YAKUB 1:9 - Rengah Jian

⁹ La'ah jian kelunan Kristén éh kari. Murung kenin uban tong jah dau Allah omok metéé' réh tong retek éh jian kepéh.

YAKUB 1:9 Iomraidhean Croise

LUKAS 1:52

Iah petuhun raja' jin pakat néh ngan metéé' irah éh ra' kepéh.

LUKAS 10:20

Na' péh balei' omok pega' neu' ha' keh, mai keh murung kenin tong inah awah, bang jian keh murung kenin uban ngaran keh pu'un lem surat Tuhan tong seruga, ha' Yésus.

LUKAS 14:11

Uban siget kelunan éh ngajung usah néh tengéé', iah tai ra' kepéh. Kelunan éh ngera' usah néh iah éh pu'un kenajung réh kepéh, ha' Yésus ngan réh.

LUKAS 9:48

La'ah ha' Néh ngan réh, séé'-séé' éh alaa' anak kenat lem ngaran Ké', inah iah alaa' Akeu', ngan séé'-séé' éh alaa' Akeu', inah iah alaa' Iah éh nyohoo' Akeu' tuai. Kenat péh séé'-séé' éh ra' belah ka'ah, iah ke' éh ja'au mu'un belah keh kepéh, ha' Néh ngan réh.

SURAT PAULUS NGAN SIDANG RUM 8:17

Uban uleu' éh anak Néh, uleu' omok alaa' kekat pengejian éh juk nena' Allah ngan kelunan éh anah nah. Kenat péh kepéh uleu' omok alaa' éh pemung ngan Kristus, kekat éh lepah pejajii', nah Allah ngan Anak Néh. Uban hun lu' keta pemung ngan Kristus, uleu' péh omok pemung ngan Néh lem pengaren Néh.

2 KORINTUS 6:10

Pu'un mé' besau, bang pu'un murung kenin mé' kepéh. Pu'un mé' kari mu'un, bang pu'un mé' pekaya' kenin kelunan pinaa'. Améé' bé' pu'un livah ineu'-ineu' bang améé' pu'un kekat pengena' Tuhan ngan kaya' mu'un mé'.

PILIPI 3:14

Akeu' nekedeu' mu'un barei' irah lem petakéé' dokoo' ké' omok alaa' pengena' néh, inah éh, tong Allah tebai ku' dalem Kristus Yésus, dokoo' ké' omok alaa' urip maréng pemung ngan Néh tong seruga.

PILIPI 3:3

bang uleu' éh pu'un pesunat éh teneng, uban uleu' seva' Allah naneu' Sahéé' Néh ngan murung naneu' urip lu' lem Kristus Yésus, bé' uleu' ngelan tong ineu'-ineu' éh omok neu' kelunan.

1 PÉTERUS 2:9

Bang ka'ah jah pohoo' éh kevéléé' Allah, imam-imam éh mena' urip néh maneu' kereja' Allah, pohoo' éh ni'ai, kelunan éh anah Allah mu'un. Allah ngevéléé' keh dokoo' keh omok perengah penganeu' Néh éh ngebéé kenin kelunan Allah lepah tebai ka'ah musit jin merem dokoo' masek lem rema Néh éh jian mu'un.

ÉH POLÉNG 2:9

Akeu' jam kekat penusah ko', Akeu' jam ke' pu'un kari, bang éh mu'un néh ka'au' kaya'. Akeu' jam kekat ha' sa'at éh jalan irah Yahudi pesala' ke'. Irah bara' réh pohoo' Yahudi, bang bé' réh pohoo' Yahudi mu'un, pu'un réh lem kamit Sitan.