YAKUB 1:27 - Rengah Jian

²⁷ Kelunan éh ngepayoo' kenin Allah Tamen lu', inah éh kelunan éh kivu Iah mu'un, bé' éh ngelayoo' awah sebayang. Jian réh nolong anak uyau ngan redo baleu' lem kekat penusah réh ngan mihau usah réh jin kekat arong kesa'at tong tana' iteu'.

YAKUB 1:27 Iomraidhean Croise

MATIUS 12:32

Séé'-séé' éh pané pesalut Anak Kelunan, omok penyala' néh inah pega', bang séé'-séé' éh pané muau Sahéé' Ni'ai, bé' penyala' néh inah omok pega', lem urip néh hun iteu' kenat péh pah avéé' néh matai, ha' Yésus ngan réh.

MATIUS 5:8

Murung kenin kekat kelunan éh ni'ai kenin, irah omok jam Allah.

LUKAS 1:6

Jian barék roh tong ta'an Allah, pu'un roh kivu kekat sohoo' ngan pengeloo' kenin Tuhan.

SURAT PAULUS NGAN SIDANG RUM 12:2

Mai keh kivu barék kelunan éh bé' ngelan tong Tuhan, bang jian keh kejeraa' Allah ngepaléu kenin keh mu'un neu' Iah ngepaléu kekat penyeruh keh tong éh sa'at rai. Boh keh omok jam tong pengeloo' Allah ngan jam tong kekat éh jian ngan éh ngepayoo' kenin Néh ngan sukup mu'un.

SURAT PAULUS NGAN SIDANG RUM 2:13

Bé' kelunan omok jian kepéh ngan Allah hun réh menéng éh awah tong kekat ha' lem Surat Musa. Bang hun réh pu'un kivu kekat sohoo' lem surat inah, boh irah pu'un jian kepéh tong jumen Néh.

GALATIA 1:4

La'ah pu'un Kristus mena' urip Néh uban penyala' lu' kivu pengeloo' Tamen Néh Allah, dokoo' Néh ngelepu lu' jin urip lu' éh sa'at tong tana' iteu'.

GALATIA 3:11

La'ah bé' pu'un jah usah péh éh omok ngepayoo' kenin Allah neu' néh kivu sohoo' lem Surat Musa. Uban pu'un jah ha' lem Surat Allah éh bara' ka', kelunan éh pu'un kenin éh jian kepéh tong Allah neu' pengelan néh tong Iah, omok éh murip.

GALATIA 5:6

Uban hun lu' pu'un petem lem Kristus Yésus, pesunat ngan bé' pesunat péh, bé' éh ineu', bang inah awah éh pu'un gunah, pengelan lu' tong Yésus éh pu'un neu' penika Néh.

GALATIA 6:14

Bang tong akeu', jah awah éh juk kenajung ké', inah éh tong pengematai Tuhan lu' Yésus Kristus. Uban neu' Néh matai tong kayeu' salib, kekat-kekat éh tong tana' iteu' tuyah-tuyah awah ngan ké'. Akeu' péh seleket matai ngan kekat-kekat éh pu'un tong tana'.

ÉPESUS 2:2

Tovoo' inah pu'un keh kivu jalan éh kemalai kelunan éh bé' jam Tuhan. Pu'un keh kivu sohoo' pengeja'au kekat balei', pengeja'au balei' nah pu'un éh ngamit kelunan éh bé' kivu sohoo' Tuhan pah avéé' hun iteu'.

1 TIMOTIUS 1:5

Éh ke' ké' nyohoo' ke' kenat dokoo' kekat kelunan omok pepit penika éh pu'un jin kenin réh éh ni'ai, kenat péh bé' pu'un ineu'-ineu' jin lem kenin réh éh omok pesala' réh uban pengelan réh pu'un mu'un tong Tuhan.

1 TIMOTIUS 5:4

Bang tong redo baleu' éh pu'un anak ngan ayam, jian irah anak ngan ayam néh pekalai nolong éh, ngan mena' oléé' ngan néh, uban kenat péh éh ngepayoo' kenin Allah.

TITUS 2:12

La'ah penika Néh inah mihin uleu' dokoo' murip ni'ai ngan bé' kivu kekat éh jin tana' iteu'. Tong tana' iteu' uleu' tekep murip jam mavaa' kenin, teneng ngan kivu sohoo' Allah.

YAKUB 3:17

Bang kelunan éh pu'un pengejam éh tuai jin seruga pu'un éh mihin kelunan murip ni'ai, pawah, dawai kenin, ngan jian pengané. Irah pu'un pika kelunan ngan kivu kekat arong penganeu' éh jian bé' réh netah ngan ngelayoo' awah maneu' jian.

YAKUB 3:9

Uleu' pakai jela' lu' dokoo' bara' jian kenin ngan Tuhan éh Tamen lu', ngan palaa' jela' lu' pu'un lu' maneu' kelunan éh senuai pekua' layan Allah.

YAKUB 4:4

O ka'ah éh petat jin Tuhan, kineu', bé' keh jam éh, hun keh kivu kenin éh jin tana' iteu', adang keh ayau Allah. Séé'-séé' éh kivu kenin éh jin tana' iteu' ngan bé' ngelan tong Tuhan, adang néh ayau Allah.

2 PÉTERUS 1:4

Kenat péh Iah mena' kuraa' kuraa' arong jajii' éh matek jian mu'un ngan lu'. Dokoo' lem kekat inah béé ka'ah pu'un kivu barék Allah ngan pelepu jin pengagat éh sa'at éh pu'un tong tana' iteu'.

2 PÉTERUS 2:20

Kelunan éh jam Tuhan ngan Éh purip lu' Yésus Kristus, lepah pelepu jin penyukat tana' iteu' éh ngesegit kelunan. Bang hun jin la'o inah irah keripen kepéh ngan sopéé' neu' kekat penyukat inah, urip réh pelapah sa'at kepéh jin hun réh bé' jak jam Kristus.

2 PÉTERUS 3:14

Uban néh kenat, O kekat padéé' éh kemurung ké', kelebéé' keh mena Dau inah avéé', jian keh mekat dokoo' keh pu'un ni'ai ngan bé' pu'un sala' ineu'-ineu' tong jumen Allah.

1 YOHANES 5:18

La'ah uleu' jam kelunan éh paléu anak Allah, bé' éh petem maneu' penyala', uban Anak Allah pu'un mihau éh, Sitan bé' omok maneu' éh.