh, bé' éh ineu', bang inah awah éh pu'un gunah, pengelan lu' tong Yésus éh pu'un neu' penika Néh.

1 TESALONIKA 1:3

Hun mah améé' sebayang tong jumen Allah éh Tamen lu', ngelayau améé' seruh tong kekat kereja' keh ngan pengelan keh tong Tuhan, ngan tong keh kereja' muruh naneu' penika keh ngan Tuhan, ngan tong keh ngelan mu'un adang Tuhan Yésus Kristus juk tuai kepéh.

1 TIMOTIUS 1:5

Éh ke' ké' nyohoo' ke' kenat dokoo' kekat kelunan omok pepit penika éh pu'un jin kenin réh éh ni'ai, kenat péh bé' pu'un ineu'-ineu' jin lem kenin réh éh omok pesala' réh uban pengelan réh pu'un mu'un tong Tuhan.

1 TIMOTIUS 4:8

Hun lu' tupat pekalai alaa' kegahang usah lu', pu'un gunah néh si'ik awah, bang hun lu' pekalai alaa' kegahang dalem kenin lu', boh éh gunah mu'un, uban pu'un gunah néh lem urip lu' hun iteu', kenat péh lem urip lu' kepéh.

TITUS 1:16

La'ah pu'un réh bara' irah jam Allah, bang kekat penganeu' réh pepoléng réh bé' jam Éh. Irah teneng tong rek Tuhan, bé' réh kivu sohoo' Allah, bé' réh omok maneu' ineu'-ineu' éh jian.

TITUS 3:8

La'ah teneng mu'un ha' inah. La'ah éh pengeloo' ké', jian ke' mekat bara' kekat ha' tebaraa' iteu', dokoo' irah éh ngelan tong Allah omok mekat kereja' ngan maneu' kekat éh jian. Kekat ha' tebaraa' iteu' jian éh, ngan pu'un gunah néh ngan kekat kelunan.

IBRANI 11:17

Neu' pengelan, Abraham sedia' mematai anak néh Ishak barei' jah pengena' ngan Allah, inah éh tovoo' Allah nesek kenin néh. Pu'un Allah mena' jajii' Néh ngan Abraham bang Abraham iah makang kivu sohoo' Allah dokoo' mematai anak néh éh jah de ke' inah.

IBRANI 13:9

Mai keh kejeraa' ha' tebaraa' éh tengéé' pepetat keh jin jalan éh teneng. Kenin lu' tekep gahang neu' penika Allah, bé' éh neu' lu' kivu kuraa' kuraa' sohoo' tong éh omok kinan lu'. Kelunan éh kivu sohoo' inah bé' inah omok ngegahang pengelan réh tong Tuhan.

YAKUB 1:16

O kekat padéé' ké', mai keh lavo' neu' penyala'.

YAKUB 2:16

Bé' pu'un gunah keh bara' ka' ngan néh, Allah mena' pengejian ngan ko'! Ko' pakai kerayung ko' dai ko' genin ngan kuman mu'un ke' da' pah avéé' ko' beso ha', hun keh bé' pu'un mena' ineu'-ineu' ngan néh.

YAKUB 2:18

Barang pu'un kelunan bara', ka'au' pu'un pengelan, akeu' pu'un penganeu', ko' pepoléng pengelan ko' éh bé' pu'un penganeu' nah ngan ké' ngan akeu' juk pepoléng ngan ko' pengelan ké' jin ineu' éh penganeu' ké'.

YAKUB 2:26

Uban kenat barei' okoo' usah éh bé' pu'un sahéé' inah éh usah éh matai, kenat péh pengelan éh bé' pu'un penganeu' pengelan inah matai awah.

2 PÉTERUS 1:5

Uban néh kenat, jian keh ngerakep dokoo' keh petem ngelan tong Kristus, mihau urip éh jian ngan kepéh jam tong pengeloo' Allah.